Internetikkut inuit attaveqatigiittarfi taamaallaat periarfissaajunnaarnikuupput, kisianni pisariaqavipput.

Takorniaqarnermik ingerlatsininni internetikkut inuit attaveqatigiittarfii aqqutigalugit nittarsaassisarnerit periarfissaannaajunnaarluni, pisariaqalernikuuvoq. Takornariaqarnermi sumiluunniit ingerlatsininni, internetikkut inuit attaveqatigiittarfii takornariaqarnermik ingerlatsininni annertuumik ikiorsinnaavaatsit.

Taamaasioreersimanngikkuit, suliffeqarfiit pillugu internetikkut inuit attaveqatigiittarfii atorlugit nittartakkamik pilersitsinissat eqqarsaatigisariaqarpat. Nammineq pilersitatit aqqutigalugit nittarsaassisinnaanerpit saniatigut nittartakkamik sulininni atugassannik pilersitsinissat iluaqutaasinnaavoq. Nammineq ilinnut tunngasut suliffeqarfinnullu tunngasut toqqarsinnaavatit, allallu aamma ikiorsinnaavaatsit.

Naak aallartereersimagaluarlutit imaluunniit piffissami sivisuumi inuit internetikkut attaveqatigiittarfiineereersimagaluarlutit, apeqqutit TALLIMAT ilinnut apeqqutigisariaqarpatit:

 

1. Internetikkut inuit attaveqatigiittarfiiniinnissannut piffissaqarpit?

Immikkoortup taassuma siullertut inissinneranut peqqutaavoq, suliffeqarfiit amerlasuut internetikkut nittartakkani inuit attaveqatigiittarfiini qanoq nukkiornartigisoq nalilernerluttarmassuk – nittartakkamik atuinissaq, piffissamik nukinnillu piumasaqangaatsiarput! Kukkuneq siulleq suliffeqarfippassuit aqqusaartagaat tassaavoq, pilersaarummik anguniagaqarluartumik aallartilluakutsooriarluni, taanna attanneqarsinnaajunnaartara. Imaluunniit internetimi nittartakkamiinngisaannarluni!

Atuaruk: Aaliangersimagit. Kontot qulit nittartakkani assigiinngitsuni pilersissanngilatit, qaammatinilu arlalinni nakkutiginagit. Nittartagaqarfik eqqortoq toqqaruk eqqarsaatigalugulu, quppernerit qanoq alliartortissanerlugit. Imarisassaanut ullorsiutiliorit, taannalu immersortarlugu, kiisalu assinik videonillu avitseqatigiissutigisinnaasannik immersoruk taamaasillutillu sammisinnaasannik pilersitsillutit.

Siunnersuut: Pisariitsumik aallartigit, misileraagit tassanngaanniillu ineriartortitsillutit.

2. Internetikkut inuit at taveqatigiittarffii ilinnut qanoq siunertaqarpat?

Internetikkut inuit attaveqatigiittarfii iluaqutissapassuaqarsinnaapput. Taakkua suliffeqarfiutivit ilisimaneqarnera siammartersinnaavaat, kisianni aamma sullitatit persuarsiunngitsumik attavigisinnaavatit. Tusarnaarnikkut apeqqutillu eqqortut apeqqutiginerisigut sullitavit pisariaqartitai ilinniarsinnaavatit taamaasillutillu suliffeqarfiutivit neqeroorutaasa pitsanngorsarnissaat paasisimasaqarfigilersinnaallugu.

Iliuuseqarnerpit toqqaannartumik tunisaqarnissat kingunerissanngilaa, kisianni malugineqarnerulernissat unneqqarinnissallu annertunerulersissinnaavatit.

Siunnersuut: Sooq internetikkut inuit attaveqatigiittarfii peqataaffiginiarnerlugit allaguk anguniakkatillu anguniarlugit suullu iliuuserissallugit tamatumunnga iluaqutaassanersoq!

3. Nittartagaq sorleq suliffeqarfiutinnut tulluunnerua?

Nittartagaq pitsaanerpaaq toqqarniarlugu, sullitavit kikkuunerat nittartakkallu sorliit akuuffigisarnerat itisuumik misissussavat. Nittartakkani tamani qanoq inissaqartiginersoq misissussavat.

  • Suliffeqarfinnut Kalaallit Nunaanniittunut amerlanerpaanut tunngatillugu, nittartagaq atorneqarnerpaaq tassaavoq Facebook. Tamanna paasinarpoq, takornariaqarnermut tunngasut Kalaallit Nunaanniittut amerlanerpaartaat tassaniimmata. Taamaattorli eqqarsaatigiuk, Facebookimi qupperneqarlunilu gruppeqarmat. Aappaa saqqummersitsinissamik siunertaqarneruvoq, kingullerlu inuiaqatigiinnut tunnganerulluni. Aamma uumassusilinnik nassiussuisoqarsinnaavoq. 
 
  • Instagram ataasiakkaanik assinik saqqummersitsiveqarluni sukkasuumik siaruariartorpoq. Instagramimi oqaluttuat aqqutigalugit takutikkusutat persuarsiunnginnerusut saqqummiunneqarsinnaapput. 
 
  • Snapchat inuusuttunit atorneqarneruvoq, kisianni aamma nassiussivittut piviusumillu takutsitsivittut atorneqarpoq.

