Pilerisaarisarfik nutaaq atorlugu imarisaasa nammineq ilusilersornissaannut periarfissaqassaatit

Naatsorsueqqissaarinerit malillugit inuit Kalaallit Nunaat pillugu paasissutissanik ujarlertut nittartagarput Greenland.com iserfigisarpaat. Tamassumani pilerisaarinerm pitsaalluinartumik atugassaqartinneqarputit, pingaartumik isertut 26 %-ii piserusulluinnartuusarmata.

Aningasaliisarnernut periarfissat annertusarniarlugit greenland.comimi pilerisaarisarfik nutaaq imarisaasa nammineq ilusilersornissaannut tamatigoornerunissamik periarfissiisoq Visit Greenlandip atuutilersippaa.

Sumiiffimmi nunallu tamat akornanni angalanernik aaqqissuisartunut tatiginartumik naleqartoq

Greenland.com ukiumut 1.000.000 missaanni iserfigineqartarpoq, taakkulu 2013-ip 2014-inullu akornanni 55 %-it sinnerlugit amerleriarput. Greenland.com sumiiffimmi angalanernik aaqqissuisartunut nunallu tamat akornanni angalatitsivinnut annertuunik iluaqutissartaqarpoq, tassa taanna atuisartut pisariaqartitaat aammalu Kalaallit Nunaanni Takornariartitsinermut Siunnersoqatigiit tatigalugu suleqatigisaasa akornanni atassuteqartitsimmat. SEO-mi aamma SEM-imi sakkugut pitsaalluinnartut ujarlernermi oqaatsit pingaarnerit Kalaallit Nunaannut aamma Kalaallit Nunaanni takornariartitsisarnermut/misigisassarsiortarnermut nalinginnaasumik atassuteqartut Greenland.com suleqataalu Google-mi ujarlernermi qullerpaanngortippaat.

Nittarsaanermi sakkut pingaarnerpaat ilaat Greenland.com-imi pissarsiarineqarsinnaasoq tassaavoq takoqqusaarisarneq suleqatitta suliffeqarfiannik sullississutaannillu ersarinnerulersitsinissamut periarfissiisoq. Nittartakkatsinni takoqqusaaruteqarneq aningaasartuutinik atorluaatitsisarpoq, tassa tusagassiuutinut nalinginnaasunut saniullugu pisisartunut aalajangersamanerusunut annguttarmata, tamassumanilu sullississutissi neqeroorutissilu niuernermi immikkoortunit naleqqunnerpaanit takuneqarnissaat qulakkeerneqarpoq.

Nittarsaanermi sakkut pingaarnerpaat ilaat Greenland.com-imi pissarsiarineqarsinnaasoq tassaavoq takoqqusaarisarneq

Takoqqusaarisartugut tamarmik takoqqusaarisarfimmut isersinnaajumallutik namminneq isissutissaminnik passwordimillu pissapput.

Takoqqusaaruteqarfik nutaaq

Visit Greenlandip nittarsaasarnermik neqeroorutaani 2015-imi pitsanngoriaat kingulleq tassaavoq Greenland.com-imi takoqqusaarisarfiup nutaap atuutilersinneqarnera.

Takoqqusaarisartugut tamarmik takoqqusaarisarfimmut isersinnaajumallutik namminneq isissutissaminnik passwordimillu pissapput, tassani suleqatitta neqeroorutitik tamaasa, ilasinnaallugit, allanngortissinnaallugit peersinnaallugilluunniit.

Takoqqusaarisarfitsinni nutaami suleqatitta imarisaat kissaatigisamittut pitsanngorsarlugit naleqqussarnissaannut annertunerusumik tamatigoornerulersinnaalerput, taamaalillutillu takoqqusaarutit atorlugit aningaasaliissutit annertusarsinnaallugit.

Greenland.com-imi takoqqusaarinermi suut iluaqutaappat?

  • Nittartakkannut isertartunit amerlanerusunik pisisartunit amerlanerusunit takuneqarnissamut imaannaanngitsumik periarfissaqarputit.
  • Linksit aamma toortagaq ”Annertunerusumik atuarit” takoqqusaarutini ataasiakkaani atorneqarsinnaasut atorlugit nammineq nittartakkanut isertartut amerlisisinnaavatit, taamaalillutillu suliffeqarfiit sullississutitillu annertunerusumik ersarinnerulersillugit.
  • Nunat amerlanerusut angusinnaavatit, tamassumani aamma Greenland.com-ip annertusiartornerata iluaqutiginissaanut periarfissinneqarputit.
  • Takoqqursaaruteqarfiusartunit nalinginnaasunit akikinneruvoq.
  • annertuunik akilissanngilatit pisussaaffeqassanallu, tassa qaammatikkaartunik unamminartunik missingersuuteqaravit, taamaallaallu toorsisut, innersuussutit imaluunniit takoqqusaarutinnik takunninnerit kisiisa akilissagakkit
  • Takoqqusaarutinni ataasiakkaani angusat pillugit qaammatikkaartumik kvartalikkaartumillu ingerlaannaq pisassaatit, taamaalillutit nittarsaanermi periusissiavit sunniutai takusinnaasavatit aaqqiivigalugillu.

 

Paasissutissat annertunerusut

Greenland.com-imi takoqqusaarisarneq suleqataalernissarlu pillugit paasissutissat annertunerusut Visit Greenland Corporate-mi aasinnaavatit.

Qinnuivigaatsigit advertising@greenland com-imut maileqqullutit, taava paasissutissaatigut 2015-imullu akigititagut pissavatit.