#ColourfulNuuk hashtaggip nittarsaanneqarnera

Aasap ingerlanerani Sermersooq Erhvervsråd Visit Greenlandilu facebook atorlugu Nuuk aasami takornariaqarfittut avammut nittarsaanniarlugu aalajangersimapput, suliniullu taaguuserneqarpoq ”Colourful Nuuk”. Nuuk illoqarfittut piorsarsimassutsi pinngortitarlu aallaavigalugit takoqqusaarutigalugu.

Suliniummi anguniakkat marlunnut avinneqarsinnaapput; Siullertut nunanit allanit Nuup ilisarnaataa maluginiarneqarnissaa. Aappaatullu innuttaasut takornariallu peqataatinnissaat, hashtag ”ColourfulNuuk” atorlugu.

Suliniummi anguniakkat marlunnut avinneqarsinnaapput

Siullertut nunanit allanit Nuup ilisarnaataa maluginiarneqarnissaa, aappaattullu innuttaasut takornariallu peqataatinnissaat, hashtag ”ColourfulNuuk” atorlugu.

Nuup ilisarnaataa/takoqqusaarutaa Colourful Nuuk innuttaasunit ilisimaneqalernissaa

Junimi Nuup ilisarnaataa ”Colourful Nuuk” hashtaggitut atorneqalernissaanut suliniut nunatsinni illoqarfiit pingaarnersaanni aallarnerneqarpoq. Suliniut, takornariaqarnerup iluani suliniutini taamaattuni nunatsinni siullerpaajuvoq. Nuummi innuttaasut namminneq Colourful Nuuk ilisarnaat nunarsuarmioqatitsinnut siammartersinnaaniassammassut, Nuuk ”qalipaatigissaartutut”, assigiinngisitaartutullu Facebookkikkut, Instagramikkut Twitterikkullu assinik ikkussuisinneqarput. Inuit 300 missaanniittut Nuummiit assinik 1500 missaanni amerlassusilinnik Junip ingerlanerani ikkussuisimapput. Pinngortitaq, piorsarsimassuserput sammineqarsinnaasullu assigiinngitsut takornarianit Nuummi misigineqarsinnaasut takutissorlugit.

  • Qaammatip junip ingerlanerani inuit 33.000-it like-ralutik ingerlatitseqqiillutik peqataapput.
  • Isit GreenlandipInstagramimi kontoani @ilovegreenland malinnaasut 7 %-inik amerleriarlutik amerleriarnersaapput kiisalu tassaniinnaq atuisut 52.170-it anguneqarlutik.Kalaallit Nunaannut/nit angalasut tamarmik junip ingerlanerani postkortimik Nuup ilisarnaataanik assitalimmik tunisipput nassiunnerqarlutillu TELE/POST-imit frimærkileriikkat. Taamaalillutik takornariat aamma #Colourful Nuuk siammarterniassammassut.
  • Nuummi Pisiffimmi puussiat Colourful Nuummit assinik
    assitalersornissaannut Pisiffik pilersaaruteqarpoq.

Greenland.com-mi assit nassaarisinnaavatit

Anders Stenbakken Visit Greenlandimi pisortaq ima oqarpoq:

“Takoqqusaarineq illoqarfiup ilisarnaataanik 'Colourful Nuuk'-mik ingerlatitseqqiineruvoq, siunertaallunilu illoqarfimmi innuttaasut Nuummit assilisaminnik ilanngussinissaat taamaalillunilu illoqarfitsik pillugu assigiinngiiaartunik kulturilu pillugu kusanartunik takutitsillutik.”

  • Akissutit uagutsinnut nassiunneqartut takutippaat takornariat piorsarsimassuseq, kalaallit nerisassaataat kiisalu pinngortitami sammisassat pillugit soqutiginnilluartut.
  • Daniel julip 11-aniit 18-ata tungaanut Nuummiikkami Instagramimut (@ilovegreenland) assit 17-it ikkuppai. Assit ikkutai 3788-nit likerneqarsimapput agguaqatigiissillugu asseq ataaseq 237-nik likerneqarsimalluni. Ikkussuinerata nalaani malinnaasut 4.4 procentimik amerleriarsimapput.
  • Danielip assilisai 25-it aamma Visit Greenlandip Flickr-kontoanut ikkunneqarput.

#ColourfulNuuk aamma allamiumik ambassadøreqarpoq

Majimi suliniummik allamik aamma ingerlatsisoqarpoq @ilovegreenland facebookkiani ingerlanneqartumik. Tassani ajugaasoq aasap ingerlanerani Nuummut billetsimik eqquivoq #ColourfulNuuk-milu ambassadørissatut inissinneqarluni. Air Icelandip Inuk Hostelsilllu suleqatiginerisigut taanna piviusunngorpoq. Eqquiniaanermi peqataasunit ilaatigut apeqqut una akineqarpoq: ”#ColourfulNuuk-mi weekenderiassagaluaruit sulerissagaluarpit?”

Suliniummi tassani inuit 18.800 missaaniittut anguneqarput, uagullu 326-nik akineqarpugut. Amerlanersaat Danmarkimiit USA-miillu peqataapput. Daniel Gurrola (@racas04) ameerikkarmiu Tuluit Nunaanni najugalik eqquisuuvoq. Instagramimi malinnaavigineqarluarmat kiisalu assiliillaqqilluni ajugaasussatut toqqarneqarpoq.

Suleqatigiinneq aamma alla

Suliniutit tamakku Nuup ilisarnaataata nunatsinni nuanilu allani maluginiarneqarnissaanik, Nuullu takornariaqarfittut isiginiarneqalernissaanik anguniagaqarput. Atuisut namminneq assiutaannik ingerlatitseqqiineq kiisalu Visit Greenlandip nittartagaanut Greenland.comimut ilanngussineq anguneqarput. Saniatigut , takornariat Nuummi suut takorloorneraat kiisalu Nuummi innuttaasut sunik takornarianut tunniussassaqarnersut pillugit Visit Greenland paasisaqarluarpoq.

Paasisat taakku FAM-tripinik, takornarianut tuniniaanermi kiisalu takoqqusaarinermi sakkussanik ineriartortitsinermi atorluarneqassapput.



Paasisat taakku FAM-tripinik, takornarianut tuniniaanermi kiisalu takoqqusaarinermi sakkussanik ineriartortitsinermi atorluarneqassapput.