Taava aamma Printeresteqarpoq, Twittereqarpoq, Youtubeqarpoq, Redditeqarpoq, LinkedIneqarpoq aamma Listeneqarpoq .... taamaattumik internetikkut inuit attaveqatigiittarfiiniinneq ilinnut sullitannullu tulluuttoq pingaartissallugu nassuiaatissaqarpoq.

Siunnersuut: Kikkut saaffiginiarnerlugit eqqarsaatigiuk, taakkuali internetimi nittartakkani sumiittarnersut sunalu soqutigisarineraat. Tamanna immikkoortumut 4-mut ingerlaqqinnermik kinguneqarpoq.

4. Suut nassiutissavigit?

Suli pitsaanerusumik … oqaluttuat sorliit siammartersinnaavigit? Assiliisoqarpit imaluunniit assiliiumatuumik qanigisaqarpit, kia assinik kusanartunik imaluunniit oqaluttuanik nuannersunik ikiorsinnaavaatit? Imaluunniit nammineerlutit immersuerusupput?

Visit Greenlandimi qulakkeerniartuartarparput, nittartakkatta imai iluaqutaanissaat, oqitsuunissaat imaluunniit soqutiginartuunissaat. Nittarsaassinermi kinaassutsit eqqarsaatigiuk. Soorlu assersuutigalugu, hoteli pineqarpat, hotelimi init kisiisa nittarsaattariaqanngilatit. Avatangiisit, pulaartut, ersinngitsut, aaqqissuussinerit il.il. tamarmik soqutiginaateqarsinnaapput. Eqqarsaatigiuk, suut illit suliffeqarfiutillu pillusi saqqummiussaanersut saqqummiutatillu isumassarsiorluarlutit saqqummiutikkit.

Videot qaffasissumik pitsaassusillit internetikkut inuit attaveqatigiittarfianni atorneqaraluttuinnarput. Tamatumunnga ilutigitillugu social videot aamma paasissutissiissutitut atorneqaraluttuinnarput, taamaattumik video, snap aamma oqaluttuat nalunaaquttap akunnerisa 24-t ingerlaneranni peeruttartut atorlugit killiffiit pillugu oqaluttuarsinnaavutit.

Siunnersuut: Ilisarnaatit atorlugu internetikkut inuit attaveqatigiittarfianni misileraanissannut annilaangasassanngilatit. Sapiitsugit kinaassutsillu takutillugu – tassa oqaluttuannut ilaasut.

5. Imarisanut pilersaaruteqarpit?

Imarisat pillugit pilersaarusiami matumani eqqarsaatigisassarpassuaqarpoq. Aana aallarterlaap eqqaamasassaanut allattorsimaffik:

Imarisaasunut ullorsiutit


Eqqarsaatigissallugu pitsaasuuvoq, sunik imaqartinnissaa sumullu nassiussuisarniarnerlutit. Qanoq sulilluartiginerit naapertorlugu ullorsiutit allanngortitertuaannarsinnaavatit.
 

Internetikkkut inuit attaveqatigiittarfiinik aqutsineq


Attaveqatigiittarfik pingasunik amerlanerusut ilanngussiffigisarukkit, taakkua aqunnissaannut sakkut eqqarsaatigisinnaavatit, taamaasillutik paasissutissat tamarmik ataatsimoortissinnaavatit. Nittartagarpassuaqarpoq, kisianni sorleq ilinnut pitsaanerpaanersoq apeqqutaavoq nittartakkami sorlermiinniarnersutit.

Usi, nittartagaq kisiani iluaqutigalugu? Facebookimi sunik ilanngussissanerlutit pilersaarusiorsinnaavat Instagramimilu ilanngussassat piareersarlugit! 
 

Imarisanut aqqut

Nammineq imaritinniakkanik pilersissinnaavatit imaluunniit allat ilanngussaat atorlugit (soorunami akuersissummik peqqaarlutit eqqortumillu suminngaanneernersut allallugu. Imarisanut Kalaallit Nunaannut tunngassuteqartunut imarisanut pingasunut tunngasut pingasut eqqarsaatigineqartariaqarput:

  • Visit Greenland iserfigiuk.
  • Atuisut allat imarititaat – taakkua assinik, videonik oqaluttuanillu nassissinnaavaatsit, imaluunniit ilinnut hashtaginik / atuisutut kontumik pilersitsineq ajornaallisarsinnaavat.
  • Nammineq imarititatit. 

Takussaagit


Sullitannut malinnaaffigiuminarit. Inuit attaveqatigiittarfianni kontoqarit. Kisianni iliuutsit ilai ajornaatsut tassaasinnaapput, inissiineq, taamaasillutik suliffeqarfiutit iserfigiuminarlunilu nassaariuminassaaq. Hashtagiliorit, taamaasillutik sullitatit imarisaatiminnut ilinnut tunngassuteqartuni ilanngussiniassammata. Paasissutissaq taanna naqitikkani angallatinni, pisiniarfiit igalaavani nioqqutissanilu ingannguut. 

Alloriarneq tulleq tigorussuppiuk?

Internetikkut inuit attaveqatigiittarfianni ussassaarinissat eqqarsaatigiuk. Ajornaatsuaraavoq naqitanilllu ussassaarinermit pissarsinarnerujussuulluni. Nuuk Water Taxi iluatsilluartumik taamaasiorpoq!