NIUERFIIT IMMIKKOORTUI SUUPPAT?

Niuerfinnik immikkoortitsineq isumaqarpoq immikkoortut killiliinerit aalajangersimasut atorlugit agguarneri, taakkulu imminnut atanngitsunik ataani arlalinnik immikkoortoqartarput.

Takornariartitsinermi niuerfiit immikkoortui atoraanni takornarissat assigiinngitsuuneri akuerineqartarpoq. Nunanit suminngaaneerneri ukioqassusaallu soorunami assigiinngittarpoq, kisiannili sunik misigisaqarnissamik misigisarlu qanoq annertutigissanersoq pillugit kissaateqarnerisa assigiinngitsuuneri pingaarnerpaajuvoq.

Immikkoortut taakku marluk Takornarissat soqutigisaannik aama Pimoorussinerup qaffasissusianik Visit Greenlandip taasarpai. Kalaallit Nunaanni takornarissat immikkoortui aqqaniliupput, tassunga ilanngullugit Takusassarsiortoq, Inuilaamiikkusuttoq aamma Angalatooq immikkut soqutigisalik.

Sunik misigisaqarnissamik misigisarlu qanoq annertutigissanersoq pillugit kissaateqarnerisa assigiinngitsuupput.

Kalaallit Nunaat takornariarfissatut takoqqusaarutigigaanni taamatut aallaaveqarneq suni tamani atorneqarsinnaanngilaq.

TAKORNARISSANIK IMMIKKOORTITERINEQ PINGAARTUUVOQ

Siunertarineqavissoq tassaavoq takornarissat feriarneranni immikkuullarilluinnartumik misigisaqartinnissaat, immikkoortulli tamarmik naammagisimaarinninnissaminnut assigiinngitsunik kissaateqartarput pisariaqartitsisarlutillu.

Kalaallit Nunaat takornariarfissatut takoqqusaarutigigaanni taamatut aallaaveqarneq suni tamani atorneqarsinnaanngilaq. Akerlianik immikkoortunut ataasiakkaanut naleqquttunik immikkut naleqqussakkanik oqariartuuteqartoqartariaqarpoq misigisaqartitsillunilu.

Sakkortuunik Misigisassarsiortartup assersuutigalugu kissaatigaa imaannaanngitsunik avatangiiseqarluni timikkut tarnikkullu unammillerneqarluni sammisaqarnissaq, taamaammallu illoqarfiup pingaarnerup eqqaaniinnani immikkoortumut tassunga Tunu naleqqunneruvoq. Tassunga peqatigitillugu Inuiaqatigiinnik Soqutigisalik sumiiffimmi kulturimik paasisassarsiorusuttarpoq, taamaammat uani assersuutigalugu Ilulissani Hotel Arcticimi najugaqarani Igalikumi nunaatilimmiinnissaq immikkoortumut tassunga naleqqunneruvoq.

TAKORNARISSANIK IMMIKKOORTITERINERUP TIKIFFINNIK INERIARTORTITSINERMI ATORNEQARNERA

Tikiffinnik ineriartortitsineq assigiinngitsutigut ingerlanneqarsinnaavoq. Arlaannaalluunniit allanit pitsaanerunngilaq. Akerlianik maannakkut pissutsini sunniuteqarluartumik sulinissaq pineqarpoq.

Immikkoortitsinermik aallaaveqaraanni Kalaallit Nunaanni takornariartitsisarneq isornartorsiorfigineqarluni apeqquteqarfigineqassaq: ”Takornarissat immikkoortui suut pigaavut imaluunniit perusuppagut? Sunik kissaateqarpat sunillu pisariaqartitsippat? Taakkununngarpiaq naleqquttunik misigisassanik sunik pilersitsissaagut?”

Taamatut aallaavigeqarnermi sullississutit pineqarneruppata soqutigisaqartut eqqassassapput: ”Kalaallit Nunaanni suni sullississuteqarpugut sumilu pigaagut? Immikkoortut suut sunik misigisaqarnissamik nuannarinninnerannik ilimagisaqarluta paasisaqartissinnaavagut?”

Eqqarsarit: ”Kalaallit Nunaanni suni sullississuteqarpugut sumilu pigaagut? Immikkoortut suut sunik misigisaqarnissamik nuannarinninnerannik ilimagisaqarluta paasisaqartissinnaavagut?”

Destination Arctic Circle ukiukkut tikiffissatut ilisarnaamminik maannakkorpiaq ineriartortitsisoqarpoq.

ALLAASERINNINNEQ: TIKIFFIMMIK, ISSITTOQ INERIARTORTITSINEQ

Destination Arctic Circle ukiukkut tikiffissatut ilisarnaamminik maannakkorpiaq ineriartortitsisoqarpoq. Tassani pitsaalluinnartunik assigiinngitsunik sullississuteqarpoq, kisisiannili immikkoortumi tassani ujartuisoqarnera takutinniarlugu pisisartut naleqquttut suli paasitinneqarnissaat amigaataavoq.

Martsimi 2015-imi Visit Greenlandip, Qeqqata Kommuniata, Air Greenlandip aamma Air Icelandip akornanni suleqatigiinneq aallartinneqarpoq, tassani sullississutit isiginiarlugit ineriartortitsinermik aallaaveqarneq piviusunngortinneqarniarluni taamatullu pisariaqartitsineq isiginiarneqassalluni. Angalaneq FAM, piffissap annertunersaani Sisimiuniittoqarluni,

Kalaallit Nunaanni sumiiffimmi soqutigisaqartut nunallu tamat akornanni angalatitsisartut pisisartui takornarissat immikkoortuini Issittumut naleqqunnerpaajusut akornanni ataqatigiilernermut tapersiivoq.

