1.1.16 aallarnerfigalugu Kalaallit Nunaanni unnuisarfiit Europa’mi ataatsimut aaqqissuussinermut, Hotelstars Union’imut ilaalissaaq. Kalaallit Nunaanni inoroorsaarfiutigisumik unnuisarfiit sanilliunneqarsinnaanngortinneri, Kalaallit Nunanni sulisitsisut peqatigiiffiat (GE), Visit Greenland aamma HORESTA suleqatigiillutik suliaraat.

Savalimmiuni aamma Danmark’imi unnuisarfiit sanilliunneqarsinnaanngortinnerat HORESTA’p aamma isumagisaraa, HORESTA’llu unnuisarfiit sanilliunneqarsinnaanngortitai ataatsimut 320 miss. amerlassuseqarput.

Hotelstars Union isumaqarpoq, unnuisarfiit inoroorsaarfiutigisut sanilliunneqarsinnaasut nunani 15’ini allani unnuisarfinnut naleqqersuunneqarsinnaasunut, soorlu Tyskland’imi, Sverige’mi aamma Schweiz’imi. Tamannalu unnuisarfiit piseqqusaarinerannut ingerlatsitnerannullu iluaqutaasoq, Christoffer Susé’miit HORESTA’mi attaveqarnermut pisortaanit oqaatigineqarpoq.

Hotelstars Union isumaqarpoq, unnuisarfiit inoroorsaarfiutigisut sanilliunneqarsinnaasut nunani 15’ini allani unnuisarfinnut naleqqersuunneqarsinnaasunut, soorlu Tyskland’imi, Sverige’mi aamma Schweiz’imi.

Unnuisarfinnik sanilliussisinnaanngortitsineq aammattaaq malitseqarpoq, unniusarfiit ukiut tamaasa alakkarneqartartnissaat, pitsaassuseq qulakkeerniarlugu.

Objective criteria

”Hotelstars Union toqqammaveqarpoq uuttuutinik tigussaasunik. Tamanna nukittoqqutaavoq, peqqutigalugu tikeraat angalanernillu aaqqissuisut nunat killeqarfii qaangerlugit ataatsimut uuttuuteqalersinneqarmata. Tassuunakkut takornarissanut ajornannginnerulersinneqarluni, Kalaallit Nunaanni unnuisarfimmik inoroorsaarfiutigisumik inniminniinnginnerminni, pitsaassuseq pillugu qulaajaasinnaanerat.”

Unnuisarfinnik sanilliussisinnaanngortitsineq aammattaaq malitseqarpoq, unniusarfiit ukiut tamaasa alakkarneqartarnissaat, pitsaassuseq qulakkeerniarlugu.

Aammattaaq siornatigut sanilliussisinnaanngortitsinermi toqqammaviusut, Hotelstars Union’ip inerisaqqillugit atorpai, taamalu uuttuutit unnuisarfiit malitassaat eqqarsaatigalugit, annikitsuinnarmik  naleqqussaasoqarnissaanik pisariaqartitsisoqarluni. Assersuutigalugu nutaamik piumasaqaataavoq, unnuisarfiit inoroorsaarfiutigisut pingasuniit qummut ullorialikkat initaanni siniffiup isuani sarfamut ikkuffeqarnissaat.

Nutaatut nalilerneqarneq ’Superior’ (’pitsaalluinnartoq’) atuutilersinneqassaaq, unnuisarfiit ullorialerneqarnerminni qaffaqqinnissamut tamakkiisumik piumasaqaatinik naammassinninngitsunut, kisiannili ullorialerneqarnertik qaangingaatsiarlugu pitsaassusilinnut.

Taamaasilluni Hotelstars Union Kalaallit Nunaata takornarissanik noqitsisinnaaneranut unnuisarfinnillu sanilliunneqarsinnaasunik peqarneranut iluaqutaassalluni.

Unnuisarfinni takussusiat nutaat

Hotel Star Union’imut nuunnermut atasumik, siornagut sanilliunneqarsinnaanermut takussusiat nutaanik taarserneqassapput, nunat akuusut tamarmik takussusiaat assigiimmik ilusilerlugit.

Hotel Star Union’imut nuunnermut atasumik, siornagut sanilliunneqarsinnaanermut takussusiat nutaanik taarserneqassapput

HSU naapertorlugu, unnuisarfiit sanilliunneqarsinnaanngortitat 16.382’inik amerlassuseqarput - tassa unnuisarfiit pisisartoqarfittut ataatsimut 44%’ii nunani 15’ini ittut ataatsimoorfigisaanni, ilaatigut pisisartoqarfiit pingaarutillit soorlu Sverige aamma Tyskland.

Isumasioqatigiittarfittut sanilliunneqarneq

Isumasioqatigiinnermut atasumik atortorissaaruteqarnermut atasumik sanilliunneqarsinnaaneq Hotel Stars Union’imiit attorneqassanngilaq. Aaqqissuussineq pioreersoq ingerlaannassaaq, uttuutit piumasaqaatillu allat pioreersut allannguuteqannginnerinik isumaqartumik.

Unnuisarfik qulaajaaffiguuk hotelstars.gl’imi

Unnuisarfiit inoroorsaarfiutigisut ullorialerneqarsimasut pilerisaarutigineqassapput ullorissat atorlugit greenland.com aamma hotelstars.gl atorlugit. Taakkunani unnuisarfiit sanilliunneqarsinnaangortitat nassaarineqarsinnaallutik, kiffartuussinernillu sunik neqerooruteqarnersut erseqqinnerusumik paasissutissarsivigineqarsinnaalluni.

Hotelstars Union

HSU naapertorlugu, unnuisarfiit sanilliunneqarsinnaanngortitat 16.382’inik amerlassuseqarput - tassa unnuisarfiit pisisartoqarfittut ataatsimut 44%’ii nunani 15’ini ittut ataatsimoorfigisaanni, ilaatigut pisisartoqarfiit pingaarutillit soorlu Sverige aamma Tyskland.