#1 – NUNAATILITTUT NAASORISSAANEQ SUMIIFFINNI ANNIKITSUINNAAVOQ

Tamanna apeqquserneqarsinnaanngilaq, Kalaallit Nunaata 80 procentia sermersuummat, sineriammilu nuna sermeqanngitsoq annerusumik qaarsuulluni. taamaallaat kujasinnerusumi tomaatit, salaatit jordbærillu naatinnissaannut naammattumik issoqarpoq.

 

Sumiiffinni najugallit “Kalaallit Nunaata naatsiivianiit” sanaavi niuertarfinni pisiariumaneqartaqaat!


Tikeraat oqaluttuuttakkit, niuertarfinni tamani nioqqutigisaat tamarmik avataaniit soorlu  Islandimiit, Danmarkimiit, Spaniamiit nunanilluunniit allaniit umiarsuarmik timmisartumilluunniit assartorneqartartut. Neqi aalisakkallu, soorlu tuttu, umimmak, raajat imaluunniit qalerallit pinngortitami piniagassat ilagaat. (Takuuk #3).

 

#2 – TAAMAAMMAT, NERISASSAT AKISUPPUT

Iipilit agurkit nioqqutissaasut ungasissorsuarmiit assartorneqarnissaannut ataqatigiissaarisariaqartarneq angalasut amerlanerit ilisimanavianngilaat, tamannali imaannaanngilaq - suliarujussuuvoq.


Tikeraat oqaluttuuttakkit, Kalaallit Nunaanni nerisassat najukkaminniit akisunerusarnissaat naatsorsuutigissagaat. Assersuutigalugu kigutaarnat poortukkat akeqartarput 7 EUR, imaluunniit cafémi tamussissagaanni, iggiserlunilu kaffimik naggaserlugit taakkua immikkut 28 EUR missaani akeqassapput. Sutorniartarfimmilu siatamik neqitussagaanni inummut ataatsimut 75 EUR palillugu akeqarnissaat naatsorsuutigineqassaaq.

 

#3 – AALISAKKAT KIISALU TIMAANI IMAANILU MILUUMASUT SASSAALLIUTISSAAPPUT IMMIKKOORTUT

Nerisassiassat Kalaallit Nunaanneersut Nunani Avannarlerni ilaannilu Thailandimi igasarnerisut igaat toqqarneqarnerusarput. Nipisap suaanik tamulugassiat kiisalu imarmiunik suppaliat akoqarluartut siuleqqiutissaqqissuupput. Tuttup umimmaallu neqaat burgeritut imaluunniit immikkut siatatut piumaneqarnerusarput.

 

Tikeraat oqaluttuuttakkit, Tapas Plate Kalaallit Nunaanneersut tassaanerusartut tikaagulliup neqaa panertoq imaluunniit pujuugaq immaqalu puisip neqaa kiisalu mattak, tassaasoq qilalukkap qaqortap qernertalluunniit amia orsualu.

 

#4 – NERISASSIAT IMMIKKOORTUT SULI PIUMANEQARNERUJARTORPUT

Najugaqavissut aamma Paleonik naatitanillu nerisaqarnissaminnik soqutiginninnerujartoraluartut, tamakkua suli annerusumik sassaalliutigisanngilagut. Nuummi niuertarfinni nerisassat glutenertaqanngitsut lactoseqanngitsullu akornanni qinigassaqarluarpoq, illoqarfinnili mikinerni ingasammillu nunaqarfinni tamakkua piniaraanni tikeraat maniguussinnaallutillu isumassarsiullaqqissuusariaqarput.

 

Tikeraat nerisassat tungaasigut piumasaqaataat siusissukkut paasiniarnissaat inassutigissavarput, tamannalu akunnittarfimmi sutorniartarfimmut angallammilu akisussaasumut nalunaarutigalugu, assersuutigalugu lactosemik sapigalik mamakujuttumik sukkulaatitalimmik tunineqarnissaa pinngitsoorniarlugu.