ALLORIARNEQ 1 – TIKIFFIUP NEQEROORUTAANIK NALILERSUINEQ

Sullississutinik ineriartortitsinermi periuseq ajornannginnerpaaq tassaavoq takornarissat misigisassanik sumiiffimmi innuttaasut atugareriigaannik pingaartitaannillu misigisaqarnissamik neqeroorfigineqarnerat. Ingerlasussanik piareersaaneq aqutsinerlu eqqarsaatigalugit attaveqaatit pioreersut annertunerusumik atorneqarnissaannik kinguneqarpoq, pingaarnerpaajusorli tassaavoq sumiiffimmi soqutigisaqartut pilerilersinnissaat peqataatilernissaallu.

Issittumi kulturimi ukiuuneranik ukiuneranilu inuilaami aputeqartumi misigisassarsiornissaq nuannarineqartorujussuuvoq. Taamaammat takornarissanut sullississutit ataaniittut isiginiarneqarnerunissaat pissusissamisoortuuvoq. Pinngortitamik isiginninniarnerunerujussuat sammisaqartarnerisalu qaffasingaatsiarnera tunngavigalugit takornarissat immikkoortui ataaniittut pilerinarnerpaajupput:

Sullississutinik ineriartortitsinermi periuseq ajornannginnerpaaq tassaavoq takornarissat misigisassanik sumiiffimmi innuttaasut atugareriigaannik pingaartitaannillu misigisaqarnissamik neqeroorfigineqarnerat.

    •    Qamuteralaat atorlugit angalaneq – Pinngortitamik nuannarisalik, Angalatooq
    •    Sisorarneq (Sisoraatinik arpanneq Sisorarnerlu) – Pinngortitamik nuannarisalik, Angalatooq
    •    Qimusserneq – Pinngortitamik nuannarisalik, Angalatooq, Pinngortitamik pingaartitsisoq, Takusassarsiortartoq
    •    Qaqqani takusassarsiorneq – Pinngortitamik nuannarisalik, Angalatooq, Pinngortitamik pingaartitsisoq, Takusassarsortartoq
    •    Kalaallit Nunaanni Sermersuaq – Pinngortitamik nuannarisalik, angalatooq, Pinngortitamik pingaartitsisoq, Takusassarsiortartoq
    •    Arctic Circle Race – Misigisassarsiortartoq immikkut soqutigisalik
    •    Oqaluttuarisaanermi kulturi nutaaliaasorlu – Angalatooq, Takusassarsiortartoq, Kulturimik nuannarisalik, Kulturimik pingaartitsisoq
    •    Nerisassat mamartut – Angalatooq, Takusassarsiortartoq, Kulturimik nuannarisalik, Kulturimik pingaartitsisoq

Angalatitsisartut arfineq pingasut Destination Arctic Circle sammillugu FAM-imut peqataapput.

ALLORIARNEQ 2 – NUNAT TAMAT AKORNANNI ANGALATITSISARTUNIK TOQQAANEQ

Takornarissanik sullississutit pingaarnerit atorniarlugit takornarissallu immikkoortui sorliit taakkunannga pingaartitsinerpaajunerannik ilisimasaqarluni nunat tamat akornanni angalatitsisartut arfineq pingasut (immikkoortunik taakkunannga pisisartullit) Destination Arctic Circle sammillugu angalanissamut FAM-imut peqataasussatut Visit Greenlandip toqqarpai qaaqqullugillu.

Taakku pisisartui/atuisartui kikkuuneri B2B-ni ataasiakkaarlugit ataatsimiinnerni nunat tamat akornanni atassuteqaateqartarnermi atassuteqartarnermilu suleqatigiinnit ingerlanneqartuni siusinnerusukkut paasineqarnikuupput.

ALLORIARNEQ 3 – ANGALANEQ FAM

Angalanerup FAM-ip iluaqutaanerpaaffia tassaavoq nunat tamat akornanni angalatitsisartut Issittumik qanimut ilisimasaqarnerannik annertusisitseqataanera, taamaalillutik sumiiffik pisisartuminnut pitsaanerpaamik takoqqusaarutiginiassammassuk.

Martsimi 2015-imi angalanermi FAM-imi, issittumi ingerlanneqartumi, nunat tamat akornanni angalatitsisartut sumiiffimmilu kalaallit soqutigisaqartut paaseqatigiilluartilerniarlugit suleqatigiissinnaanermillu isumaliuteqartinniarlugit niuernermi aaqqissuussamik attaveqarfeqartitsisoqarpoq.

Nunat tamat akornanni angalatitsisartut angerlaramik immikkoortut pingaarnerit pisisartuminnut/atuisartuminnut ingerlateqqissinnaalerpaat, tamannalu takornariaasinnaasut takornariavinngortinnissaanni pingaaruteqartorujussuuvoq. Misigisat siulliit angalatitsisartut eqqaamasaat tassaapput piviusumik misigineq soorlu pissanganeq, ajasoorneq, tupaallannerlu, aammalu ullualuit sumiffimmeereernerminni inunnut ataasiakkaanut atassuteqarlerneq.

Kalaallit Nunaanni angalanerit FAM-it pillugit paasisaqarnerorusuppit? Taava Internationale Relationship Manangersit ilaannut allagit.

ATTAVEQARFIGISIGUT

FAM-trip paasisarfiginerorusuppiuk? Taava Internationale Relationship Manangersit ilaannut allagit.

Amerikap avannaa pillugu akisussaasut:

Idrissia E.Y. Thestrup ugguuna idrissia@greenland.com aamma Sarah Woodall ugguuna sarah@greenland.com

Europa & Asialu pillugit akisussaasut:

Lykke Geisler Yakaboylu ugguuna lykke@greenland.com aamma Malik Milfeldt ugguuna malik@greenland.com