Inunnut attaveqartarfiit (tul.: social media) namminermut aliikkutassiaannaanngillat. Suliffeqarfiutinnut (ingerlassaqarfiutinnut) atorluakuttoorsinnaapput, nunarsuarmioqativummi attaveqaqatigiinnermut, siammartereqatigiinnermut suleqatigiinnermullu atorluartarpaat. 

Inunnut attaveqartarfiit atorlugit suliffeqarfiutit nittarsaalluarnissaanut siunnersuutit tallimat aajuku:

Inunnut attaveqartarfiit ullutsinni atuisumit atuisumut attaveqaqatigiittarfiupput. 

1) Suliffeqarfiutit qanorigineqarnersoq paasissasavat

Ullutsinni inunnut attaveqartarfi

it atuisumit atuisumut attaveqaqatigiittarfiupput. Allap misigisaa oqaaseqarfigitsiarsinnaavarput, “like-rsinnaavarput” siammarterlugulu. Tassa imaappoq suliffeqarfiutinnut tunngasumik oqaaseqartoqarsimappat ammasumik pissaaq, inuillu isumaasa paasinissaannut periarfissaqarputit.

Tuniniakkannut tunngasumik iluarinnittumik iluaaginnittumilluunniit inunnut attaveqartarfikkut ikkussisoqarsimappat atuaannarnagu akinissaanut periarfissaqarputit, tassalu isummersuinerit tigummisarilissallugit (tul.: reputation management). Atuisut isummersorneri iluaqutissarivaat suliffeqarfiutippit ingerlannerani suut iluatsiffiunersut suullu aaqqitassaanersut paasissagakkit. Kikkulluunniit takusinnaasaannik atuisut isummersorneri akisarukkit “tusarnaartunut” atuisumullu soqutiginninnerit takutissavat. Atuisup atuisutut naleqarneranik misigitissavatit.

Taassuma saniatigut atuisuppit qisuariarfigisartagai paasissavatit. Atuisuppit “like-rtagaat” suullu qisuariarfigisarneraat nalunngikkukkit siunissami inunnut attaveqartarfikkut ikkuttagassatit pilersissinnaalluarnerussavatit.

 

Nalunngiliuk nunatsinni angalasartut angalaqatiminnut inoqatinut attaveqaatikkut, Trip Advisorikkut, akunnittarfiit nalilertalereeraat? Assersuutigiinnarlugu Hotel Arctic qanoq igineqarnersoq ugguuna takuuk.

2) nunarsuarmut qaninnerusuusilissaatit

Suliffeqarfiutit piviusoorpasinnerussaaq ilumuussuseqarnerullunilu malinnitsivit suliffeqarfiutit attavigisinnaappassuk nalunagu attavigisaq inuusoq qarasaasiaannaanani. Nittartakkat paasissutissanik “ilioraaginnartut” attavigeqatigiinnerillu imminnut sanilliutissagaanni, atuisumit sulisumut inunnut attaveqartarfikkut oqaloqatigiinneq suliffeqarfimmut kinaassuseqarpalaarnermik misigititsisarpoq, attavigisaq nunarsuup illuatungaaniikkaluarpalluunniit.

Assersuutigalugu Tele-Postip Air Greenlandillu inunnut attaveqartarfiutimikkut qanoq atuisuminnut attavigeqatigeriaaseqarnersut takusinnaavat, sulisutik ilisaritinnerisigut oqaluttuarilaartarnerisigullu suliffeqarfiutitik kinaassuseqarpalaarninngortillugit.

Suliffeqarfiutit piviusoorpasinnerussaaq ilumuussuseqarnerullunilu

Ujarliutit suliffeqarfinnut iluaqutissaq SEO inunnullu attaveqartarfiit immikkut inissisimasutut isiginagit tapiutissatut eqqarsaatigissavatit

3) ikkussimasatit ujarliutini akulikinnermik nuisassapput

Inunnut attaveqartarfiit tamarmik immikkut ujarliutitaqarput atorluarneqartartunik. Suliffeqarfiutit ujarneqassagaluarpat puttunnissaa qulakkeertariaqarpat. Internetsikkut allaaserisaq una najoqqutaralugu “2012-mi Facebookkip nalunaarutigaa ujarliutaat ullormut 1 billioneriarluni atorneqartarsimasoq.”

