ANGUNIAGAQ: NAAMMASSIVOQ

Chilemi Adventure Travel World Summit 2015'imut Visit Greenland peqataareerluni, siorna ukiakkut uterpoq, ukiorlu manna Alaskami takornariaqarneq pillugu saqqummersitsinermi Kalaallit Nunaata aatsaat taama amerlatigisunik sinniisuutitaqarnissaa siunniullugu.

Visit Greenlandip immikkuullarissumik aningaasaleeqataaneratigut, sinniisunik tallimanik Kalaallit Nunaanneersunik Alaskami Adventure Travel World Summit 2016'imut peqataasoqarsinnaasimavoq, taakkualu saniatigut immikkut sinniisuutitanik arfinilinnik peqataasoqarsinnaasimalluni. Sumulluunniit saakkaanni tujuuluit Bibi Chemnitzep ilusilersugai “Greenland”-imik naqinnillit maluginiarneqarluarput.

SINNIISUT 11T

Makkua ilanngummata, misigisassarsiortunik angalatitsisartut sinniisaat 11'nik amerleriarput:

 

Air Greenland - Anika Krogh

Albatros Travel - Malik Milfeldt

Albatros Travel - Søren Frederiksen

Arctic Incoming - Anette Lings

Arctic Nomad - Jon Krogh

Arctic Nomad - Thure Baastrup

Greenland Adventures, Icelandic Mountain Guides sinnerlugu - Ella Grødem

Sirius Greenland - Bo Lings

Visit Greenland - Lykke Geisler Yakaboylu

Visit Greenland - Sarah Woodall

World of Greenland - Martin Bo Hansen

 

Saqqummersitsinermi Team Greenland eqqummaarippoq, minnerunngitsumik ullup aappaani, inersuarmi ataatsimeersuarnermut atatillugu saqqummersitsivimmi, katerisimaarfimmi ataatsimeersuartoqarnera naallugu saqqummersitsilluni. Niueqatigisinnaasanik oqaloqarsinnaanerup aaqqissuussisoqareernikuuneratigut tamanna takuneqarsinnaalluni. Misigisassarsiorneq pillugu saqqummersitsinissamut piareersaaqataasut amerlanngitsut, ullut pingajussaanni ilisarititsilluni oqaluttarfimmi Lykke Yakaboylup ilisarititsilluni oqaaseqarfiata, eqqannguaniipput.

AAPPAAGUSSAQ EQQARSAATIGINEQALEREERPOQ

Adventure Travel World Summit 2017, oktobarimi 16-19. Argentinami, Salta-mi ingerlanneqassaaq, ukiorlu manna iluatsitsilluaramik, Kalaallit Nunaanniit sinniisuutitat aappaagu peqataanissartik pissanngatigilereerpaat.

 

Saltami ATWS'imi Team Greenland ilagerusukkukku nalunaarina.

 

Kalaallit Nunaanni misigisassarsiortunik angallassineq/Adventure Travel pillugu atuarit.

MISIGISASSARSIORTUNIK ANGALLASSISUT ISUMMERSUUTAAT EQQARSAALLANNARTUT

Adventure Travel World Summit'ip saqqummersitsisarnernit allanit allaanerussutigaa annertuumik pissarsiaqarfigisarneri, tamatumalu kinguneranik silappaarissumik inerisaalluni iluatsitsisoqartarnera. Maluginiarnerpaasagut marluupput.

Transformational travel – Aaqqissuussat unitsinneqarneranni naapippagut Transformational Travel Collaborativemik aallarniisut sisamat, taakkualu oqaluttuuppaatigut, najukkaminni angerlarsimasutut misigisinnaajunnaartut, namminneq imminnut naleqqunnerusumik kinaassusiliissutaasumk misigisassarsiortut, siunertalimmik angalasartut. Tamakkua angerlamut uteraangamik, inuunerminnik allannguinerat aatsaat aallartittarpoq. 

Piffissaqarluarluni, eqqarsaatersorsinnaalluni, atassuteqarnissamullu periarfissaqarnissaq tamatumuuna anguneqassammat, takornariartitsinermi tamatuma aallaavigineqarluarsinnaanera, ukioq manna saqqummersitsinermi sinniisuutitat Kalaallit Nunaanneersut amerlanerit isumaqatigiissutigaat.

 

Storytelling as marketing – Immikkut oqarlugiartup, filmilortartup, Austaraliameersup, Caroline Pembertonip, oqalugiarnerani paasivarput, ornigassami pissutsit oqaluttuassartai naatsumik filmiliarineri, ornigassami takusinnaasat takutiinnarnerannit sunniuteqarnerusartut. Filmit tamakkua oqariartuuteqartariaqarput, angalasullu misigissusaannik attuisinnaallutik – aaqqissuussamik takutitsinikkut imaluunniit nipilersukkanik assinut tulluartutut toqqakkanik atuinikkut. Pissutsit aallaavigalugit oqaluttuarneq pillugu adventure media saaffigiuk.

NALUNAARSUKKAT

"Ullut naammassisaqarfiulluartut ulapaarfioqaat! Siullerpaamik peqataasutut nuannaarutigalugu paasinarpoq, Kalaallit Nunaat misigisassarsiorlutik angalasartut ornigarluaraat. Tullianik ATWS'ip aaqqissuunneqarnissaa Marketplacellu peqataaffigeqqinnissaa qilanaarilereerparput." - Søren Frederiksen, Albatros Travelimi tuniniaanermut pisortaq.

 

Ornigarneqartartutut Alaskamiinnerput pissarsiaqarfigeqaarput. Pisariaqartitat pitsaassutsillu tungaatigut misilittakkat alutorsaatigaagut, soorlu kommuunit pisortallu aningaasaliissuteqarnerat pikkorissaanerallu aamma nuannaarutissaapput. Kalaallit Nunaanni unammilligassarisartakkatsinnut assingusunik aamma allat unammilligassaqartarnerat takullugu aamma soqutiginarpoq, soorlu ukiup qanoq ilinera apeqqutaatillugu unammilligassaqartarnera. - Anette & Bo Lings, Arctic Incoming / Sirius Greenland

 

"ATWSip aaqqissuunnerani sammineqartartut uagut ingerlatseriaattitsinnut, nioqqutigisattinnut angallatassatullu siunniussatigut soqutiginartoqarluarput. Alaskamiinnitsinni atassuteqaqatissatsitut pingaarutillit naapippagut. Kalaallit Nunaannilu misigisassarsiortut noqqaassutigisinnaasaannik neqeroorutissanik piviusunngortitsisinnaanissamut isumassarsiorluarnissatsinnut periarfissaqarluarluta." - Ella Grødem, Greenland Adventures, Icelandic Mountain Guides sinniisuat.

 

Assiliissuterput nutaaq, in-house videographer, oqariartuuteqarluni oqaluttuassat taama ittut Visit Greenlandimi nuannaarutigaagut. Ingerlatavit immikkut ilisarnaataa pillugu oqaluttuarusukkuit, una saaffigiukt Aningaaq Carlsen at aningaaq@greenland.com.