Adventure Travel World Summit sunaava?

Toqqaannartumik nassuiarneqarsinnaavoq ATWS tassaasoq ,nunarsuarmi inuussutissarsiutigalugu misigisassarsiorluni angallassinermi sullissisut , 700-t missaani ilaasortaasut , angalatitsivinni sulisut, tusagassiortut, avammut tusagassiilluni suliffeqarfiit aammalu inuit nuimasut ilanngullugit naapisimaarneranni ataatsimeersuartsitsineq.

Pissanganarnerusumilli aamma akissutaasinnaasoq tassaavoq The Summit, taamatut nuannaralugu taaneqartarmat, ukiumoortumik qilanaarineqarluarluni peqataalluarfigineqartumik inuillu misigisassarsiorluni angallannerup takornariaqarnermi eqeersimaarluartut silarsuaani suliaqartut ataatsimoorfiulluartumik, ‘’soqutigisaqaqatigiilluni’’ (Tribe) misigisassarsiornerup, paasisimasanik nutaanik,angalanerullu iluani tunngasunik naapeqatigiilluni avitseqatigiiffiusuuvoq siammasissoq.

Tikeraarlutik oqalugiartut aammalu inuit attaveqaqatigiilernissaminnut naapeqatigiinnerit ataatsimeersuarnermi annermik takussaapput. Ataatsimeersuarnerulli immikkuullarissutigivaa ataatsimuussuseq, aammalu peqatigiiaarlutik suleqatigiillutik nutaamik inerisitsinerit (Seed Planting), ataatsimiinnerup piffiani pisut. ’ ’Pre –summit Adventure’’ aammalu ‘’The day of adventure’’ (ulloq misigisassarsiorluni angalaarfik), silami nutaanik misigisassarsiorneq aammalu timi atorlugu misigisassarsiornerit ,pinngortitarlu atorluarlugit  ,‘’Tribe’’ suleqatigiiaat taaneqareersut, nutaanik attaveqaqatigiinniarnermi migisisassarsiornermi taaneqartut taakku siaruarterinertut atorpaat.

Tikeraarlutik oqalugiartut aammalu inuit attaveqaqatigiilernissaminnut naapeqatigiinnerit ataatsimeersuarnermi annermik takussaapput.

Nutaanik misigisassarsiornermi suliaqartuulluni ATWS piffiuvoq naleqquttoq, soqutigisat soorlu ataavartumik piujuaannartitsinermillu aallaaveqarluni misigisassarsiorluni angalanermi pisariaqartitat tassani alaatsinaanneqartarput, tamannalu Kalaallit Nunaannut naleqqulluinnartuuvoq’’ - Lykke Geisler Yakaboylu , Visit Greenland

Greenland Tourism Ambassadors at ATWS 2015

‘’Ukioq manna tallimassaa ATWS ingerlanneqarnerani Puerto Varas, Chile-mi peqataavunga. The Summit‘s peqataaffigalugit allaanerujuuaannartarput, pinerilli tamaasa attortissutigisarpara piumassuseq nukittooq aammalu pilerissuseqarneq sakkortooq peqataasut 700-t akornanni pisumi maani naammattoortagara. Pinerit tamaasa nutaanik ilisarisimaqalerlunga suleqateqalerlunga, nutaanillu isumassarsiffigalugu, pilersaarutinillu nutaanik peqarlunga qimattarpara. Nutaanik misigisassarsiornermi suliaqartuulluni ATWS piffiuvoq naleqquttoq, soqutigisat soorlu ataavartumik piujuaannartitsinermillu aallaaveqarluni misigisassarsiorluni angalanermi pisariaqartitat tassani alaatsinaanneqartarput, tamannalu Kalaallit Nunaannut naleqqulluinnartuuvoq’’ - Lykke Geisler Yakaboylu , Visit Greenland

‘’ATTA  (Adventure Travel Trade Association,Nunarsuarmi misigigisassarsiorlutik angallassisartut suleqatigiiffiat), tassaavoq nutaanik paasissutissanik soqutigisat misigisassarsionermi takornariaqarnermi sulialinni aallerfissaq pitsaanerpaaq, soqutigisaqaqatigiilluni sulianik assigiinnik suliaqaqatigisanik nunarsuarmi sumiluunnit pisunit naapitsiffik. Nutaamik isummersornissamut piumassusermik pissarsivunga, aammalu attaveqaqatigiilluinnarnermik aatsaat taama sakkortutigisumik misigivunga’’ - Jon Krogh, Touring Greenland

ATWS 2015-mi Kalaallit Nunaata siammarternerata imaai.