Ujarliutit suliffeqarfinnut iluaqutissaq SEO (Search Engine Optimisation) inunnullu attaveqartarfiit immikkut inissisimasutut isiginagit tapiutissatut eqqarsaatigissavatit. Naak qularnaatsumik oqaatigisinnaanngikkaluarlugu inunnut attaveqarfiutini ingerlalluarneq, Google-kkullu ujarliutini inissisimalluarneq imminnut ataqatigiittut, qularnanngilaq inunnut attaveqartarfikkut ikkuttakkatit ikappata imarisatit akulikinnerusumik ujarliutini nuisassasut. “Imaakkami, ujarliutini suliffeqarfiit ujaraanni qullertut inissisimallutik nuikkajunnerusartut tassaagamik inunnut attaveqartarfikkut toqqammaviit” internetsikkut allaaserisaq qulaani eqqaaneqareertumi oqaatigineqarpoq.

Soorlu Visit Greenland Google-ikkut ujaraanni nuisoq siulleq tassaassaaq Visit Greenlandip pisortatigoortumik nittartagaa. Tullertullu ersissalluni inunnut attaveqartarfittut toqqammavik ataaseq (Flickr.com/ilovegreenland), arfernattullu Twitter-ikkut toqqammavia (@ilovegreenland).

 

 

4) nittartakkavit iserfigineqartarnera annertusarsinnaavat

Inunnut attaveqartarfinni ikkuttakkat pitsaasut nittartakkappit qanoq akulikitsigisumik iserfigineqartarneranut annertusaasinnaavoq, taamaattumik eqqaamajuk nittartakkappit paasissutissartaa (adressia) attaveqartarfinnut allassallugu. Aammattaaq nittartakkappit imarisai inunnut attaveqartarfikkut siammartertarnissai eqqaamakkit.

Assersuutitsialak uani tassaavoq internetsikkut allaaserinnittartoq Expert Vagabond. Taanna Arctic Circle Trailikkut angalanermut tunngasunik soqutiginartunik atorluarneqarsinnaasunillu paasissutissanik Arctic Circle Trail-ip facebookkianut siammartereqqiisarpoq. Paasissutissat atorluagassat ingerlateqqiinnarneq ajorpai, tassami nittartakkaminit siammarterinikkut nittartagaanut “isertartut” nalituumik amerlisittarmagit.

Inunnut attaveqartarfinni ikkuttakkat pitsaasut nittartakkappit qanoq akulikitsigisumik iserfigineqartarneranut annertusaasinnaavoq

...nammineq malinnitsitit anguinnarnagit suleqatippit malinnittai aamma angussavatit...

5) suleqatigiinnissamut periarfissat amerlaqaat

Inunnut attaveqartarfiit soqutigisaqaqatigiiffinnut ujarliutitut naapeqatigiiffittullu atorsinnaavatit, tassanilu inuit tunisassiannik nittarsaasserusussinnaallutik soqutiginnittunik naapitsisinnaallutit. Allat suleqatiginerisigut nammineq malinnitsitit anguinnarnagit suleqatippit malinnittai aamma angussavatit. Taamaalillutit suleqateqarnikkut inuit angusinnaasatit (tul.: reach) marloriaatinngortissinnaassajunnarsivatit, saniatigullu atuisunut takutillugu kisivit nioqqutigisat imaluunniit suliffeqarfiutit pitsaasorinngikkit, allalli aamma nuannarigaat.

Paasisaqarnerorusuppit? Internetsikkut atuagassiat ikaqaat! Siunnersuutigivavut: ...

 

Eqqaamallugulu inunnut attaveqartarfinnut ikkussugassanik pilersitsineq, sullissanullu suleqatigineqarsinnaasunullu attaveqaqatigiinneq nuannersuummat!