Google-ip, ukiut marluk Google Earthip isikkua atortorissaarutaalu pitsanngorsareerlugu, kiisami internettimi Androidimilu aprilimi nutaaq saqqummiuppaat. Google-ip oqarneratuut: atuisut ‘nunarsuaq iluamik takusinnaanngussavaat’, ilikkagaqarfigalugulu qanoq ataqatigiissaarnersoq.

 

Atortorissaarut una atorlugu avataarsuaniit, nunarsuarmi sumiluunniit inuinnaat illuannut zoomersinnaavutit - qanillillugit takusinnaavatit. Malene Egedep Kujataani Igalikumi illua tassani pingaarnerit ilaattut oqaluttuarineqarpoq. Tassanimi qimerloorneqarsinnaavoq Kalaallit Nunaanni avinngarusimasumi savaateqarluni inuuneq qanoq ittuunersoq.

 

This is my home tassaavoq Google Street Viewimut ilassutitut suliaq, saqqummiunneqarnerani ilaanerput Asiaq-mi Visit Greenlandimilu tulluusimaarutigalugu nuannaarutigaarput.

 

Anders Stenbakken, Visit Greenlandimi pisortaq oqarpoq: “Google-ip suleqatiginerani Kalaallit Nunaat suliniummi tassani siullerpaat ilaanniilluni saqqummiunneqarpoq - taassuma Kalaallit Nunaannut soqutiginninneq, nutaamillu paasisimasaqarneq annertusissavaa.”

 

Google Earth Blog.

 

Apeqqutit:

Tuperna Rix, Asiaq: rix@asiaq.gl

Tanny Por, Visit Greenlandtanny@greenland.com