Misigisaq ilivitsoq

Qimussimik angalaneq qularutissaanngitsumik issittup avannarliup issittuani pinngortitap misiginissaanut toqqaannarnerpaajuvoq. Tikeraalli ilisimanngisaa aammalu Kalaallit Nunaanni qimussimik angalanerup immikkoorutigilluinnagaa tassaasoq, kalaallit piorsarsimassusaannik annertuumik pissarsiaqarfiusortaaq.

Kalaallit avatangiisiminnut peqqarniitsumut qanoq naleqqussarnerinik oqaluttuaq, qimussimik angalanerup ikorfartorpaa. Issittumi avannarlermi sumiiffiit allat assiginagit, Kalaallit Nunaanni qimussimik angalaneq inooriaasiuvoq nammineq toqqagaanngikkuni pisariaqartitsineq peqqutigalugu. Pinngortitami pinngortitamiillu inuuneq kalaallit kinaassusaannut qitiuvoq, taamaattumillu pinngortitamut qanikkuit, kalaallit piorsarsimassusaannut qanissimassaatit.

Pinngortitami pinngortitamiillu inuuneq kalaallit kinaassusaannut qitiuvoq, taamaattumillu pinngortitamut qanikkuit, kalaallit piorsarsimassusaannut qanissimassaatit.

Ukiut kingulliit 5 – 10 qimmit qimuttut ikiliartornerisa sukkassusaa nunap immikkoortuani isumakuluutigineqarpoq.

Isumaalunneq

Kalaallit Nunaata avannaani qimmip qimuttup piuinnarsinnaanera, piviusumik isumakuluutigineqarpoq. Ukiut kingulliit 5 – 10 qimmit qimuttut ikiliartornerisa sukkassusaa nunap immikkoortuani isumakuluutigineqarpoq.

Visit Greenland qimussersartut peqatigiiffianniit aammalu sumiiffimmiit ataatsimit pisoq pillugu saaffigineqarsimavoq, apeqqutigineqarluni takornariaqarnikkut inuutissarsiut, pitsaanngitsumik ineriartorneq unitsinniarlugu qanoq / sutigut akuusinnaanersoq.

Kalaallit Nunaata avannaata kinaassusaa, tikitassatut ilisartinneranut qitiuvoq, taamalu Issittumi Avannarlermi Misigisassat Tallimat Qitiusut (Big Arctic Five) ilaat ataaseq tammariartorluni. Soorli pissutsit taama ittut?

Soornguna qimmit ikiliartortut?

Siornagut qimmit qimuttut qamutillu nunap immikkoortuani qimmeqarfiusumi pinngitsoorneqarsinnaanngillat. Ukiuunerani ungasiliarnermi, piniarnermi aalisarnermilu, inunnik angallassinermi paasisassarsiornernilu il. il. ingerlataavoq.

Ajoraluartumik immap sikuanik ingerlavigiuminaassiartortitsisumik silap allanngoriartornera, aammalu soqutigisat allanngornerannik kinguneqartumik atortorissaarutitigut ineriartornerup, qimussip siunissaa isumakulunnartoqartippaa.

Silap allanngoriartornera, aammalu soqutigisat allanngornerannik kinguneqartumik atortorissaarutitigut ineriartornerup, qimussip siunissaa isumakulunnartoqartippaa.

Nunap immikkoortuini ukiut amerlasuut matuma siornatigutut atuiffiugaluartuniluunniit, sikusarnerup pissusaata allanngornera peqqutigalugu isumakuluuteqartoqartoq.

Qimussertitsinermik ingerlataqartut akornginit ataatsimut oqariartuutigineqarpoq, illoqarfiit avataanut qimmeqarfiit nuunneqarnerat aallarnerfigalugu, qimmiutilinnut qamuteralaqanngitsunut, nammineq biileqanngitsunut, ulluinnarni qimmit isumaginissaat oqimaannerulersimasoq, taamalu qularutissaanani nunap immikkoortuini qimmeqarfiusuni qimussip qangatut atorneqarnera uteqqittussaanngitsumik annaaneqareersoq.

Nunap immikkoortuini ukiut amerlasuut matuma siornatigutut atuiffiugaluartuniluunniit, sikusarnerup pissusaata allanngornera peqqutigalugu isumakuluuteqartoqartoq.

Økonomisk rationale

Takornariat illoqarfianni Ilulissani qaleralinniarfiusumi, aalisartut qimussimik atuinissaq ornigineruaat, ataatsimut isertitaqarfiunerummat.

Unammilligassat qulaani taaneqartut kinguneraat, takornariaqartitsinerup iluani maluginiarneqarmat takornarissanik qimussiussinissamut soqutiginninneq periarfissaqarnerlu annikilliartortoq.

Taamaattumillu takornarissat amerlasuut qimussiunneqarnissamik periarfissatsaalisarput, naatsersuutigineqarsinnaavorlu tamanna ajornannginnerulernavianngitsoq.

Takornariat illoqarfianni Ilulissani qaleralinniarfiusumi, aalisartut qimussimik atuinissaq ornigineruaat, ataatsimut isertitaqarfiunerummat.

Atuisunut ilisarititsinitsinni pingaaruteqarnerpaat ilaat, kalallillu piorsarsimassusaannut qitiusut ilaat piuinnartinniaraanni, nutaamik eqqarsarneq pisariaqarpoq. 

Nutaamik eqqarsarneq

Atuisunut ilisarititsinitsinni pingaaruteqarnerpaat ilaat, kalallillu piorsarsimassusaannut qitiusut ilaat piuinnartinniaraanni, nutaamik eqqarsarneq pisariaqarpoq. Takornariaqarnikkut inuutissarsiutit qimussimik takornariat pinngitsoorneqarsinnaanngillat.

Kalaallit Nunaannukartarput qimmeq assartueriaaserlu immikkut ittut pillugit. Tunisassiaq qangatut assartuinermik pinngortitamillu misigisaqarnermik sumiiffimmilu qimussiussisumik naapitaqarnermik imaqartoq.