Tunumi suleqatigiinneq

Visit Greenlandimi suleqatissat nukittuut  ujartortuaannartarpagut nutaanik ineriartortitanik suliaqartilluta, ukiumilu 2014/2015, Islandimi qaqqasiorluni angallassisartut suleqatigalugit, Travellodge Greenland aammalu Siggi Tours tunumeersut , Air Iceland ilanngullugu Ammassallip eqqaani ukiukkut misigisassanik annertusaavugut misileraalluta.

Suliaq ineriartortitarput nunap immikkoortortaani tunumi misilittagassarsiorluni angalaarnermi atortorisat nutaat atorlugit , takorluukkallu nutaat , suliallu nunap attaveqarfii nukittorsarnissaanik, nutaamillu periarfissanik angallassisartut akornanni Tunumi takornariaqartitsinerup ataani angalasussanut ammaassisuuvoq.

Islandimi qaqqasiorluni angallassisartut suleqatigalugit, Travellodge Greenland aammalu Siggi Tours tunumeersut , Air Iceland ilanngullugu Ammassallip eqqaani ukiukkut misigisassanik annertusaavugut misileraalluta.

Sulianik inerisaaneq naggataatigut suliarpassuarnik amerlasoorpassuarnik naammassiffiuvoq, soorlu assit nutaat,filmiliaaqqanut naatsunut (taakku ilaat Adventure in Motionimi ajugaaniutsitsinermi ajugaasoq 2015-mi misilittaalluni takornariaqartitsinermi filmiliatut)

Islandimi qaqqasiorlutik angallassisartut tassani qitiullutik angallassisuupput , ingerlatsineq aaqqissuussinerlu Visit Greenlandimit suleqatitut inissisimallutik qaammatit arfinillit isummamiit piviusunngortitsipput suleqatigiillutik, suliamillu nuannersortaat marluullutik avitseqatigaat, soorlu Visit Greenland tamatigut suliassanut nukittuunut suleqataanissamut piareersimajuartut, niuernermut ineriartortitsinermullu aallaaviit arlariit illersorsinnaasutut isigigaangamikkit.

Sulianik inerisaaneq naggataatigut suliarpassuarnik  amerlasoorpassuarnik  naammassiffiuvoq, soorlu assit nutaat,filmiliaaqqanut naatsunut (taakku ilaat Adventure in Motionimi ajugaaniutsitsinermi ajugaasoq 2015-mi misilittaalluni takornariaqartitsinermi filmiliatut) aammalu sap.ak. marluk tunumi angalanermi oqaluttuap, niuernermut angallassisut misilittaatitut atorneqarlutik, angallavissat aaqqissorlugit,nittartakkanik nittarsaassineq sukatiterlugu,aammalu periarfissat unammillernartullu nutaat pioreersullu ukiumi  misisisassarsiornermi nunami immikkoortortami tassani naliliiffigineqarlutik.

Adventure in Motion Winner: Skiing Greenland's Remote Peaks

Angalanerup kingorna Ella Grødem Islandimi qaqqasiorlutik angallassisartut sinnerlugit , inussiarnisaarluni ima naliliivoq:

‘’taamatut suleqatigiilluni siammarterisussatut angallassisuulluni assut piffissaq annertooq atornartarpoq, suliallu aalajangersimaqqissaartut erseqqarissunillu anguniagallit kisiisa suleqatissatut toqqassallugit pisarpugut. Uatsinnut torrallannarsimaqaaq periarfissanik nutaanik ineriartortitsinermi aammalu nalinginnaasumik Tunumi takornariaqarnermi siammarterinissamik aalajangersimasumik ukiukkut takornariaqarnermi angallassisarnermi  niuernikkut paasissutissanik pitsannguisinnaanermi pissarsiaqarfigigatsigu.

Tamannali taamaallaat akuuffigaarput , neqeroorfigineqaratta periarfissinneqarluta ingerlatap aaqqissuunnissaa tigummissallugu aammalu uagut pisariaqartitagut malillugit inerniliinerit suliallu angissusissaa aalajangiiffigigatsigu. Suleqatigiinnerit suulluunnit naapiffeqartariaqarput , anguniakkani annertujaani taamaattuni suliniaraanni ,sulialli angissusaani nammineq anguniagassat inerneri nalunngereeraanni ,suliaq angusassallu oqinnerusarput.’’

