Qarasaasiakkut toqqorsivik Flickr nutartigaq pitsaanerusorlu

Visit Greenlandip toqqorsiviani Flickr-imi assinik 3.000-it sinnerlugit amerlassusilinnik assinik katersorneqarsimasunik misissuinissamut ajornannginnerulersitsilluni pitsaanerusumik aaqqissuullugu maannakkut nutarterneqarnikuuvoq.

Flickr.com/ilovegreenland-imi toqqorsivik Flickr nuna tamakkerlugu atuuttoq Kalaallit Nunaanni avataanilu misigisassarsiortitsilluni inuussutissarsiortut tamarmik atorsinnaavaat, taassumanilu assilisat killeqanngitsumik pissarsiarineqarsinnaasut tunngigalugit takussutissiilluni oqaluttualiorsinnaaneq katiterisinnaanerlu ajornannginnerulertarpoq.

Assit 3000-it akornanni assinik ujarlerneq ajornannginnerulerpoq

Assit "Assiisivinnut" katersorpagut

Nittartagaq Visit Greenlandip 2014 tamaat ineriartortinnikuuaa pitsanngorsarlugulu, taamaalilluni ullumikkut siusinnerusumut sanialliullugu ujarlerfigiuminarnerulernikuulluni paasisarnerulernikuullunilu.

Taamaaliorpugut ilaatigut assit ”Assiisivinnik” (aasi ataaniittoq takuuk) taaneqartuni katersornerisigut, taamaalilluni taakkuni tamani greenland.com-ip pingaanertut aaqqissugaanera malinneqarluni. Taamaaliornikkut Flickr-imi assiisiviit assigiinngitsut greenland.com-illu toortagassatigut aaqqissugaanera imminnut naapertuutilerput.

Atuisutut ingerlatsinerni aamma greenland.com-imi allaaserineqartuni assiisiviit maannakkut aamma takusinnaavatit, aamma tikiffiit, Big Arctic Five nittartakkamilu About Greenland pillugu immikkoortui toqqorsivimmi Flickr-imi assinik nalequttunik namminneq assiisiviannik tunineqarnikuullutik.

Tamassuma saniatigut ”tags” nutaat pitsaanerusullu atorlugit toqqorsivimmi assit tamarmik nutarterneqarput. Tags tassaapput oqaaseq ujarliut Flickr-imi assini tamanna allanneqartussaq, taamaalilluni atuisut nittartakkami ujarlerfimmi taakkuninnga ujarlersinnaaniassammata.

Tamanna assersuutigalugu isumaqarpoq East Greenland, kayaking, reindeer, heliskiing allallut pillugit assit naleqquttu tamarmik nassaarinissaat ajornannginnerulersinneqartoq, tassa assit immikkoortunut ingerlatsinernik, sumiffinnik assigisaannillu eqqartuinermi nalinginnaasumik atorneqartartut maannakkut pitsaanerusumik naleqquttumillu ujarneqarsinnaalermata.

Flickr-imi toqqorsivimmi uani flickr.com/photos/ilovegreenland/tags  tagsit tamaasa takusinnaavatit Flickr-imilu nittartakkami ujarlerfimmi qulaani talerpiata tungaani toqqorsivimmi ILoveGreenland-imi oqaatsit pingaarnerit imminut tunngasut killeqanngitsumik aamma ujarneqarsinnaapput.

Tags tassaapput oqaaseq ujarliut Flickr-imi assini allanneqarnikoq

Flickr-imi oqaatsit ujarliutissat tuluttuujupput

Pingasulli Flickr-imi ujartarnermik pitsanngortitsisut maluginiassallugit pingaaruteqarpoq.

Siullermik immikkoortut nittartakkami aamma toqqorsivimmi Flickr-imi tagsinik pingaarnernik immikkoortiterinermi atortakkagut ilisimassallugit iluaqutaassaaq. ingerlatsinerit aqqi sumiiffiillu aqqi (hiking, bout tours, Tasiilaq, Oqaatsut) eqqaamagaanni oqaatsit pingaarnerit toqqorsivimmi akuerineqaataasartut qanillinerulerneqassapput.

Aappassaanik eqqaamassallugu pingaaruteqarpoq Flickr-imi oqaatsit ujarliutissat tuluttuujusut, tassa oqaatsit arlallit atorlugit tagsinik suliaqarnissaq maannakkut annertuallaarmat.

Pingajussaanik, Flickr-imi ujarlerfissami assigiinngitsunik atuisutut ujarnernissaq pingaartuuvoq. Tassani oqaatiginiaannarparput ujarlerninni tamani toqqorsivimmi ILoveGreenland-imi Flickr-imilu tamarmiunngitsumi ujarlernissat eqqumaffigissagit, tassa kingulleq taamatut ujarlerfigigukku assit atornissaannut akuerineqarfiginikuunngisatit takutinneqariataarsinnaammata.

Assimi ataaniittumi ujarlerneq qanoq takutinneqartarnesoq ujarliullu eqqortoq qanoq toqqassanerit takusinnaavat – ”Your Photostream” – ujarlerfimmi drop-downimit.

Flickr-imi ujarlerfissami eqqortumik ujarlernissaq pingaartuuvoq.

Isummat uagutsinnut tusartiguk

Naggataatigut eqqaasissavatsigit toqqorsivimmi tunngaviusumik piumasaqaat tassaasoq, licensip assini tamani assip oqaasertaanut atasoq atuarnissaa atornissaalu atuisutut paasissagit, tassungalu peqatigitillugu assini atorneqartuni tamani eqqaaniluunniit assiliisup kinaanerata allanneqarnissaa pillugu tunngaviusumik piumasaqaatit malissagitit.

Toqqorsivik atorluariuk, aammalu photos@greenland.com-imi isummannik saqqummiinissannut tikilluaqqusaavutit.