Visit Greenland ulluni 14-ini kingullerni USA-mi ulapittorujussuunikuuvoq. USA-p kangimut sineriaani suliaqarluarfiusut - The Smithsonian Institution, The Greenland Representation in Washington, D.C. aamma The New York Travel Writers’ Association – qanimut suleqatigalugit niuerfimmi pingaaruteqartumi tassani tamanut ammasumik pisoqartitsinerni Kalaallit Nunaata takoqqusaarutigineqarnissaani arlalissuit pilersaarusiorneqarput.

Kalaallit Nunaata takoqqusaarutigineqarnissaani arlalissuit Amerikami aaqqissorneqarput.

Ullumikkut greenland.com-imik takusisartut 26 %-ii USA-meersuupput.

Amerikap Avannaani niuerfik Kalaallit Nunaanni takornariartitsisarnermi pingaaruteqaleraluttuinnarpoq. Ullumikkut greenland.com-imik takusisartut 26 %-ii USA-meersuupput – taamaalillutillu amerlanerpaajullutik. Danmarkimit Tysklandimillu takusisartunit aappaattut pingajuattullu inissisimasut takusisartunit tamarmiusunit amerlanerupput.

Amerikkarmiut Islandimut tikittartut amerliartortorujussuunerat Islandimi aamma takuneqarsinnaavoq. Islandimi takornarissat pillugit naatsorsueqqissaarinermi takuneqarsinnaavoq Amerikiap Avannaanerrsut ukiut tallimat ingerlaneranni 200%-ingajannik amerleriarnikuusut, ilisimaneqarporlu nunarsuup immmikkoortuani tassani Islandimit Kalaallit Nunaannut ingerlaqqiffiusinnaasoq.

Anders Stenbakken, Visit Greenlandimi pisortaq:

"Pisut ineriartornerat erseqqarissujussuuvoq, pissusissamisoorporlu USA-mit soqutiginninnerup annertusiartortorujussuup iliuuseqarfiginissaa. Soorunami Kalaallit Nunaata USA-mit soqutigineqarnerata annertusaannarnissaa kisimi siunertaanngilaq, amerikarmiut Kalaallit Nunaannut angalatissavagut"

"Kalaallit Nunaata takornarianit USA-meersunit tikkiffiunissaata misigisassarsiornissamut periarfissaqarluni soqutigineqarnerata takoqqusaarutiginissaa taperserniarlugu pisariaqartumik iliuuseqartariaqarpugut.”

"Pisut ineriartornerat erseqqarissujussuuvoq, pissusissamisoorporlu USA-mit soqutiginninnerup annertusiartortorujussuup iliuuseqarfiginissaa."

Sarah Woodall, Visit Greenlandimeersoq, takoqqusaarusiortoralugu assigiinngitsunik misigisassarsortitsisarnermi neqerooruteqarluni Kalaallit Nunaat tikiffissatut takoqqusaarutigineqassaaq.

Taamaammat Visit Greenland Amerikap Avannaanit takornariartitsisarnermut tunngatillugu iliuuseqarniarpoq. Suliniutit ukuupput:

Arfininngorneq ulloq 9. Maj, Visit Greenland Arctic Matters Festival Smithsonian Institution's National Museum of Natural History-mi Washington, D.C-mi katersugaasivimmi piffissami amerlanerpaanik takornariaqarfiusartumi ullormut 30.000-ingajannik iserfigineqartartumi peqataassaaq. Sarah Woodall, Visit Greenlandimeersoq, takoqqusaarusiortoralugu assigiinngitsunik misigisassarsortitsisarnermi neqerooruteqarluni Kalaallit Nunaat tikiffissatut takoqqusaarutigineqassaaq. Ann Andreassen, Rene Kristensen aamma meeqqat Uummannami Børnehjemmimeersut aamma nipilersorlutik takutitsissapput.

Sapaatip akunnerata naanerani tassani Washingtonimi Kalaallit Nunaata Sinniisoqarfia aamma Visit Greenland ukiumoortumik aaqqissuinermi EU Open House-imut atatillugu Kalaallit Nunaannik aamma takoqqusaaruteqassaaq. Tassani Kalaallit Nunaanni kulturi sammineqassaaq, aammalu Greenland Eyes Film Festival-imit filmi naatsoq takutinneqassalluni.

Kingulliullugu minnerunngitsumillu Visit Greenland, pingasunngorneq ulloq 6. maj, New York City-mi The New York Travel Writers' Association-imut Kalaallit Nunaata ulloqartinnerani qaaqqusisuussaaq. Siunertaq tassaavoq Amerikami nutaarsiassaqarfiit Kalaallit Nunaannik tusagassiortullu Kalaallit Nunaannut angalanissaannut ilisimasaqartilernissaat. Aaqqissuineq The Scandinavia House-mi ingerlanneqassaaq.

Sarah Woodall, Visit Greenlandimi USA-mi Nuummilu qullersaqarfimmi ukiuni pingasuni sulinikuusoq, USA-mi suliniuteqarnermi aqutsisuusoq oqarpoq, ”Kalaallit Nunaata USA-mi nuannareqisannik takoqqusaarutigisussaavara. Nammineq amerikarmiutut, isumaqarpunga nunaqqatinnut oqariartuutiga pingaaruteqartoq. ’Kalaalit Nunaata immikkut feriarfissatut pingaaruteqarnera takusinnaavara, uangalu nuna taanna uummatinniitippara, taamaammat uattut iliortoqarsinnaavoq. Kalaallit Nunaaliaritsi!”

"Kalaalit Nunaata immikkut feriarfissatut pingaaruteqarnera takusinnaavara, uangalu nuna taanna uummatinniitippara, taamaammat uattut iliortoqarsinnaavoq. Kalaallit Nunaaliaritsi!”