VISIT GREENLAND-imi B2B-mi SULEQATIGIIT NUTAAT

2015-imi niuerfinni pingaaruteqartuni nunanut tamanut tunngasunik suliaqartunik Visit Greenland maannakkut sisamanik sulisoqarpoq. Lykke Geisler Yakaboylup aamma Malik Milfeldtip ataatsimoorlutik Europami Skandinaviamilu niuerfiit sammisaraat.

Maliup tamassuma sanitigut Asiami pisut malinnaaffigai niuerfiullu taassuma ammaanneqariartortup Kalaallit Nunaanni qanoq anguneqarsinnaanera pillugu periusissiorniarluni niuerfimmik misissuisussanngorluni.

Kimmut Sarah Woodallip aamma Idrissia Thestrupip ataatsimoorlutik Amerikap Avannaani niuerfik sammisaraat. Sarah Washington D.C.-mi Amerikami innuttaasutut najugaqarpoq Kalaallillu nunaannut uteqattaarluni akuttunngitsumik angalasarluni. Taamaaliornikkut aqutsisut takornariartitsisartullu sunniuteqartumik angunissaannut inissisimalluarpoq.

Ilaasortat Islandimi Atlantikup qeqqani februarimi saqqummersitsinissaani najuutissaput. Takkutissaguit Visit Greenlandip saqqummersitsivianut isumaqatigiissuteqarit!

2015-imi niuerfinni pingaaruteqartuni nunanut tamanut tunngasunik suliaqartunik Visit Greenland maannakkut sisamanik sulisoqarpoq.

Ullumikkut iliuuserisinnaasatit sooq aqagumut kinguartissavigit?

AMERIKAP AVANNAANI NIUERFIMMI SIUSINAARTUMIK SULINIUTEQARNEQ

Amerikap Avannaani niuerfimmi Kalaallit Nunaannit sunniuteqarneq annertusiartorpoq, tamannalu pingaartumik greenland.com-imut isertartut amerlassusaatigut takuneqarsinnaavoq. 2014-imi greenland.com-imut isertartut 27%-ii USA-meersupput, tassalu isertartunit tamarmiusunit nunamit ataatsimit, Danmarki ilanngullugu, amerlanersaasa pingajoraat. Taamaatut soqutiginnittoqartigitillugu ullumikkut iliuuserisinnaasatit sooq aqagumut kinguartissavigit? Amerikap Avannaa pillugu B2B-mi suleqatigiit nutaat taamatut eqqarsartariaaseqarput.

Suleqatigiit 2014-imi novembarimi USA-mi sapaatit akunneri pingasut avillugit angalanermikkut ukiumut nutaamut siusinaarlutik suliniuteqarput,. Aqutsisut angalatitsisartullu 24-t naapippaat, taakkulu Amerikami maannakkut pisisartut pisisartuulersinnaasullu taakkulu pisiartui assigiinngitsutigut paasisaqarfigalugit, Amerikami takornariartitsisarnermi maannakkut  pitsaaqutit aammalu Kalaallit Nunaata amerikarmiut isaanni immikkorluinnaq ittumik feriarfisaanera annertusarniarlugu matunik nutaanik ammaassillutik.

ATTAVEQAQATIGIINNEQ

B2B-mi ataatsimiinnerni paasissutissanik amerlaqisunik paarlaatseqatigiittoqarpoq nutaannillu attaveqarfissarsisoqarluni, tassa ataatsimiinnerit taakku ingerlatseqatigiiffimmik Kalaallit Nunaanni soqutigisaqartumik siullermeertuik attaveqarnertut atuummata. Angalanerup naanerani ”periarfissaq” oqaasiuvoq pingaarneq.

Kalaallit Nunaanni takornariartitsisarnermik inuussutissarsiuteqartut Amerikap Avannaani niuerfik pillugu amerlasoorpassuarnik pissarsipput, tamannalu siunissami ineriartortitsinissanut pitsaasumik sunniuteqaannartussaavoq 


Kalaallit Nunaanni takornariartitsisarnermik inuussutissarsiuteqartut Amerikap Avannaani niuerfik pillugu amerlasoorpassuarnik pissarsipput.

Pingaarneruvorli suliffeqarfinnut naleqqunnerusunik Visit Greenland sumiiffinni takornariartitsisartunut toqqaannartumik attaveqartitsisinnaavoq.

ANGUSASSAMIK TORAAGAQARLUNI B2B-mi TAKOQQUSAARINEQ

Angalatitsisartuusinnaasut kikkunnik angalatitsisarnerat pillugu Visit Greenland paasissutissanik katersuivoq. Kikkuunerinut ilaapput agguataarnerat, soorlu ukioqassusiat ineqarnerallu kiisalu inooriaasiat, isumaat, isummersortarnerat naleqartitaallu, ilaatigut feriarnerminni sunik misigisaqarusunnersut taakkuninngalu qanoq misigisaqarusunnersut, assersuutigalugu takornarissanik nassuiaasoqarlutik namminerluunniit angalallutik.

Taamatut kinaassusiliineq Visit Greenlandimut naleqartorujussuuvoq, tassa angalatitsisartut Kalaallit Nunaannut angalatitaat Kalaallit Nunaanni immikkoortuni aqqanilinni sorlermiinnersut taamaaliornikkut paasisinnaagatsigu. Ilaat nalinginnaasumik ungasissumut angalasartut nalinginnaasumillu takornarissat immikkoortuiniipput allallu inuiaat kulturiannik soqutiginnittuullutik, pinngortitamik nuannarisaqartuullutik, angalatuujullutik immikkut soqutisaqartut aammalu atugarissaarlutik angalasartuullutik. Tamanna eqqaamallugu Kalaallit Nunaanni nunap immikkoortui misigisassallu suliffeqarfiit pitsaanerpaatut isumaliutigisinnaaneraat Visit Greenland angusassamik toraagaqarluni siunnersuuteqarsinnaavoq. Pingaarneruvorli suliffeqarfinnut naleqqunnerusunik Visit Greenland sumiiffinni takornariartitsisartunut toqqaannartumik attaveqartitsisinnaavoq.

Nunat tamat akornanni angalatitsisartunut pissutsit annertusiartortillugit tikiffissamillu toqqaanerminni Kalaallit Nunaannut angalatitseqqaarunik angalatitsisartut allat neqeroorutigisinnaasaannut sanillullugu ”Kalaallit Nunaannut angalatitsinissamik neqeroorutitik” pillugit immikkuullarissuunertik angalatitsisartut iluaqutigilluarsinnaavaat. Tamassuma saniatigut taamatut immikkuullarissuunertik pisisartuminnut ingerlateqqissinnaavaat , tassa angalanernik aallaaserinninnerit soqutigisaannut tunngatillugu immikkut toqqagaammata.

VISIT GREENLAND ATTAVEQARFIGIUK

Utertitsilluni nalunaaruteqarniarlutit aammalu ataatsimminnissat attaveqaqatigiittarnermilu pisoqartitsinerit, angalanerit FAM, sullississutinik ineriartortitsineq, takoqqusaarinissamut periarfissat aamma interneti atorlugu pikkorissarnerit pillugit paasisaqarnerorusullutit nunarsuup immikkoortuinik suliaqartoq attaveqarfigiuk.


Europa Skandinavialu: lykke@greenland.com  aamma malik@greenland.com


Amerikap Avannaa: sarah@greenland.com aamma idrissia@greenland.com