NUNA OQALUTTUASSANIK PIGINNAANILINNILLU ULIKKAARTOQ

Ullutsinni takornariarluni angalasartoq piviusunik misigisassarsiortartoq naluneqanngilaq. Kinguaariit ataatsit matuma siorna imaakkajuttannguatsiarpoq Amazonasimi nunap inoqqaavisa nunaqarfinnguat avinngarusimasumiittoq alakkarlugu, kisianni ullutsinni pisariinneruvoq tassaanerugami inuit naapillugit namminnerlu inuttut oqaluttuartilaarlugit. Sumik allamik peqquteqarluni aningaasanik avitseqatigiinnermut siuttuusoq AirBnB misigisassarsiortut silarsuaannut appakaatissagaluarpat inuiaqatigiinni siuttuusunit arlaannik ilinnialaarnissaq siunnerfigalugu?

 

Kalaallit Nunaanni kalaallit amerlasuunik misigisaqarsimasut assullu piginnaaneqartut oqaluttuarisinnaasaminnik tupinnaannartumik amerlapput. Ilai ersilluareerput soorlu assersuutigalugu namminneq pisiniarfiuteqarnermikkut imaluunniit inuit attaveqaqatigiittarfiisigut ilanngussikulaarnermikkut, kisianni suli amerlanerungaartut kikkut tamarmik takkuanni inuunngillat nassaarineqarnissartillu utaqqiinnartuusillugu.

 

Apeqqutigineqarsinnaasoq tassaavoq Kalaallit Nunaanni sumiiffinni najugallit takornariaqarnermut tunniuttagaat naammaginartumik iluaqutiginerlutigu?

 

MISISSUGAQ PIVIUSOQ 1: KALAALEQ NERISASSANIK NUANNARISALIK

Tusagassiuutit nunanit allaneersut Kalaallit Nunaannut pisarput nalinginnaasumik-orninneqartartut-avataanniittumik ujaasillutik, kisianni aamma siornatigut suli oqaluttuarineqarsimanngitsut aamma apersorneqarsimanngitsut pissarsiariniarsarisarpaat, ilanngutassiaq maangamut pigineqareersut akornanni immikkuullarittuunissaa anguniarlugu.

 

Nerisassiortarnerup silarsuaani marmarsaakkanik ilisimasallit Sarfalik aamma Restaurant Ulo tusaamareerpaat kisianni tassaqa caféaqqanik piginnittut nerisassiortartullu ataasiakkaat tusaamavaat. Taamaammat A Brit aamma a Broad, Tuluit Nunaanniit aamma Candamiit videonik internetimut ilisisartut (blogger), Nuuk pillugu ilanngussaminnut nerisassioriaatsit tigusiffigilaarusulermassuk erniinnaq Anne Nivíka Grødem, Kalaaleq Nerisassanik Nuannarisalik, eqqaavallaaqaarput, kalaallit nerisassaataannik immikkut sanaannaaminik torrallaasarnera eqqaallugu, aammalumi nipaa inussiarnersoq inuttullu ilakkuminartuunera pillugu.

 

Nuannariivippaat! Anne Nivíka suliaqartoq isiginnaaruk minutsini 2:30 A Britip aamma a Broadip videoliaanni Travel in Nuuk, Greenland 25.000-nik amerlanerusunik isiginnaarneqarsimasoq.

 

MISISSUGAQ PIVIUSOQ 2: NATASCHA PEDERSEN

December 2016-imi Visit Greenlandip kalaaleq kiinnamik pinnersaasartoq Natascha Pedersen immikkut suleqatiseraat inuit attaveqaqatigiittarfiisigut sunniisartoq Sorelle Amore suleqatiginiarlugu, taanna allat peqatigalugit tusagassiiniarluni nunatsinnut angalasoq. Sorelle assiliinissamut isummanik naammasserusutaminik ulikkaarsimavoq, Nataschallu nutaanik pilersitsisinnaassusia imaannaanngitsoq inuttullu ammasuunera piviusunngortinnissaannut ilapittuutaalluarsimapput.

 

Eqqarsaatigeqqaarnerani angalaartussanut ilitsersuisutut takorluugaq siulleq tassaanngilaq kiinnamik pinnersaasartoq kisianni Nataschap piginnaaneri Sorellep soqutigisaanut tulluarpata arnallu tamarmik inuit attaveqaqatigiittarfiisigut annertuumik malinnaaffigineqarnertik iluaqutigisinnaammassuk suleqatigiissinneqarnerat tamanit iluaqutigineqarluarpoq. Aamma Nataschap Kalaallit Nunaanni peroriartorsimanini tunuliaqutaralugu oqaluttuarsiaanngitsunik tunniussaqarsinnaasimavoq, taannalu tusagassiortut tamarmik assut pingaartillugu qujasimallutik.

 

PIGINNAANILINNIK UJARLERNEQ

Illit nammineq imaluunniit nalunngisavit Kalaallit Nunaat tamaanilu susarnitit nuannariviuk/nuannaraa? Imminut pillutit oqaluttuat angalasunut tusagassiortunulluunniit tikeraartunut oqaluttuarerusuppiuk nunarsuarmioqativut Kalaallit Nunaat pillugu inummiit inummut takusassillugit?

 

b2b@greenland.com -imut allalaarit oqaluttuallu allanut tusartillugu!