Iliuuseqartitsissutit takusatut kajungernartut (call-to-action)

Pingaarnertut saqqaa uummaarinnerulerpoq; siornatigut asseq ataaseq angisooq atorneqartoq, massakkut assinut sisamanut inissaqalerpoq, tamarmik attaveqaatitigut nittartakkap iluani allaaserisanut assigiinngitsunut ingerlaqqiffiusut. Ingerlaqqiffissap qarasaasiap tikkuutaanik attuinnarneragut (mouse-over) ingerlaqqittarnikkut atuisup oqaluttuanik sunik nassaarnissaminut alapernaassusaa eqeersinneqarluni.

Immikkut iliuuseqarfiginiakkatsinni imarisatigut tunisassiorneq pingaarnersat ilagaat, ilaatigut nittartagaq uumassuseqartinniarlugu, aammali Kalaallit Nunaat pillugu oqaluttuanik avammut siammarteriniarluta, aammalu siammarteriviit tamaasa atorlugit. Periutsit marluk atorlugit pivugut: Ilaatigut ilutsinni suleqateqarpugut, imarisatigut pitsaasunik tunisassiortut, qaavatigullu aamma avataaneersunik attaveqaatitigut Kalaallit Nunaanni misigisaminnik avitseqatiginnikkusulluinnarlutik siammarterisartunik (bloggere) suleqatissarsiortarpugut.

Saqqap nutaap greenland.com’ip imarisaanik nutaanik naammattuuinissaq oqinnerulersippaa, ilutigalugulu greenland.com’ip iluani sumiissusersiornissannut kaammattorlutit. Suli quppernerup qulaani toqqagassat nakkartartut (dropdown-menu) atorneqarput, paasissutinut tunngaviunerusunut iserfissatut aammalu Kalaalit Nunaannut angalanermut tunngasinnaasut suulluunniit.

#GreenlandPioneer atorlugu assit takusassiarineqarput

Saqqaa nutaaq ammut nikisilaarukku nassaarissavat atuisut namminneq immersuutaat. Taanna periarfissaq atorlugu takuneqarsinnaapput kipparissuusakkoorlugu #GreenlandPioneer Facebook, Instagram aamma Twitter atorlugit nivinngakkat eqikkarneri. Tamanna isumaqarpoq kipparissuusakkoorlugu kikkut tamarmik nivinngaasinnaasut, taakkulu greenland.com’ip saqqaatigut oqaasertalerlugit assitalerlugillu takusassiarineqarlutik.

Kipparissuusanik atuineq, tikitassanik soqutiginarsaanermi sunniuteqarluartuuvoq. Toqqarsimavarput atussallutigu #GreenlandPioneer, immikkut ilisarnaammut “Be a pioneer”; allanut attuumassutilimmik atorneqarneq ajorpoq eqqaamajuminartuullunilu.

Atuisut namminneq immersuutaat ammaassipput, sumiiffinni inuit imaluunniit tikeraat Kalaallit Nunaanni namminneq misigisaat assilianngorlugit, atuisut takunnissinnaanngornerannik. Ilutigalugu saqqaatigut takusassiaqarneq uummaarinnerulerluni.

Misilissinnaavat kipparissuusakkoorut #GreenlandPioneer atorlugu assimik avitseqatiginnillutit, takullugu assilisavit saqqummernera.

Saqqaani illit nammineq immersuutitit

Greenland.com’ip saqqaa qaammammut isertartut amerlassuseqarput 24.000. Nutaamik ilusiliimikkut nittartakkami illit nammineq immersuutivit inissaqalerput, saqqaanilu takusassiaralugit.

Kissaatigigukku oqaatsit takusassiallu atorlugit, atuisuit angalanermik ataatsimut aaqqitamik pisinissannut soqutiginnilersikkumallugit, uagut Visit Greenland suleqatigaluta imarisassanik pitsaasunik pilersitsiniarsinnaavugut, saqqaanilu takusassiaralugu; oqitsunnguuvoq iserfigiuminarlunilu.

Saqqaani piseqqusaarinikkut illit periarfissatit pillugit apeqqutissaqaruit, uagutsinnut uunga allagaqarsinnaavutit; advertising@greenland.com. Aningaasaliisulerluni immersuineq (sponsored content) pillugu paasisaqarnerorusukkuit. una tooruk akillu paasisaqarfigalugit.

Tamanut iluaqutissaq

Greenland.com tassaavoq pisortatigoortumik nuna tamakkerlugu takornariaqarneq pillugu nittartagaq. Visit Greenland’imi sulissuteqartuarpugut nuannaartorisat malinnaaviginiarlugit aammalu periarfissat inerisarniarlugit, tassuunakkut atuisutut misigineq sapinngisamik kajungernarnerpaatinniarlugu. Taamaattumik uagutsinnut pingaartuuvoq siunissamut isigisumik eqqarsarnissaq; ullumikkut atuisut sunik uku ujartuisut? Saqqaliussaq nutaakkut ullumikkorpiaq pisariaqartitat aammalu ullumikkorpiaq kissaatit matussuserniarneqarput.