Misigisassarsiorluni nunarsuarmioqatigiinni angallassisartut maleruagassaat nutaaq, piginnaassutsinut aalajangersimasunut tallimaasunut immikkuullarissunut inissitsitigaavoq, misigisassarsiorluni angallassisartup piginnaasaqarfigisassaanik naatsersuutigineqartunik. Piginnaassutsit taakku ataani nassuiarneqartut tassaapput, maleruagassiat marluusut ingerlateqqitamik ineriartortinneqarsimasumik aallaaveqartumik,suliniaqatigiiffik nunani assigiinngitsuni maleruagassianik nalinginnaasunik ineriartortitsartut, suleqatigalugit ineriartortitaasut  –(ISO) .

1. Teknikkikkut piginnaasaqarneq.
2. Ikiueqqaarnermut nunallu timaani nakorsaasiinermi ilisimasaqarneq.
3. Sullissisinnaaneq aammalu eqimattanik angallassinermi aqutsisinnaaneq.
4. Pinngortitamik piorsarsimassutsikkut oqaluttuarisaanermi ingerlatitseqqissinnaaneq.
5. Piujuaannartitsineq.

Piumasaqaatit taakku tallimaasut nassuiarneri, ataatsimut erseqqissarneqarneri ataani atuarsinnaavatit.

1.Teknikkikkut piginnaasaqarneq

Angallassisartut misigisassat ajunngitsumik teknikkikkut piumasaqaataasut malillugit naammassisassavaat,soorlu piumasaqaatit malillugit allagartat uppernarsaatit nutarsartuarnerisigut,misigisassap iluatsittumik sillimanerullu tungaatigut, piareersimalluartumik angalanerit ussasaarutaasut akornanni angallassinerup iluatsilluarnissaanut.

Angallassisartut suliffeqarfimminni piumasaqaataasut malillugit, sumiiffinni assigiinngitsuni sammisaqartitsinernilu sillimaniarnermut maleruagassat nalinginnaasut tunaartarissavaat.

Angallassisartut ilinniagaqarnertik nutartertassavaat, allagartatik assigiinngitsunut angallassisuunermut tunngasut, angallatimikkut nunakkut immakkullu misigisassarsiornermi atorneqartartunut naleqqussartuartassavaat nutarsartarlugit.

2.Ikiueqqaarneq, nunallu timaani nakorsaasiinermi ilisimasaqarneq

Angallassisartut nakorsaatinut tunngasunik ilisimasaqarnermut uppernarsaatinik peqarnissaat innersuussutaavoq,angallassinermi ajutoortoqassappat ikiortissat ilinniarsimasut takkunnissaata tungaanut ikiuisinnaasariaqarluni. Ilinniartitaaneq naleqquttoq nunagisami piffimmi sumiinnerluni , ,tassanilu suut pisariaqartinneqarnersut aammalu suut sammisassaanersut apeqqutaallutik nalilerneqarsinnaapput .

Ilisimaqarnermut uppernarsaatit imarisinnaasaata ilaat makkuupput, Standard First Aid & CPR, Wilderness First Responder, Wildernes EMT.  (Ikiueqqaarnermi uummarsaanermi pikkorissarsimanermut uppernarsaat, Nunap timaani akisussaalluni angallassisinnaanermi uppernarsaat,Nunap timaani nakorsaasiinermi ilinniakkap annerpaartaata tullia Wildernes EMT, sivisuumik nakkutiginnilluni ungasissumi ikiueqqaarsinnaaneq).

3. Sullissisinnaaneq aammalu eqimattanik angallassinermi aqutsisinnaaneq

Misigisassarsiorluni angallassisartut oqimaaqatigiissaarisinnaasariaqarput sullissinermi aammalu misigisassat akornanni sillimanermi toqqissisimasumillu takornarissat nunaqavissullu akornanni ataqatigiissaarisinnaanermik piginnaasaqarluni, soorlu oqaatsit tungaatigut aammalu nunamik allamiumik attaveqaqatigiinnerup tumgaatigut piginnaasaqarsimasussaalluni.

