Vestnorden Travel Mart 2017-imi oqaaseqartussat pingaarnerit ilaat, aamma Transformational Travel Council-ilimik (Allannguutaasumik Angalasarneq pillugu Isumasioqatigiit) tunngaviliisut ilaat, Michael Bennett, Ed.D. naapipparput, angalatitsisartutut qanga aallartissimanersoq aamma Vestnorden Travel Mart-imi nunat avannarliit killiit ilaat qanoq issanersoq paasisaqarfigilaarniarlugu tikeraarparput.

Oqaluttuaq tamaat tusarusukkukku Michael Transformational Travel Council-imi nalunaasorsimasoq VNTM-imi oqaloqatiginissaanut innimminniigit.

Apersuineq ataani atuaruk.

Oqaluttuaq tamaat tusarusukkukku Michael VNTM-imi naapinnissaanut inniminniigit.

Visit Greenland: Naatsumik oqaatigalugu, allannguutaasumik angalaneq sunaava?

Michael Bennett: Oqaaseq ataaseq atussagaanni tassaavoq; aallartitsissutaasoq. Tassaavoq angalaneq, misigisaq, inummut imatut annertutigisumik sunniitigisoq, inuup pissusaata tamarmiusup piumassuseqalersitsilluni allanngoriartorneranut dominotut sunniuteqarluni.

 

 

VG: Transformational Travel Council qanoq pinngornersoq oqaluttuarilaarsinnaaviuk.

MB: Tunngaviliisut sisamaavugut – marluk qangalili imminnut ilisimasariittut. Taakkununnga ilisaritinneqarpunga naggataatigullu Jake – Oqaaseqartartut Pingaarnerit aappaat – 2014-imi naapillutigu. Tassanngaaniit allannguutaasumik angalasarnernik periuseq oqaloqatigiissutigisalerparput tamannalu pillugu eqqarsaatersortarluta. Tamanna Anchorage-mi 2016-imi Adventure Travel World Summit-imi oqalliseqatigiinnik oqallittitsisuunissamut periarfissiivoq, tassanngaaniillu aallartilluarpugut. Tamanna misigisassarsiortartunut paasissutissiisarnissamut annertuumik tunngaviliivoq

 

 

VG: Suli Kalaallit Nunaat, Islandi Savalimmiullu tikinnikuunngikkaluarlugit, tikiffissaatigut taamatut qanoq allannguutaasinnaasutut misigisimavit?

MB: Isumaqarneruvunga tassaasoq inuiaqatigiit misigisaqarfiginissaat sumiiffinnilu inuit paasisaqarfiginissaat. Nunani pingasuni tamani oqaluttuarisaanermi qanga pisimasut pingaartinneqarput, tassungali peqatigitillugu siunissamut suliniuteqartoqarluni. Minnerunngitsumik kusanaqisumi tupinnaannartumi pinngortitamiinneq aammalu kisimiittutullu misigaluni immaqalu inuinnaanermik pitsaasumik eqqaasinneqarluni, inuunermi iliuuseqalaartariaqarluni. Tamanna pissutsinik paasisaqarfiusarpoq.

 

 

VG: Aperisariaqarpugut. Suna Doktoriuffigaajuk?

MB: Ingerlaqqilluni ilinniarfimmi taamanikkut sulivunga, universitetimullu mikisumut ilinniartussarsiortarlunga, tassaniinninni suliniummi Pepperdine’s Global Business-imi ilinnialerpunga. Tassani soraarummeereerlunga ilinniakkannik qaffassaavunga taamaalillungalu Ilinniartitsinermi Ph.D-nngorpunga, tassanilu misileraalluni ilinniartitsisarneq allannguisarnerlu akuuffigilluarlerpakka.

 

 

VG: Vestnorden Travel Mart-imi peqataanissanni suna qilanaarinerpaaviuk

MB: Periuseq allannguutaasumik angalasarneq allanut paasissutigissallugu qilanaareqaara, aammali nutaanik ilikkagaqarnissara qilanaaralugu.