ILORRISIMAARLUTIK ANGALASUNIK ILISARITITSINEQ

Ilorrisimaarlutik takornarissat tassaapput ilorrisimaarlutik angalasut qaffasissumik sullinneqarusullutik angalanernilu allani misigineqarsinnaanngitsunik misigisaqarniarlutik siornatigullu angalasarnerminnut assingunngitsunik angalarusullutik dollarinik amerlanerpaanik akileerusuttartut (unnuinermut ataasiinnarmut 25.000 DKK akileerusuttarnerat takornartaanngilaq). Taamatut akiliinermi ilorrisimaarlutik angalasut nalinginnaasunik piserusunneq ajorput.

Eqqarsaatigeriaruk nunarsuarmi tamarmi nammineq timmisartuminnik angalasut, Kalaallillu Nunaanukartut ataasiaannarlutik unnuiniarlutik, Sikorskymillu attartorlutik sermersualiarlutik, nerrivik qaqortumik qaalerlugu, naneruuserlutik kalaallit nerisassaataannik immikkut ittunik nerillutik snapsitorlutillu.

Taamatut angalasut USA-meernerusarput Ruslandimeernerusarlutillu, kisiannili soorunami nunat tamarmik taamatut atugassaartoqartarput. Ulluinnarni inuunerminni pingaartittarpaat sullinneqarneq, piffissamik eqquilluartoqarnera immikkuualuttunillu isiginiagaqarnerujussuaq, ilimagisarpaallu nunarsuarmi angalanerminnit tamakku allaanerussanngitsut.

Eqqarsaatigeriaruk nunarsuarmi tamarmi nammineq timmisartuminnik angalasut, Kalaallillu Nunaanukartut ataasiaannarlutik unnuiniarlutik, Sikorskymillu attartorlutik sermersualiarlutik, nerrivik qaqortumik qaalerlugu, naneruuserlutik kalaallit nerisassaataannik immikkut ittunik nerillutik snapsitorlutillu.

Kalaallit Nunaat nunarsuarmi asseqanngitsunik inuillu immikkoorluinnaq misigisaqarusuttartut sungiusimasaannik pinngortitaqarnermigut tikiffissaavoq immikkorluinnaq ittoq. Nunarput National Geographic Traveler’s-imi allattuiffimmiippoq ”Inuunermi Angalavissat Immikkorluinnaq Ittut”.

KALAALLIT NUNAAT ILORRISIMAARLUTIK TAKORNARISSANIT TIKIFFITTUT

Isumaqaruit taamatut takornariartartut navianalaartut, eqqortumik isumaqarputit. Kisianni Kalaallit Nunaat ilorrisimaarlutik angalasunit tikiffissaavoq.

Kalaallit Nunaat nunarsuarmi asseqanngitsunik inuillu immikkoorluinnaq misigisaqarusuttartut sungiusimasaannik pinngortitaqarnermigut tikiffissaavoq immikkorluinnaq ittoq. Nunarput National Geographic Traveler’s-imi allattuiffimmiippoq ”Inuunermi Angalavissat Immikkorluinnaq Ittut”.

Kalaallit Nunaanni aamma, ilaatigut, tallimanik ulloriaasalinnik ataatsimeersuartarfeqartunik sisamanik ulloriaasaqartunik marlunnik akunnittarfeqarnermigut, angallatit timmisartullu atorlugit angallassisoqarnermigut, helikopterit atorlugit sisorarnissamut periarfissaqarnermigut arlilissuarnillu unnuakkut annikitsunik pitsaasunik imminiiffigineqarsinnaasunik pitsaasunik neriniartarfeqarnermigut pitsaalluinartunik sullissisoqarsinnaavoq.

KALAALLIT NUNAANNI ILORRISIMAARLUTIK ANGALASUT

Immikkuullarissuuneq ilorrisimaarlutik angalasartut immaqa pingaartinnerpaasarpaat, taamaattoqarneratigullu Kalaallit Nunaanukarusulluinnartarlutik. Angalasut umiarsuarnut takornariartaatinut ilaallutik imaluunniit namminneq umiarsuarminnik timmisartuminnilluunniit tikittarput. Angalasut taakku takornariartitsisartunit angalanermilluunniit aaqqissuisartunit siunnersorneqarnermikkut nersorneqaqisunik unnuisarfeqarnera aamma UNESCO-p Nunarsuarmi Kingornussanik Alluivianiittunik kusanaqisunik iluliaqarnera pissutigalugit Ilulissiarnerusarput. Aamma Issittumi uumasut takorusuttarpaat inuilaamillu misigisaqarusuttarlutik.

Immikkuullarissuuneq ilorrisimaarlutik angalasartut immaqa pingaartinnerpaasarpaat, taamaattoqarneratigullu Kalaallit Nunaanukarusulluinnartarlutik

Tamassuma kinguneraa nunami namminermi ingerlatsisut takornariartitsineq pillugu periusissiaminni ilorrisimaarlutik takornarissanik takornariartitsisarnermik ilanngussinissaminnut maannakkut siunissamilu periarfissaqartorujussuunerat.

NIUERNERMI PERIARFISSAT

Ilorrisimaarlutik takornarianik sammisaqartunik Kalaallit Nunaanni ikitsunik takornariartitsisartoqarpoq, kisiannili suliffeqarfiit Kalaallit Nunaanni angalasunik sullissisartut amerlanersaat nunat tamat akornanni sullissisartunut naleqqiussinnaapput.

Tamassuma kinguneraa nunami namminermi ingerlatsisut takornariartitsineq pillugu periusissiaminni ilorrisimaarlutik takornarissanik takornariartitsisarnermik ilanngussinissaminnut maannakkut siunissamilu periarfissaqartorujussuunerat.

Naggasiullugulu Kalaallit Nunaanni misigisassarsorlutik ilorrisimaarlutik angalasut sullinneqarnissaminnik ilimagisaat pillugit ukumerngit eqqarsaatigikkit.

Ilorrisimaarlutik takornarissat sullinneqarneranni eqqarsaatigisassat:

  • Takornariartitsisarneq suliffinnaanngitsutut isigiuk, aammali pimoorussatut inooriaatsitullu

  • Kikkut tamarmik pisariaqartitaat piareersimaffigikkit.

  • Qanorluunniit pisoqaraluarpat tamatigut pissarsiarineqarsinnaasarit.

  • Piffissaq eqqorlugu angalassinerit aaqqissuuttakkit.

  • Ujartuisoqaraangat ingerlaannaq pingaaruteqartunillu paasissutissiisarit.

  • Kissaatigisaat allanngoraangata tamatigoortuugit.


Suliffeqarfiit ilorrisimaarlutik takornariartitsisarnissamut piareersimava?

Attaveqarfigisigut

Allaaserisaq pillugu paasisaqarusukkuit oqaaseqaateqarusukkuilluunniit uunga allagit: Sarah: sarah@greenland.com.