Kalaallit Nunaata takornarissanut nittartagaa pitsaanerulerpoq

greenland.com 3.0

Kalaallit Nunaata takornarissanut nittartagaa nersornaaserneqarnikut, greenland.com, ukioq manna julimi ineriartorteqqinneqarpoq, taamaalilluni pitsaanerulerluni.

Tassunga peqatigitillugu nittartakkamut isertartut 20%-it sinnerlugit ukioq manna amerleriarput, nunarsuarmiillu tamanit 840.000 tikillugit iserfigineqartarluni.

Takussutissiilluni pitsaanerusumik oqaluttuarneq

Takussutisiisarneq nittartagatoqqameersoq greenland-com-imi nutaami ingerlatiinnarneqarpoq, tassungali peqatigitillugu ullutsinnut naleqqunnerulersinneqarluni, imarisaalu atuisartunut oqaluttuarnerulernikuupput.

Tamassuma saniatigut atorneqarluarsinnaanera pitsanngortinnikuuarput, taamaalilluni neroruuteqartut neqeroorutillu aalajangersimasut atuisut ataasiakkaat kissaatigisaannut pisariaqartitaannullu naleqqunnerusut pillugit paasissutissat atuisunit nassariuminarnerulernikuullutik.

Imarisaalu atuisartunut oqaluttuarnerulernikuupput.

Profilside takornariartitsisartut ataasiakkat pillugit paasissutissat pisariaqartut atuisut takusinnaavaat.

Neqerooruteqartut ersarinnerulersinneqarnerat

Profilside tassaavoq nunatsinni takornariartitsinissamik neqerooruteqartartutut imminnut ilisaritinnerat. Tassani takornariartitsisartut ataasiakkat pillugit paasissutissat pisariaqartut atuisut takusinnaavaat.

Takornariartitsisartutut greenland.com-imi kinaaninnik ilisarititsillutit qupperneqaruit sullississutitit, takoqqusaarutitit ilinnullu attavissat pillugit paasissutissat takuneqarsinnaapput. Soorunami nittartakkannut aamma innersuussuteqassaagut, taamaalilluni internetimi annertunerpaamik ersarissuussallutit.

greenland.com-imiippit?
Takornariartitsisarnermik neqerooruteqartut tamaasa takussutissiami sapinngisamik ilanngunniarnikuuagut, kisiannili arlaannik pissuteqarluni profilsidet greenland.com-imi takusinnaanngikkukku, uunga allagit aviaja@greenland.com imaluunniit sianerit (+299) 34 28 38.

Nittartakkatitsinnut kikkut isertarpat?

Greenland.com-imut isertartut aammaarluni 20%-it sinnerlugit 2014-imi amerleriarput. Qaammammi kingullermi greenland.com isertartut 90.000-pput, taakkunannga 75 %-it nutaajullutik.

Isertartut 26%-ii – taamaalillunilu amerlanersaat – USA-meersuupput (assilissat ataaniittut takukkit). Isertartut Danmarkimeersut tulliupput (15%), Tysklandimeertut pingajuullutik (9%).

Atuisut isertartut greenland.com-imi oqaatsit pingasut suut atortarneraat takussallugu soqutigigukku, tabellimi ataaniittumi takusinnaavat: isertartut tuluttut oqaasillit 59%-it missaaniipput, 17%-ingajaat danskisut oqaaseqartuupput 10%-illu missaaniittut tyskisut oqaaseqartuullutik.

Paasissutissaatigut pillugit paasisaqarnerorusukkuit imaluunniit takoqqusaarutigut qasseriarluni takunneqartarnerat paasisaqarfigerusukkukku unnga allassinnaavutit: advertising@greenland.com.

Qaammammi kingullermi greenland.com isertartut 90.000-pput.

Takoqqusaarinissamut periarfissatit

Greenland.com-imi takoqqusaarutit aamma takuneqarsinnaanerat pitsanngorsarneqarnikuuvoq, taamaalilluni atuisut angalanissamut neqeroorutit aalajangersimasut ajornannginnerusumik nassaarisinnaallugit. Greenland-com-imi takoqqusaarisartutut ukuninnga periarfissaqarputit:

  • Takornarissanut Kalaallit Nunaannik soqutiginnittunut pisinissamik soqutiginnittunut ersarinneruneq – taamaalillutillu pisisartuusinnaasut pissarsiarisinnaallugit,
  • Sullississutitit atuisunut naleqqussarlugit greenland.com-imilu immikkut, qupperneqartillugit takoqqusaarutigisinnaavatit – maannakkut sullississutitit pillugit assit – slideshowit videollu takutinnissaannut periarfissaqarlutit,
  • ’Pioneering & Powerful’ Kalaallit Nunaanni angalanerni misigisassanut kusanartumik sinnaakkusiisoq qulequtaralugu sullissutitit Greenland-ip takuneqarsinnaasunik nittarsaaneranut ilanngusinnaavatit,
  • Takoqqusaarinermi akit appasissut atorlugit neqeroorutitit sullississutitillu nunani tamani pisisartunut takutissinnaavatit.

 
Greenland.com-imi takoqqusaarisarneq pillugu annertunerusumik paasisaqarsuikkuit, e-mailikkkut attavigisigut: advertising@greenland.com imaluunniit oqarasuaatikkut (299) 34 28 29.