Visit Greenland tusagassiuutinut atassuteqarnermi akisussaasuuvoq

Qalasersuup eqqaani inuusuttunut timersornermi kulturimilu aaqqissuineq nunarsuarmi annertunerpaaq, 2016-imi isittumi ukiut unamminerit, Kalaallit Nunaannik nutaaliaasumik issittumilu kulturinik misigisaqarnissamut periarfissaavoq.

Aappaagu piffissaq taamaalippat 6.-12. marts Kalaallit Nunaanni illoqarfiit pingaarnersaat Nuuk ullumikkumut nunatsinni aaqqissuussinerit annersaanni aaqqissuisuunermigut oqaluttuarisaanermut ilanngutissaaq. Arctic Winter Games 2016.

Visit Greenland aaqqissuussinermi tusagassiuutinut attaveqartussaaq. Tamassumani ilaapput unamminerni tusagassiorfimmik aqutsineq kiisalu unamminerit saniatigut tusagassiuutit soqutiginnittut pingaaruteqartunik oqaluttuanik attaveqaatinillu pissarsinissaat.


Visit Greenland aaqqissuussinermi tusagassiuutinut attaveqartussaaq. 

Tusagassiuutinik katersortitsinerni ilinniartitaaneq aamma kalaallit nerisassaataat kiisalu oqaatsit kulturilu oqalugiartumit qaaqqusamit saqqummiunneqartassapput.

Ullut tamaasa tusagassiuutinik katersortitsinerni AWG 2016-imi pisut pingaarnerit saqqummiunneqartassapput, aammali tusagassiuutinut soqutiginarsinnaasunik assigiinngitsunik sammisaqarfiusassallutik. Tamanna ajornannginnerulersinniarlugu aamma uunamminerit ingerlaneranni ullaat tamaasa tusagassiuutinik katersortitsinerni ilinniartitaaneq aamma kalaallit nerisassaataat kiisalu oqaatsit kulturilu oqalugiartumit qaaqqusamit saqqummiunneqartassapput.

Tusagassiortut tamatuma kingorna sumiiffinnut naleqquttunut ’saqqummiinissanut’ peqataanissamut qaaqquneqartassapput, soorlu tunisassiorfiit, niuertarfiit kiisalu ilinniarfiit kulturimillu ingerlatsiviit.

 

Issittumi kulturerpassuit

Tusagassiuutit piffissami tassani Kalaallit Nunaannut tikeraartut aamma Issittumi kulturit assigiinngitsorpassuit misigisaqarfiginissaannut periarfissaqassapput. Alaskam, Yukon, kitaata avannaani naalagaaffiit ilaat, Nunavut, Nunavik, Albertap avannaatungaa, Sápmi (Samit Nunaat), Yamal aamma Kalaallit Nunaat aaqqissuussinermi tassani naapittassapput.

Timersornikkut, kulturikkut inuillu attaveqaqatigiittarneranni amerlasuunik paarlaaqatigiittoqartassaaq saqqummiisoqartarlunilu.

Aaqqissuussineq nunamik siuarsaaviusoq

AWG 2016 aaqqissuinerinnaanngilaq annertunerujussuullunili. Suliffissuit ilinniarfiillu assigiinngitsorpassuit akornanni piginnaasanik ineriartortitsinissamut periarfissaavoq. Aamma Kalaallit Nunaata tamarmi naapeqatigiinnissaanut ataatsimullu ingerlatsinermi suleqatigiinnissamut periarfissaavoq.

Aaqqissuinermut nunamik siuarsaaviusumut tapersiinissaq Visit Greenlandip qilanaaraa. AWG 2016-imut tusagassiortarnissat soqutigigukku qinnuigaatsigit attaveqarfigeqqulluta.


Apeqquteqaatit: press@greenland.com

Timersornikkut, kulturikkut inuillu attaveqaqatigiittarneranni amerlasuunik paarlaaqatigiittoqartassaaq saqqummiisoqartarlunilu.