Kangerlussuup mittarfia aqqusaarlugu angalasut maanna Kalaallit Nunaata pinngortitarsua pikkunarsinnaaqisoq assitigut angisuutigut takusinnaanngorpaat.

Immaqa sermeq naamasinnaassanngilat kisianni Kangerlussuup mittarfia aqqusaarlugu angalasut maanna Kalaallit Nunaata pinngortitarsua pikkunarsinnaaqisoq assitigut angisuutigut takusinnaanngorpaat, Nunatta Sermersua ilisarnaataaqisoq ilanngullugu.

Mittarfeqarfiit nunattalu immikkoortuini takornariaqarnermik ingerlatsiviit peqatigalugit nunatta mittarfiisa assigiissaakkamik avammut kiinaqalernissaat pilersinniarlugu Visit Greenland suliniummut siuttuuvoq.

Angallannikkut qitiusoq Kangerlussuaq aallarnerfigalugu suliniutip siunertaraa mittarfiit kusassarniarlugit, taamaaliornikkut Kalaallit Nunaata "Nuna Maligassiuisoq"-tut ilisarnaasersornera nittartakkat inooqatigiillu attaviisa internetikkut ungataannut pisillugu.

Kangerlussuarmi mittarfiup kusassarnissaanut isuma Visit Greenlandimi kisimi pinngunngilaq, imaakkamimi mittarfimmi sulisut isumannaallisaanermillu suliaqartut annertuumik isumaliutigereersimagamikku. Mittarfimmi sulisut tigussaasunik siunnersuuteqarsimanerat piviusunngortitsinissamut iluaqutaasimapput.

Mittarfinni nivinngaavissat pilerisaarutinut paasissutissanullu atorneqariinngitsut suliniummit matumannga iluaqutigineqarput. Nunatta avataaniit tikittut tikinnerminni nunatsinni qimussersumit tikilluaqquneqassapput, Kangerlussuarmilu akunnikkallartussat nassatanik aallertarfimmi umimmannik takornariarneq qanoq issinnaasoq misigisaciarfigilaassavaat.

Nunatsinni sumiiffinnut allanut ingerlaqqittussat anisarfiup eqqaani inini marlunni iikkani natermiit qilaamut angissusilinnik aasaaneranik imaluunniit ukiuuneranik assinik takusassaqartinneqassallutik.

Nunatsinni sumiiffinnut allanut ingerlaqqittussat anisarfiup eqqaani inini marlunni iikkani natermiit qilaamut angissusilinnik aasaaneranik imaluunniit ukiuuneranik assinik takusassaqartinneqassallutik.

Visit Greenlandip Facebookikkut, Twitterikkut aamma Instagramikkut @ilovegreenland aqqutigalugu siammerterinissamut pilerisaarinngitsoornavianngillat, nuna tamakkerlugu takornarissanut hashtag #GreenlandPioneer atorlugu.

Isiginnaakkat aqqutigalugit nalunaaruteqarneq angalasut namminneq misigisassaminnik nassaarsiornissamut taavalu Visit Greenlandip Facebookikkut, Twitterikkut aamma Instagramikkut @ilovegreenland aqqutigalugu siammerterinissamut pilerisaarinngitsoornavianngillat, nuna tamakkerlugu takornarissanut hashtag #GreenlandPioneer atorlugu.

"Naak paasisitsiniaaneq #ColourfulNuuk hashtag maanna ingerlasoq maanimiunik ilanngutititsiniarsarigaluartoq Visit Greenlandip takornarissat aamma nunatsinni innuttaasut paasitinnissaat isumassarsitinnissaallu siunnerfigivaa, hashtag #GreenlandPioneer atorlugu misigisaminnik asseqanngitsunik siammartereqqullugit. Naggaterpiaatigut anguniagaq tassaavoq angalasut nunatsinnullu angalajumaartussat inooqatigiit attavii aqqutigalugit ilanngutitinniassallugit, Kalaallit Nunaat siunissami piviusorpalaarnerusumik ornitassaqqittunngortiniissaa siunertaralugu," Anders Stenbakken, Visit Greenlandimi pisortaaneq, oqarpoq.

Manna tassa atuisartut misigisartagaannik nunatta mittarfiisa kusassarnissaannut pitsanngorsarnissaannullu takorluukkap anginerusup alloriarnera siulleq. Jens Lauridsen, Mittarfeqarfinni pisortaaneq, nunatsinni mittarfiit ataatsimut isigalugu ilaasut misigisartagaannik pitsanngorsaataasussatut takorloorpaa.

"Pisisartorput pingaarneq, ilaasoq, pimoorunnerullugu pingaartilerparput. Allannguutit allat mikinerusut kisianni aamma pingaartut aamma ingerlanneciarput, soorlu batteriinik immiisarfiit amerlanerusut ikkussorneri, ingiffissat amerlanerusut il.il. Nunatsinni sila aqussinnaanngilarput kisianni nunatta mittarfiini utaqqisarnermut atatillugu pinngitsoorata oqilisaassisinnaavugut," Lauridsen oqiarpoq.

Visit Greenlandip suleqatini peqatigalugit mittarfiit takornariaqarnikkut qitiunerusut taamaallutik sumiiffimminnut tulluarsakkanik takussutissaqalerrnissaat pilersaarutigaa, sumiiffiup asseqanngissusianik takutitsisussanik.

Attavissaq: Tanny Por, tanny@greenland.com

Suliniummi suleqataasut:
Visit Greenland: Suliniummi ataqatigiissaarisoq, Tanny Por; Visual design, Malik Chemnitz;
Assit, Visit Greenland - Mads Pihl, Dan Bach Kristensen, Andre Schoenherr
Mittarfeqarfiit: Kangerlussuaq, Jesper Asmussen; attavissaq, Hans Henrik Lichtenberg
Air Greenland: logistics; Jesper Regin