Angallassisartut sullissinerup tungaatigut ilinniartinneqassapput, makkulu piginnaasaqarfigissavaat:

  • Ataqqinnillutik maniguuttumillu pissuseqassallutik
  • Angallassap timikkut piginnaasaai paasilluarlugit, pilersaarutaasunut angallannissaanut naleqqussarsinnaassallugit,
  • Akerliliinerit aammalu akerleriinnerit attaveqarnikkut akornermiliuttuunermini aaqqissinnaassallugit,
  • Piffimmi sumiluunnit sullissisuusuni attaveqaataalluni, arlaannillu aaqqiagiinngittoqarpat paaseqatigiinnermik aaqqiisinnaassalluni
  • Arlaannik angallassinermi ajutoortoqassagaluarpat, soorlu nakorsaatit tungaasigut, sumilluunnit ajutoortoqarneratigut,aammalu naatsersuutiginngisamik pisunut assigiinnitsunut malittarisassanik angalatitsivik aqqutigalugu piumasaqaatinik aalajangersimasunik atuisinnaanissaq.


Angallassisartut saniatigut makku piginnaasarissavaat:

  • Takornarissap ataasiakkaap qanoq inissisimanera malinnaaffigisinnaallugu,
  • Takornarissat arlallit tamaasa piginnaasaat eqqumaffigalugit angallassisinnaaneq
  • Takornarissat immikkut tamarmik angalanerup qanoq inneranik assigiinngitsunik tamarmik immikkut  naatsersuuteqarnerat paasisinnaassallugu,
  • Takornarissat ataatsimoorlutik piumassusaat,’’nukiat’’ aqussinnaassallugu


Angallassisartut aamma angallatatik timikkut oqaaseqanngikkaluarlutik oqariartuutaat aammalu oqaatsit malillugit attaveqaqatigisinnaanissaat nukittuffigissavaai aammalu pisussanut erseqqarissumik oqaatsitigut timikkullu ilitsersuisinnaaneq piginnaasaqarfigissallugu, angallassineq iluatsittumik ajunngitsumillu naammassisinnaaqqullugu.
Saniatigut aamma illuatungaaniit angalatitsiviup tungaaniit piumasaqaataasut nassuiarsinnaanissaai pikkoriffigissavaa angallassinerup aallartinnginnerani.

4. Pinngortitamik oqaluttuarisaanermillu ingerlatitseqqissinnaaneq

Misigisassarsiorluni angallassasisartup piginnaasaqarfigissavaai nunagisami pinngortitallu oqaluttuarisaanera, piffinni sumiiffinni pisut sammisat assigiinngitsut nalunngisaqarfiginissaai,aammalu piorsarsimassutsikkut suut kingornutaanersut misigisassanut assigiinngitsunut attuumassuteqartut ilisimasaqarfigissavaai ingerlateqqissinnaallugit.

Takussutissat kisitsisillu kisiisa aallaavigalugit paasisimasaqarnissaq naammanngilaq-sullitanut attaveqarsinnaaneq ataavartoq pisariaqarpoq. Taamaammat angallassisussat sumunngarfissaminnut ilisimasaqarnissaat itinerusumillu oqaluttuarsinnaanerat pisariaqarpoq, oqaluttuarisaanerup piffimmilu sumiinnertik apeqqutaatillugu pisut malillugit, aammalu saniatigut sullitat soqutigisaait malillugit sullissisinnaaneq pingaaruteqarpoq.

Angallassisup ilisimasaai ilaatiguinnaq oqaluttuarineqartassanngillat. Angallassisup ilisimasaai sumulluunniit tunngasinnaasariaqarput, angallassineq kikkunnulluunnit oqitsumik ‘’iiuminartumik’’ ingerlassinnaaqqullugu (periuseq taanna tuluttut taaguuteqarpoq ‘’interpretation’’).

Angallassisartut piffimminni/nunaminni oqaluttuarisaaneq aammalu inooriaaseq pillugu ataqqinnillutik aalajangersimasumillu kikkunnut tamanut naleqquttumik, namminissarsiorpallaanngitsumik, oqaluttuarsinnaasariaqarput, angallassisullu nunaqavissut piviusorpaluttumik ataqqinnillunilu ilanngullugit oqaluttuarisinnaasariaqarpaai.

