Kikkut tamarmik nalunngilaat inummiit inummut oqalunneq qanoq sunniuteqartigisartoq, kisianni Kalaallit Nunaanni takornariaqarnermik suliaqartut tamanna qanoq ilillutik iluaqutigisinnaavaat? Eyd Petersenip Hotel Avannaaneersup internetikkut ininik inniminniisarnerit aqqutigalugit tunisamik annertuseriarsimanerat assersuutitut taavaa.

Hotel Avannaata booking.com atortarpaa

Hotel Avannaa aatsaat 2011-mi pilersinneqarpoq, taamani Eyd Petersenip Ilulissani hoteleqarnikkut suna amigaatasoq takuleramiuk.

“Taamani hotelitigut periarfissat tamarmik akisupput annerusumillu aningaasaateqarluarnerusut siunnerfigalugit, uagullu paasereerlutigu takornarissat aamma periarfissanik piisaarnannginnerusunik ujartuisartut.”

Hotel Avannaa aatsaat 2011-mi pilersinneqarpoq.

Hotel Avannaa Ilulissani hotelit pitsaanersaattut maanna ukiut tulleriit 2 inissinneqarsimavoq.

Neqeroorut pisariunngitsoq

Nikingassut pingaarneq taanna tunngavigalugu Petersenip Hotel Avannaa pilersippaa. Init 21-t ilaqutariinnilusooq inisimasuuginnarluni atortorissaarutinik tunngaviusunik pilersorsimasut, kisianni init ilai tiiliortarfiinnaqartut. Umiarsualiviup ungasinngitsuani eqqissisimanartumiippoq, illoqarfiup qeqqaniit pisulluni minutsit 10 miss. atorlugit angusassaalluni.

Ullaakkorsiutit annikitsut saniatigut pineqarsinnaapput, qinigassarlu taanna akunnittut tamangajammik qinertarlugu. Room serviceqanngilaq aamma receptioni ualikkut 5-nut matusarluni.


Booking.com-imit Kalaallit Nunaanni pitsaanerpaatut inissinneqartoq

Naak saniatigut atortorissaaruteqanngikkaluartoq Booking.com naapertorlugu Hotel Avannaa Ilulissani hotelit pitsaanersaattut maanna ukiut tulleriit 2 inissinneqarsimavoq. Inisimasartut 8,4 / 10-mik nalilersimavaat, tassaasoq Kalaallit Nunaanni hotelimik naliliineq pitsaanerpaaq. Tamanna Petersenip tulluusimaarutigeqaa.

Booking.com-imut ilanngussimavoq Hotel Avannaata internetikkut takuneqarsinnaanera annertusiumallugu.

”Toqqammaviit assigiinngitsut amerlanngitsut misissoratsigit imissutaasartut akillu paasiniarlugit taavalu qanoq siammartigisarnersut takuniarlugit. Ukioq siulleq tassaniikkama VNTM-imi isumaqatigiissuteqarfigaara isumaliorlungalu misilinnissaa isumaqartoq.”

Innersuunneqartarnerup iluanaarutissartai

Maanna Booking.com-ikkut taama qaffasitsigisumik inissinneqarsimanera pissutigalugu inisimasartut oqarfigisarpaat toqqammavik taanna aqqutigalugu inniminniikkajuttarlutik. Nittartakkani assigiinngitsuni innersuussutit atuartarlugillu allattarpaat, taamaalillutik allat suna neqeroorutigineqarnersoq nalunnginnerussagamikku.

”Aamma Trip Advisor-imut naleqqiullugu tutsuiginarneruvoq, imaakkami aatsaat inniminneereeruit pineqartorlu najoreersimallugu internetikkut innersuussisinnaagavit.”

Inisimasartut oqarfigisarpaat booking.com aqqutigalugu inniminniikkajuttarlutik.

Aamma internetikkut saqqumilaarnissaq pingaaruteqarpoq.

Innersuussinerit pitsaanngitsut qanoq pineqartarneri

Aamma internetikkut peqataanissaq pingaaruteqarpoq innersuussinerit pitsaanngitsut akisinnaajumallugit kiisalu aamma utimut tunniussat ilikkarfigiumallugit. Ulloq manna tikillugu Petersenip taamaallaat innersuussineq pitsaanngitsoq ataaseq internetikkut booking.com aqqutigalugu tigusimavaa, taamaakkaluaq unneqqarittuunissaq innersuussutigaa taama ittumik siumuissagaluaraanni.

”Inisimasoq taanna ingasattumik piumasaqarami, piumaffigigamisigut tassunga privatchaufføriussasugut. Taamaammat innersuussinnginnini allammagu allamik akisinnaanngilanga kisianni inussiarnersumik unneqqarillunga.”

Siunissaq internetilu

Petersenip Hotel Avannaata internetikkut assigiinngitsutigut nittarsaannissaa misissortuartarpaa, aningaasat immikkoortitat ikittunnguit atorlugit.

Pisisartut internetikkut ujarlerfigisartagaanni ersinnissaq pingaaruteqarpoq, taavalu toqqammaviit quppernerit amerliartuinnartut akimorlugit annertuumik takkorliussisut qinertarnissai.

”Ukiup ingerlanerani takornarissat Kalaallit Nunaannut annguttartut killeqakannereerput, taamaammat tuniniaaffiuvoq unammillertilik,” naggasiivoq.

KALERRIUT: Internetikkut toqqammaviit sammisillugit, eqqaamajuttaaq inooqatigiit attavii pisisartunut Kalaallit Nunaannut angalanissaminnik pilersaaruteqartunut attaveqarnissamut periarfissaammata – inooqatigiit attaviini quppernitsinni malinnaaffigitigut nuannaartorinnitsumik maanga angalanissamik isumaliuteqartumik inniminneeriaannaasumilluunniit oqaloqateqarneq aallartinniarlugu!

”Ukiup ingerlanerani takornarissat Kalaallit Nunaannut annguttartut killeqakannereerput, taamaammat tuniniaaffiuvoq unammillertilik”.