Kalaallit Nunaat ATWS 2015 ingerlanneqarnerani annertuumik alaatsinaanneqarpoq , timersorneq atorlugu misigisassarsiorluni filmiliani ajugaaniunnermi ajugaasuugami. Pisortatigoortumik 26000-t angullugit taaguunneqarsimanermigut , filmi "Alpin Ski Touring in East Greenland- Remote peaks of Greenland" ajugaavoq (qaqqami sangusaarluni Nunatsinni Tunumi angalaarneq-qaqqat portusuut nuugissut Kalaallit Nunaanni) . Visit Greenland Islandimilu qaqqasiorlutik angallassisartut suleqatigiillutik pilersitaat, filmit 73-t akornanni ajugaavoq, najuuttunullu peqataasunut 700-nut takutinneqarluni.

Minnerunngitsumillu nipilersoqatigiit Pamya , Kalaallit Nunaata nammineq Karina Møller-at unnukkut pisoqarfiusut ilaanni tusarnaartitsipput. Tusarnaartut naammatsiffigisinnaanagit nuannaralugit pimmata ingattarsernertut taaneqarsinnaassagunanngilaq.

Pisut tulleriaarnerini ‘’alligaluttuinnarpugut’’

Adventure Travel World Summit 2016-mut sammisaq taaguuteqarpoq ’Go Big’, tamannalu Visit Greenlandip oqariartuutitut angerlaassatut nassatarivaa. Taama angitigisumik , nukittutigisumik taaguummik nittarsaassisussaalluni, ukiup tullianut ataatsimoornissamut Kalaallit Nunaat peqataanissamut ilaanissaa ilaa qanoq pissanganartigissava?

Alaskami pisussaanera ilutigalugu , nunat issittormiut tamarmik attuumassuteqartut pinngitsooratik eqqumaffigineqartussaassapput. Nunalu issittormiuunerput ammaassisuliullugu, Kalaallit Nunaat taakunga ilaasariaqarpoq issittormiut eqqumaffigineqarnissaat qulakkeerniarlugu, oqariartuutiginiagarpullu kisitsisinik amerlassuserput malillugu nukittussuseqartussaassaaq.

Visit Greenlandip nunatsinni sumiiiffinni assigiinngitsuni takornariaqarnermut sullissisut , immikkoortortanilu tallimaasuni soqutisaqarlutik takornariaqarnermik suliallit tamaasa Adventure Travel World Summit 2016-mi Anchorage Alaskami septemberip 19-niit 23-ata tungaanut pisussami inaanissaannut kaammattorpaai. Silarsuarmi torrallataanerpaatutullusooq, tamassumani peqataanissaq siunissami Kalaallit Nunaat nunani tikitassat pilerinarnersaattut siuuttuni isigineqalernissaanut tamatumani peqataanermi nukittorsaassagaluarmat annertooq.

Adventure Travel World Summit 2016-mut sammisaq taaguuteqarpoq ’Go Big’, tamannalu Visit Greenlandip oqariartuutitut angerlaassatut nassatarivaa.

Misigisassarsiorluni Kalaallit Nunaanni angalaneq pillugu atuarit.

Visit Greenlandip nunatsinni sumiiiffinni assigiinngitsuni takornariaqarnermut sullissisut , immikkoortortanilu tallimaasuni soqutisaqarlutik takornariaqarnermik suliallit tamaasa Adventure Travel World Summit 2016-mi Anchorage Alaskami septemberip 19-niit 23-ata tungaanut pisussami inaanissaannut kaammattorpaai.

Silarsuarmi torrallataanerpaatutullusooq, tamassumani peqataanissaq siunissami Kalaallit Nunaat nunani tikitassat pilerinarnersaattut siuuttuni isigineqalernissaanut tamatumani peqataanermi nukittorsaassagaluarmat annertooq.