Angallassisartut takornarissat aamma piffinni inooriaatsinik pissutsinillu aalajangersimasunik iliuutsinik pisartunik angallatatik paasitissinnaasariaqarpaat, tikitartik nuna qanoq ingerlaneranik, nunaqavissunullu paasinartumik naleqquttumillu tikitartik nassuiarsinnaasariarlugu.

Angallassisut attaveqarsinnaanerat uummarissuusariaqarpoq, nuannersumik sunniisinnaassalluni,paasiuminartumik, saniatigullu tikeraat soqutigisaat ilisimasaallu malillugit immikkoortiterisinnaassalluni, tikeraap oqitsumik siammasissumillu paasisaqarnissaa piniassammat.

 

5. Piujuaannartitsineq

Angallassisup nunaqavissunut qanoq attaveqarnera malillugu, inooriaatsimik ilisimasanik ingerlatitseqqinnera, avatangiisinik sunniisinnaaneq minnerpaaffianiitsissinnaanissaanut, periutsillu piujuaannartitsisussat malillugit periuseqarnermigut, tikeraat ilagalugit misigisamik nuannersumik sakkortuumik misigisaqartitseqataasinnaassaaq, pissarsiaqarfiulluartumik.

Angallassisartut inissitsiterinerni aaqqissuussinermilu ilinniartinneqassapput, Leave No Trace atuutilersinneqarneratigut – qallunaatut oqartariaaseq malillugu Efterlad ingen spor, (malunnanngitsumik ingerlaqqinneq) ornitamut piffimmullu atorsinnaassappat. Taakkua uani nassuiarneqarneri takuneqarsinnaapput, The Leave No Trace Center for Outdoor Ethics  www.lnt.org.

Tamakku saniatigut angallassisussat aaqqissuussinerni malitassani ukua malissinnaasariaqarpaat  Beyond Leave No Trace-meersut :

  • Piffiit ornitatit ilikkagaqarfiginerukkit
  • Atortut atisallu pisariaqartitatit kisiisa pisiarikkit
  • Atortutit atisatillu atukkatit paarilluakkit
  • Eqqarsarluarlutit ilisimaarinnillutillu atorfissaqartitatit aalajangertakkit ,nerisassat, atortut atisallu pisiarinerani
  • Eqqagassat annikinnerpaaffimmiitinnissaat
  • Nukinnik atuinerit annikillisaruk
  • Piffinni assigiinngitsuni ornitanni piujuaannartitsinerit ineriartortitsinerillu peqataaffigikkit


Angallassisartut aamma ilisimasaqarfigisariaqarpaat malitassallu malillugit The International Ecotourism Societymi ecotourism.org: allanneqarsimasut:

 

  • Ornitanni tikiffigisami timikkut , inuiaqatigiinni pissusilersuutit aammalu tarnikkut eqqarsartaatsikkut sunnertisimanerit pinaveersaartinnissaat
  • Tikitami avatangiisinut inooriaatsimut ataqqinninneq
  • Tikeraat tikiffigineqartunullu nuannersumik misigisaqartinnisssaat
  • Toqqaannartumik aningaasatigut piujuartitsineq peqataaffigalugu
  • Tikeraat puigunaatsumik misigisaqartinnissaat aammalu,avatangiisinut, inuiaqatigiinnilu pissutsinut paasisaqartinnissaat ilutigalugu
  • Nunaqavissut upperisaat piginnaatitaaffiilu angalaffimmi ataqqinissaat, pineqartullu piginnaasaqarnerat annertusitillugu

 

Tamakku saniatigut angallassisartut ATTA-p tunngaviusumik pingaartitaai ilisimasaqarfigisariaqarpaat, inuiaqatigiit aningaasaqarnerat piffinni aalajangersimasuni  siuarsarnissaa, inooriaatsimik kingornutat, avatangiisit, ajutoortoqannginnissarlu eqqaaneqartunut tamanut eqqumaffiginissaat.

Naggataagut naatsersuutigineqarpoq angallassisut eqqumaffigissagaat pisunut nuanniitsunut aammalu pingaartitanut akerleriittumik tikeraat akulerunnaveersaarnissaat, meeqqat takornariaqarnermut nuanninngitsumik misigisaqartinneqannginnissaat, angallanneqartut piffimmi pisunik assingusinnaasunik ajoqutaasinnaasunik pinaveersaartinnissaat.