Akunnittarfinni unnuinernut, angalaarnernut, nerisaqarnernut il.il. akikilliliissuteqarluartik tusagassiortut angalanerannut aaqqissuunneqartut tapersiilluarsimanerat.

Air Greenlandip tapersersuisutut bilitsinut aningaasaliinissaa pillugu suleqatigiinnikkut ukiut tamaasa milliornerpassuarnik aningaasaliissuteqarluni takoqqusaarinissamut taarsiullugu Kalaallit Nunaata tikiffissatut pitsaasumik eqqartorneqarnissaa  nunatsinni takornariartitsisarneq pillugu siunnersuisoqatigiit timmisartuutileqatigiiffik suleqatigalugu qulakkeertarpaat.


Ukioq manna taamaalilluta inuit 35-t ilaatigiit Danmarkimi, Tysklandimi, USA-mi, Tuluit Nunaanni, Frankrigimi, Japanimi Kinamilu tusagassorfinneersyt 30-t Kalaallit Nunaannukarnissaat isumagaarput. Tusagassiortut, assiliillutik immiussisartut, assiliisartut missingersuutini sipaarniarneq pissutigalugu ukiuni kingullerni ikiliartornikuupput, kisiannili nunap ilisarnaataanik nittarsaanermut aningaasat atugassat ikiliarnerisa annertoqatiginngisaanik.

Tamassukunnga ilaatigut pissutaavoq takornariartitsisarnermik inuussutissarsiortut assersuutigalugu akunnittarfinni unnuinernut, angalaarnernut, nerisaqarnernut il.il. akikilliliissuteqarluartik tusagassiortut angalanerannut aaqqissuunneqartut tapersiilluarsimanerat.

Tusagassiortut taamatut amerlassuseqartut– ajunnginnerpaassappallu ukiuni aggersuni amerlanerungaartut – qaaqqusarnissaat ingerlatiinnassagutsigu pisariaqartoq pingaarnerpaaq tassarpiaavoq suliffeqarfiit naleqarluartut tamarmik bilitsinik inniminniinerniit angallassinissanut aaqqissuinissanut tugagassiuutinit nittarsaanneqarlutik tamakkiisumik ilaannakortumilluunniit sullississutiminnik tapersiisarnissaat.

Tamanna pigajuttassaaq suliffeqarfiup tusagassiuutini ilanngussani imaluunniit pissusiviit pillugit paasissutissiiviit naggataanni internetimi iserfissat, akit pillugit paasissutissat il.il. ilanngullugit taaneqarneratigut. Pitsaasumik oqaatigineqarnissaq soorunami qulakkeerneqarsinnaanngilaq, sullissisoqartilluguli suliffeqarfik taaneqarajuttarpoq Visit Greenlandillu pissarseqatigiittarnissaq tunngavigalugu tusagassiuutit  soorunami sunnerniartassavai.



Tusagassiortut angalatinneqarneranni Visit Greenlandip inissisimanera suliassaalu salliutillugu tassaavoq tusagassiorfiit qanoq ittuunerannik paasiniaaneq, taamaalilluta tusagassiuutit naleqqunnerpaat niuerfinnit eqqortuneersut aammalu takornarissat assigiinngiiaartut immikkoortuinut aqqanilinneersunut naleqquttut tikisittarnissaat qulakkeerniassagatsigut.

Tulliullugu angalanissat pilersaarusiussavagut – tusagassiortoqatigiit angalanerpassuanut ukiut arlallit matuma siorna angalatitsisarsimanitsunnut taarsiullugu nalinginnaasumik inuit ataatsimiit pingasunut immikkut angalasarnerat – soorunalumi tusagassiorfiit qanimut suleqatigalugit. Aammattaaq soorunalumi nunap immikkoortuini tamani takornariartitsisarnermik suliaqartut qanimut suleqatigalugit.

Visit Greenlandip sulissutigusarpaa tusagassiorfiit qanoq ittuunerannik paasiniaaneq, taamaalilluta tusagassiuutit naleqqunnerpaat tikisittarnissaat qulakkeerniassagatsigut.

Aamma nunap immikkoortui angallannermi atassuteqaateqartut imminnut qanittut amerlanerpaamik marluk akunnaatsusaarianiarluta tikitinniartarpagut. 



Nunat immikkoortuinik allanut sanilliullugu salliutitsisartugut oqartarneq paatsuuineruvoq, pingaartumik  takornariartitsinermik ingerlaqatanngitsut akornannit ilaatigut naammattoortakkatsinnit.

Nuna tamakkerlugu takornariaqarneq pillugu siunnersuisoqatigiittut tikiffissaq ataaser arlallilluunniit allanut sanilliullugu salliutinneq ajorpagut, kisiannili tusagassiuutit sunik namminneq ujartuinerat aammalu piffissaq takornariaqarluarfiusatoq tunngavigalugu suna ingerlanneqavissinnaanersoq isummerfigisarlugit.

Aamma nunap immikkoortui angallannermi atassuteqaateqartut imminnut qanittut amerlanerpaamik marluk akunnaatsusaarianiarluta tikitinniartarpagut. 



Tusagassiuutinit arlalinnit saaffiginnissutinik pisarpagut, aamma Air Greenland aqqutigalugu, taakkulu namminneq saaffiginninnerat tunngavigalugu qanoq ittuunerannik paasiviniaavigisarpagut, aammali namminneq iliuuseqarluta tusagassiorfiit maanga qaaqqusarpagut, assersuutigalugu Danmarkimi aviisini anginerni angalasarneq pillugu quppersagaannik suliaqartartut assit kusanartut atorlugit marloqiusamik saqqummiinissamik pikkoriffeqartut.



Visit Greenlandip tusagassiortunik angalatitsisarnera pillugu annertunerusumik paasisaqarusukkuit uunga allagit press@greenland.com.