Game of Thronesimi isiginnaartitsisartup tusaamasap nunatta kujataani Google Street View aallarneraa

Tusaamasaanerup nukinganik kinnganeqalaarlutillusooq assit Kalaallit Nunaanneersut ataatsimoortut aappaat uani qaammammi Google Street Viewikkut saqqummersinneqarput. Jamie Lannisterip Game of Thronesimi peqataasup immaqa Kings Landing kiattorsuaq pujoralaqisorlu orniginerussagaluaraa, kisianni isiginnaartitsisartup Nikolaj Coster-Waldauip Kalaallit Nunaat nillernerungaaqisoq ilaquttami angerlarsimaffiattut aappaattut taavaa. Taamaammat Coster-Waldau pisuuserluni angalaarnissaq kajuminnartissimavaa ullualunnguillu ingerlaneranni Google Street View sulisitsisoralugu Kalaallit Nunaata ilaa takussutissiarisimallugu.

“Neriussaagut Google Trackerip nunarsuarmi tamarmi suut tamaasa qanilliallatsissagai”, Nikolaj Coster-Waldau

Suleqatigiinneq taanna soqutiginnitsinut tamanut iluanaarfiusimavoq.

  • Nikolaamut, ungasinngitsunnguakkut F.N. Goodwill Ambassadoritut ivertinneqartumut, suliniut taanna aqqutigalugu tusaamasaanini ajunngitsumut inuttullu namminermut iluaqutitut atorluarpaa nuliani aqqutigalugu nunami qanimut atassuteqarfigisamini silaannaap allanngoriartornera takutitassiarigamiuk.

  • Google aatsaavissuaq tusaamasamik Google Street Viewimi peqataatitsivoq, taamaaliornikkut suliniut internetikkoortoq nutaamik oqallisaalersillugu.

  • Soqutiginnitsit Kalaallit Nunaanneersut, soorlu Asiaq Greenland Survey, Air Greenland aamma Visit Greenland, anguniakkat arlaqartut anguneqarput. Pingaarnertut, inupparpassuarnut Kalaallit Nunaat nuannersumik isillu atorlugit takussaasumik nunap assinganut pisinneqarpoq. Kisianni aamma Coster-Waldauip tusaamasaanera qaavatigut ilanngunneqariarmat suliniut pilerisaarinermissaaq pilersitsisinnaasimavoq, tusagassiuutillu angisuut iluatinnartullu soqutiginnilersissimallugit, soorlu The Guardian, Travel and Leisure, Mashable aamma Business Insider.

Nalunngiliuk?

Kalaallit Nunaata ilangaatsiaa Game of Thronesimi avatangiisinut sermiinnaasunut 'iikkap ungataani'-sut ilisimaneqartumut eqqaanarsinnaavoq, kisianni Igaliku Kalaallit Nunaatalu kujataa aasap ingerlanerani tupaallannalaartumik qorsooqqittaqaaq. 

Takutitassiat immiunneqartut Google Street Viewikkut takuneqarsinnaalereerput kisianni aamma qanittukkut Visit Greenlandip nittartagaanut orniffissat naleqquttut quppernerini ilanngutitinneqassallutik.

 

Suliniummi matumani suleqataasut tassaappput: Google, Visit Greenland, Destination South Greenland, Asiaq aamma Air Greenland, Lonely Leap, Cocreators Films aamma snowflake.gl.

 

Street viewimi assit ataani takukkit.