2015-imi Visit Greenlandip Kalaallit Nunaanni paasisassarsiorluni umiarsuarmik takornariartaammik angalasalernissap ineriartortinnissaa immikkut pingaartillugu sulissutigilersimavaa. Suliniuteqarneq pingaarneq tassaasimavoq Hurtigrutenimik suleqateqarneq, taanna takornarissat umiarsuarmik angallattarneri pillugit siuttut ilagivaat, imarisat isimik takussaasut allassimasullu ineriartortinniarlugit taavalu aamma umiarsuup tungaaniit, takornarissap tungaaniit ornitallu tungaaniit isigalugu paasisavut annertusiumallugit. 

Paasisassarsiorluni umiarsuarmik angalaneq

Ukioq manna Kalaallit Nunaanni umiarsuarmik takornariartaammik angalasalernissaq pillugu sanarfivimmi / sannavimmi takornarissanut toqqammavissaq nutaaq oqallisigineqarpoq, tamaani paasineqarluni umiarsuarmik angalasartut inuusunneruleriartuinnartut, sammisaqarnerullutik misigisassanillu peqataaffigisinnaasaminnik piumasaqarnerullutik. Ingammik takornarissanut Kalaallit Nunaannut paasiniaallutik umiarsuarmik takornariartaammik angalasartunut tamanna eqquuppoq.

...tamaani paasineqarluni umiarsuarmik angalasartut inuusunneruleriartuinnartut...

Assiliisartoq imarisalimmillu pilersitsiortuisartoq sulisoralugit Visit Greenlandip mappi assinik imarisanillu imalik pilersippaa peqqaataani suleqatigiinnit tamanik assigiimmik atorneqarsinnaasussaq kingornalu kikkunnit tamanik atorneqarsinnaasunngorlugu saqqummersinneqassalluni

Kalaallit Nunaanni Umiarsuarmik Angalanermit assit oqaluttuallu

Tassunga sammiveqaqqajaanerata ineriartortinnissaa ikorfartorumallugu Visit Greenlandip imarisanik suleqatigiissitani Hurtigrutenip ilaasartaataanut Framip angalaneranut Greenland Explorer -imut ilaatippai. Paasiniaalluni angalaneq taannarpiaq toqqarneqarsimavoq umiarsuarmi Kalaallit Nunaatalu kitaani misigisassarsiornerit sakkortuallaanngitsut neqeroorutigineqarnerat pissutigalugit. Tamatuma saniatigut Kalaallit Nunaata kitaani illoqarfinnut nunaqarfinnullu tikeraartarnernut tunngatillugu oqaluttuartarnerup pitsanngorsarneqarnissaa pisariaqarpoq, angalanerit taakku kulturimik siunnerfeqarmata pinngortitamik misigisaqarnissaq aallavigineqarnani.

Assiliisartoq imarisalimmillu pilersitsiortuisartoq sulisoralugit Visit Greenlandip mappi assinik imarisanillu imalik pilersippaa peqqaataani suleqatigiinnit tamanik assigiimmik atorneqarsinnaasussaq kingornalu kikkunnit tamanik atorneqarsinnaasunngorlugu saqqummersinneqassalluni. Imarisanut taakkununnga ilaapput tikeraat / takornariat Kalaallit Nunaanni sammisatik aqqutigalugit pinngortitamik kulturimillu misigisaqarnerat, soorlu pisummik angalanikkut, qajartorlutik angalanikkut taavalu sumiiffimmiut peqatigalugit aaqqissuussamik aamma aaqqissuussaanngitsumik susassaqarnikkut. 

Paasisassarsiorluni umiarsuarmik angalaneq pillugu nittartagaq

Imarisat paasisallu Greenland.com-ip ataani immikkoortortamik nutaamik ineriartortitsinissamut atorneqassapput, tassani takutinneqassallutik nunami maani umiarsuarmik takornariartaammik angalanermi misigisimasat piviusut, nunaqarfiillu tikinneqajuitsut taamaallaat umiarsuarnit takornariartaatinik tikinneqartartut aamma ilaassallutik. Taamaalinikkut takornarissat takornariaqarnermillu sammisaqartut tamarmik Kalaallit Nunaanni suut neqeroorutigineqarsinnaanersut ajunnginnerusumik paasissagamikku. 

Kiisalu aamma paasissutissat angalanermit pissarsiarineqartut sumiiffinni soqutiginnitsinit aamma soqutiginnitsinit nunanit tamalaaneersunit oqallisigineqaleruttorfiup nalaaniillutik. Assersuutigalugu Visit Greenland nangitsissutaasunik Hurtigrutenimik ataatsimeeqateqartarsimavoq siunissami misilittagassat pitsanngorsarnissaannut qanoq suleqatigiissinnaanissarput pillugu, aamma sinniisut AECO-konference-mi CSR-ikkut periarffissat taavalu umiarsuup nunamilu sumiiffinni soqutiginnitsit akornanni suleqatigiinnerup pitsanngorsarnissaa pillugit saqqummiussiniarlutik.

Taamaalinikkut takornarissat takornariaqarnermillu sammisaqartut tamarmik Kalaallit Nunaanni suut neqeroorutigineqarsinnaanersut ajunnginnerusumik paasissagamikku

Umiarsuarmik takornariartaateqarnikkut sumiiffinnit ilikkakkat

Angalanermit uannga ilisimalikkat, taakkununnga ilaallutik umiarsuit angalanissaannik pilersaarusiorneq takornariallu suut ilimagisarneraat, aappaagu upernaakkut sanarfivinni / sannavinni sumiiffinni assigiinngitsuni ingerlanneqartussani 'Tikinneqarnissamut Piarersimassuseq'-mik taasamut imassanngortinneqassapput, siunissami tikinneqarnissanut pimoorussillutik ingerlataqarusuttut piareersimatikkumallugit. Aamma sumiiffiit ilaanni innuttaasut anguniarneqassapput, naqitat atorlugit aamma internetikkut periarfissat aqqutigalugit.

Imarisalimmik pilersitsineq pillugu apeqqutissaquit attavigisassarivatit Mads (pihl@greenland.com) aamma Tanny (tanny@greenland.com). Umiarsuarnut takornariartaatinut nalinginnaasumik tunngasut attavigisassarivatit Anders (anders@greenland.com) aamma Mads (mads@greenland.com).