"this was a great combination of business development opportunities and a more general market oriented effort to improve the winter tourism platform in East Greenland." - Ella Grødem 

Angusat pingaarnerit

Angusat amerlasuut akornanni , pingaarnerit ilaat ersersinnerulaassavagut:

● Oqariartaatsip ‘’Kalaallit Nunaanni ukioq’’ oqaluttuaasariaqarpoq pikkunarnerusoq siammarteriaatsit assigiinngitsut atorlugit oqaluttuarineqarsinnaasoq, qarasaasiakkut internitsikkut attaveqarluni nittarsaassinikkut, attaveqaatillu atunngikkaluarlugit siammarterineq angalasussat  assigiinngitsut eqqorlugit soqutiginarsarnissaat . Suliassaq taanna Visit Greenlandip nittartakkakkut greenland.com-ikkut nutaamik ukiukkut angalanissamik nittarsaassinermik , oqaluttuanik katersinermik aammalu ukiukkut angalanerit assigisaannik paasissutissanik nittarsaassinikkut. Aammalu angalanerup nalaani assilisat tamarmik pisortatigoortumik flickr.com/ilovegreenland-imi aaneqarsinnaapput.

● Tikeraarpassuit kissaatigisarpaat piorsarsimassutsikkut misigisassanik        misigisaqarusullutik, tamannali amerlasoorpassuartigut ersarippallaarneq ajorpoq , angalatitsisup kissaatigigaluaraa, tamannalu aamma Kalaallit Nunaanni nunap assinganik ilioraanermi tamanna assinganik takussutissaqarpoq, nunatta sineriaata amerlanerpaartaani tamanna aamma piorsarsimassuseq tunaartaralugu misigisassanik amigaateqartoqarnera.

● Arsarnerit atorluarneqanngippallaarput ullumimut naleqqiullugu atorluarneqarnerusariaqaraluarput.

● Piffimmi aalajangersimasuni immikkoortortat takornariaqarnermi sullissisut ilaatigut attaveqarfiginissaat unammillernangaatsiarsinnaasarput, pisariaqartinneqarporlu pitsannguiliinissamut takornariaqarnermut tunngasunik soqutigisaqarlutik sullissaqartunut.

● Ukiukkut Kalaallit Nunaani angalaneq amerlanertigut Kalaallit Nunaata tunuanut, Ilulissanut, Destination Arctic Circle periarfissatut innersuunneqarnerusarput.

● Kalaallit Nunaat Islandi aqqusaarlugu angallavissatut angalatitsivinni arlariinni Island kisimi aqqusaarfittut inissisimavoq. Angallavissalli arlariit aamma nittarsaannissaat pisariaqarpoq. Eqimattakkuutaarlunili angalanissami pilersaarusiaagallartut inissallu qungatsitulli qeratatigalutik iluamik inississorluarneqarsinnaanngillat, takuneqarsinnaanatillu.

● Angallassisoq kinaluunnit sumilluunnit misigisassanik ‘’aqitsunik’’’, ‘’manngertunilluunnit’’ angallassissaguni, avammut takoqusaarutigineratulli takornariap misigisassaanut naleqquttumik uniorpallaanngitsumillu nittarsaanneqarnissaat, misigitinneqarnissaallu pingaaruteqarput, iluatsittumik ingerlassagunik, nalilerneqarluarlutillu.

● Piffimmi nunatsinni immikkoortortanut  tamanut , takoqqusaarinerup inerisaavigineqarnissaata pisariaqarnera aammalu angalasup qanoq sullinneqarnissaanik piumasaqaatit ,Visit Greenland aqqutissiuvisuulluni erseqqissaasinnaanera, aammalu  B2B atorlugu tuniniaaneq atorlugu erseqqissaasussatut piukkunnarpoq, immikkoortortaniit nunarsuarmut angallassisunut attaveqarnissamut paasissutissiinissaq, tuniniaanissaq takoqusaarinerlu iluatsinnerusut, atorluarneqarsinnaammata siammarterilluni.

● Immikkoortortami takornarialerisoq tassaavoq angalanerup iluatsittumik ingerlanissaanut ineritinnissaanullu ammaassisuusussaq, immikkoortortani aaqqiagiinnginnerit suleqatigiinnerit pingaarutillit tunuliaqutaasunut pisarialinnut tunuartinneqarsinnaanngillat, ingerlariaqqinnissamut ineriartortitsinermi akornutaaginnassammata.

● Unnuiffissat qanoq pitsaatigineri angalasunut amerlasuunut aalajangiisuusarput, pisariaqartinneqarporlu pitsaanerusumik Kalaallit Nunaata tunuani iluamik nittarsaassinissaq, ingammik nunaqarfeeqqani mikinerusuni.