Future Greenland 2015-ip ilaatut Visit Greenland ulloq 7. maj una qulequtaralugu: Aningaasaliinissat utaqqineranni, takornariartitsisarneq pillugu workshopeqartitsissaaq.

Attaveqaatit pillugit Kalaallit Nunaanni unammilligassat

Unammilligassaq inuiaqatigiit akornanni oqallisigineqarajuttartoq tassaavoq Kalaallit Nunaata tikikkuminnaassinnaanera, mittarfiit, timmisartuni inissat, akitsuutit qaffasissusaat bilitsillu akii pillugit. Erseqqippoq ajornartorsiutit taakku nunatsinni takornariartitsisarnerup ineriartortinneqarnerani aporfiusut kiisalu aaqqiissutaasussat tassaasut attaveqaatinut annertuunik aningaasaliinissaq.

Workshopimili tassani siunissami aningaasaliinissat pineqanngillat, akerlianilli inuussutissarsiuummi sinaakkutaasumik atugassaritinneqartut taamaalillunilu ineriartortitsinissami pisariaqartut pitsanngorsarniarlugit maannakkut qanoq iliortoqarsinnaanersoq – tamassumalu kinguneranik attaveqaatinut annertunerusunik aningaasaliinissamut soqutiginninnerup annertusarnissaanut pitsaasumik tapersiinissaq.

Visit Greenlandip akissutissarserusutai

Kalaallit Nunaanni avataanilu takornariartitsisarnermik niuernermi qanoq pisoqarpa, tamassumalu kinguneranik suliniutit suut salliutinneqassappat?
Kalaallit Nunaanni takornariartitsisarnermik inuussutissasiornerup tapersernissaanik ineriartortinneqarnissaanillu suliaqarnermi pisortat nunat immikkoortuini nunalu tamakkerlugu isumalluutaat qanoq iliorluni atorluarneqalernerusinnaappat?
Inuussutissarsiutit immikkoortuisa akornanni nunap ilisarnaataanik nittarsaaneq qanoq iliorluni naleqarnerulersinneqarsinnaava?
Tikiffissani assigiinngitsorujussuarni marlunni, Destination Arctic Circle aamma Colourful Nuuk, suliniutit aallaavigalugit apeqqutinut qulaaniittunut akissutit qanoq iluseqarsinnaanerannik Visit Greenland aalajangersimasunik akissuteqartitserusuppoq.

Destination Arctic Circle – Tikinneqarsinnaaneq

DAC (Kangerlussuaq aamma Sisimiut) misigisassarsiortitsinermi sullississutit eqqarsaatigalugit pitsaasunik takornariartitsisartoqarluni tikiffissaapput assigiinngiiaartorujussuarnik misigisaqarfiusinnaasut, taamaakkaluartoq Kangerlussuup eqqaani takornariaqarnerusarpoq.
Nunap immikkoortuata ataatsimut tikiffissatut ataqatigiissumik qanoq ineriartitsisoqarnerani qanoq suliaqarneq oqaluttuaaqqami allaaserineqarpoq.
Colourful Nuuk - Branding

Kalaallit Nunaanni nunuarsuarmi nunat ikitsut ilagaat illoqarfiit pingaarnersaata tikiffissatut ilisimaneqannginnerpaaffigisaa. Piffissap ingerlanerani arlalinnik nassuiaatissaqarpoq, kisiannili soorunami tamanna ingerlaannartariaqanngilaq.

Illoqarfiup ilisarnaataanik nittarsaanerup pilersikkiartornissaanik suliniutillu siulliit ingerlateqqinnerannik oqaluttuaaqqami allaaserineqarpoq.

Neriuutigaarput Future Greenlandimi workshoppimut peqataassasusi. Suli peqataanissannut nalunaarsinnaavutit, link tooruk, 3. maajilu qaangiutsinnagu.

 

Inussiarnersumik inuulluaqqusillunga
Anders Stenbakken