"The Adventure Travel World Summit (ATWS) Kalaallit Nunaata peqataaffigisaanik ataatsimeersuartitsineruvoq"

Ilisimasaasarsiorlu angalanerit tumaanni angerlarsimaneq

Visit Greenland-ip (Nunatsinni takornariaqarnermik siuarsaavik) Adventure Travel Trade Association-imi ilaasortaanermik 2016-imilu Alaska-mi Kalallit Nunaanni takornarialerisartut 5-it Adventure World Summit-imi peqataatitsinissaannut tunuliaqutsiilluni aningaasaliiniarpoq.

The Adventure Travel World Summit (ATWS) Kalaallit Nunaata peqataaffigisaanik ataatsimeersuartitsineruvoq. Taasaqarniaannarluni sanilliussisoqarsinnaapput, soorlu Patagonia-mut, Namibia-mut Norge-mullu ilisimasassarsiortitsisarnerit.  Kalaallit Nunaatali tulluusimaarluni saqqummiussinnavai ilisimasassarsiorluni angalatitsinissanut periarfissarpassuani, soorlu qaqqasiutinik cykel-ilerluni Arctic Circle-ikkut (nunanut avannarlernut killingusaamik) ingerlaarneq, Ilulissat eqqaani Sermermiuni sikusiorneq/sikukkut majuarneq, Nunatta Kujataani savaatilinniinneq, Nuup eqqaani qaqqasiorneq Sermiliullu Kangerluani qajartortitsineq.

Nuannernerpaavorlu pisisussat sinnerlugit aallartitat tamarmik tuniniagassanik nutaanik ujartuimmata tassani pingaartinneqanerpaallutik anmgalanerit timersornartunik/tamaviaarnartunik neqeroorutaasinnaasut piorsarsimassutsikkullu immikkuulluarissutsimik takutitsisinnaasut.  Nunarsuup sinneraneersunik toqqaannartumik attaveqalersinnaanermut, taamallu nunatta erseqqissumik qitiusumik tuniniaaviusunut ersersinneqarnissaanut periarfissiisut.

Avannaarsuata alaatsinaanneqarneratigut pissarsinissaq

2016-imi September-ip 19-ianiit 22-ianut ataatsimersuartitsineq ATWS Alaska-mi ingerlanneqassaaq – taannalu tassaaginnanngilaq uagut angallavissatut ataatsimooruteqarfipput tassaallunili aamma uagut avannaarsuanut angalatitsiniaqatigisarput. Isumalluarfigalugu toqqaannartumik issittumi angalanissap atatsimeersuartitsinermi sammineqarniarnera, kissaatigivarput Kalaallit Nunaata iluamik nunatsinni tamarmit angalatitsinermik/takornarialerinermik suliaqartunit peqataatitaqarnissaa isumannaassallugu.

Ilanngullugu taasariaqarpoq iataatsimeersuartitsinissami peqataasinnaasut affaasa missingi nalinginnaasumik aaqqissuisuuffimmit immineq immerneqartarmata, tassanilu naatsorsuutigineqarpoq Amerika-mit tuniniaasartut, tusagassiornermik suliaqartut angalatitsinermullu atatillugu immikkut ilisimasallit  350-it missingisa peqataanissaat.

2016-imiit 2019-imut takornariaqarnermut atatillugu saaffigerusutani Amerika Avannarliup saaffigerusutani qaffasinnerpaatinneqarnerani  iluatinnarluiinnartuuvoq Kalaallit Nunaata ATWS-imi annertusisamik peqataatitaqarnissaa, piffissarmi naleqqulluinnartumiimmat.

Kalaallit Nunaat annertuumik peqataasariaqartoq

Visit Greenland-imit ukiakkut qinnuteqaatit tikilluaqqulluarneqarsimapput aaliangiiffigineqarlutillu takornarialerisartut 5-it Visit Greenland-imit tunuliaqutserneqarlutik/aningaasalerneqartumik peqataatikkusutat Adventure Trade Association-imi  (ATTA) ilaasortaasunngortitaallutik aammalu Alaska-mi Adventure Travel World Summit 2016-imi peqataasussanngorlutik. Taakkulu ukuupput:

Jon Krogh – Touring Greenland

Kattie Nielsen – igdlo Travel

Marc Carreras – PGI Greenland

Martin Bo Hansen – World Greenland

Pitsi Høegh – Greenland Sagalands

Ukiut qulissaat Visit Greenland ATWS-imittaaq peqataassaaq ukioq manna peqataatitaralugit Lykke Geisler Yakaboylu aamma Sarah Woodall.

Alaska-mi ATWS 2016-imi peqataassamaarpit?. Kalaallit Nunaanni angalatitsillutik takornarialerisartut allattorsimaffiat ataatsimeersuarnerup ingerlanerani alakkartikkit.

Qilanaarpugut takussaallugu qanoq amerlatigisut nutaanik misigisaqartitsinissanut atatillugu suleqatissatut pissarsiarneqarumaarnerat.

Suliniuteqarnernut ilapertuutitut Visit Greenland  ATTA peqatigalugu assingusumik aaqqissuussivoq aningaasaliiffiginiarlugu takornarialerisartutut nunarsaq tamakkerlugu akuerisaasumik ilaasortaalernissaat  aammalu ATWS 2016-imi peqataatinnissaat.  Taamatut ATTA-mik suleqateqarneq akiniaaffigalugu, Kalaallit Nunaata avammut ersittuunissaa, logo-liornikkut (ilisarnaasiornikkut) erseqqissarneqarpoq pisussarlu pitinnagu ataatsimeersuarnissamut pisortatigoortumik atortussanik nassitsisoqassalluni ataatsimeersuarnermi tigooqqarneqarsinnaasussanik, tassani naatsumik ilisaritinneqassallutik Kalaallit Nunaanni ilisimasassarsiorluni angallavissaqqissut ilanngullugillu ilioqqarneqassallutik tikilluaqqussusiatut pooqattannguamut tunissutinnguit peqataasunut tamanut agguaanneqarnissamut naammattut.

Sukumiinerusumik ATWS pillugu paasisaqarusukkuit, taava alakkaruk ATWS 2015-imi ataatsimersuarneq pillugu takussutisissiissusiaasimasoq.