Greenland Centre Reykjavikimi ammarpoq

Illu nutaaq Kalaallit Nunaannut angalasarnernik kiisalu Kalaallit Nunaannit tammajuitsussanik ilusilersukkanillu sammisaqarfiup Reykjavikimi aqqusinermi pisuinnaat angalaffigisartagaasa, Laugavegur-ip isuata aappaani februarip aallartinnerani ammarpoq. Aappariit Kattie Nielsen aamma Fridrik Magnusson takornariartitsisarnermik aamma Islandimik Kalaallillu Nunaannik ukiorpassuiarni takoqqusaarisarnermik suliaqartut illumik pilersitsipput.

- Taanna pilersipparput Islandip Kalaallillu Nunaata akornanni akornanni attaveqartitsilerniarluta, sammisagullu tassaapput takornariartitsisarneq, kulturi, eqqumiitsuliat sanalukkallu, aammali ataatsimeersuarfissat mikinerusut imaluunniit pingaartumik Islandimi Kalaallillu Nunaanni suliffeqarfiit imminnut niueqatigiittartut attaveqaqatigiinnermi ataatsimiinerinut atorneqarsinnaasut neqeroorutigaagut, aappariit tusagassiuutinut nalunaarumminni nassuiaapput.

Inuit 80-it tikillugit Islandimeersut nunanillu allaneersut peqataaffigisaannik suliniummik iluarisimaarinnissutitut Visit Greenland aamma Mid-Atlantic attaveqaqatigiittarnermi aaqqissuussillutik piffissaq iluatsillugu ammaanersiortitsipput.


Greenland Centremut aamma ilaapput Hotel Narsaq aamma South Greenland Connect, taakkulu 2014-imiit ilaatigut Narsarsuup Narsallu akornanni angallat atorlugu angalanissanik neqerooruteqalernikuupput. Illu ukiuunerani ulluinnarni 11-18, arfininngornerni 12-18 ammasarpoq sapaatikkullu matoqqasarluni, aasaaneranili ullaaralaamiit unnussuarmut ammasarluni.




Annertunerusunik paasisaqarusukkuit: Telefon: +354 – 537-9696, email: info@glc.gl
Najugaq: Laugavegur 96, 101. Reykjavik, Iceland.