Tikittartut amerliartorput

Aasaanerani takornariartitsiviusumi takornarissat siornamut sanilliullugit 9 procentimik amerleriarmata Destination Arctic Circle-mi takornariartitsisartut ulappupput. Tassunga peqatigitillugu nunarsuarmi tikiffinni taamatut pisoqanngitsoq umiarsuit takornariartitsisartut amerleriarnerat tikiffiup misigaa. Tamanna pissuitigalugu sullississutit tikittunut neqeroorutigineqartartut tikiffimi amerleriarput.

takornarissat siornamut sanilliullugit 9 procentimik amerleriarmata Destination Arctic Circle-mi takornariartitsisartut ulappupput

Air Iceland 2016-imi sapaatip akunneranut marloriarluni Keflavikimiit Kangerlussuarmut timmisartumik aqqut nutaaq aallartissavaa.

Islandimiit timmisartup toqqaannartumik ingerlasarfia takornariaqarnerpaaffianilu aallarnerit amerlanerit

Islandip Kangerlussuullu akornanni toqqaannartumik timmisaertoqartalernissaa DAC-ip sulissutiginikorujussujaa, kiisalumi tamanna iluatsippoq!

Air Iceland 2016-imi sapaatip akunneranut marloriarluni Keflavikimiit Kangerlussuarmut timmisartumik aqqut nutaaq aallartissavaa. Tamassumani sumiiffimmi takornariartitsisartut tikiffinni allani nassaarisinnaanngisannik aappaagu aasaanerani sullississutinik nutaanik pilersaarusiornissaanut periarfissinneqarput. Tamassumunnga ilanngunneqassaaq Air Greenlandip Københavnimiit Kangerlussuarmut aasaanerani timmisartut marloriaatingortittussaagai.

Angalatitsisartut DAC-mut tikeraarneranni qisuariaatsit pitsaasut

Angalatitsisartut DAC-mut siullermeerlutik tikeraartut pinngortitaq uumasullu nujuartut sullissillutillu pisisartunut ullumikkut neqeroorutigineqartartut pitsaassusaat tamarmik tupaallaatigaat. Angalatitsisartut DAC-mut aappassaanik tikeraartut tamarmik isumaqatigiissutigaat sumiiffimmi ineriartortitsineq sukkasuumik angusassamillu tugaagaqarluni ingerlanneqarsimasoq. Tikiffissami Visit Greenland takornarnariartitsisartullu suleqatigiillutik taakku suliaraat.

Assersuutigalugu DAV angalatitsisartunut VNTM-imi quppersagaliornikuuvoq, tassani Greenland Outdoors aaqqissugaanik WOGAC-imi sermersuarmi imaluunniit timaani tammaarfimmi sinittoqarsinnaalluni. Isornartorsiuisartunit tamanna tupaallaatigineqarpoq, oqaaseqaatillu ilaanni oqaatigineqarpoq taakku tullissaani sullississutinut ilanngunneqassasut. Takornariartitsisartut marluusut sullinneqartartunit ataasiakkaanit ataatsimoortunillu amerlanerusunik inniminniivigineqarput.

 

Angalatitsisartut DAC-mut aappassaanik tikeraartut tamarmik isumaqatigiissutigaat sumiiffimmi ineriartortitsineq sukkasuumik angusassamillu tugaagaqarluni ingerlanneqarsimasoq.

Sermersuarmi tammaarfik:

“Sermersuarmi unnuineq pissanganaqaaq … sermersuarmi pisuttaannarneq pinani aammali Kalaallit Nunaannut ilisarnaataasumi sermersuarmi unnuineq.

Atortut pitsaaqaat takornarianillu nassuiaasartut suliamik ilisimasaqarluartuullutik. Kimip sillimaniarneq atortullu atornissaannik piffissaqarluarluni nassuiaavoq.”

- Angalasup VNTM-imi quppersakkami oqaasii

Ujaqqamut igasoq takullugu nuannareqaara, kisiannili isumaqarpunga pingaartumik sila nillernerutillugu suleqateqarnissaa imaluunniit tupermik igaffeqarnissaa pisariaqarpoq,

Timaani tammaarneq

Jens ilagalugu timaaniinneq nuanneqaaq. Ilisimasaqartorujussuuvoq, pikkorissuuvoq tikeraallu piviusunik misigisaqartittarpai. Annikitsuinnarnik pitsuiffissaqarpoq. Ujaqqamut igasoq takullugu nuannareqaara, kisiannili isumaqarpunga pingaartumik sila nillernerutillugu suleqateqarnissaa imaluunniit tupermik igaffeqarnissaa pisariaqartoq, taamaalilluni inuit anorlertillugu nillertillugulu oqqisimaarnissamut periarfissaqarniassammata, tassanilu umimmannik assigisaannillu piniartarnerminik oqaluttuarsinnaaniassammat.

DAC siunissami – Sullississutit nutaat

DAC-p anguniagaa tulleq tassaavoq Kalaallit Nunaanni “Pisulluni Angalaniarluni Tikiffinni Siuttoq”. Kalaallit Nunaanni sinerissamiit sermersuarmut pisulluni angalaffissani nuna pisuffissaaq tassani isorartunersaavoq.

Qeqqata Kommunia pilersaaruteqarpoq ingerlaarfissamik nutaamik aasakkut 2016-imi sanasoqarssasoq, tassanilu Kangerlussuaq Sisimillu atassuserneqassapput. Taamatut ajornannginnerusumik ingerlaffissaqalernikkut inunnut ataasiakkaat ataatsimoortullu siornatigut tikinneqarnikuunngitsunik misigisassarsiornissamut periarfissinneqassapput.

 

Qeqqata Kommunia pilersaaruteqarpoq ingerlaarfissamik nutaamik aasakkut 2016-imi sanasoqarssasoq,