Adventure Travel Trade Association (Nunarsuarmi misigigisassarsiorlutik angallassisartut suleqatigiiffiat) naalisarlugu ATTA, assigiinngitsorpassuarnik takussutissanik pioreersunik, arlariinnik maleruagassianik nalinginnaasumik atorneqartussanik pilersitsipput. Nunarsuarmi takornarianik misigisassarsiorlutik angallassisartunut nutaanik  ineriartortinneqartussanillu maleruagassianik nalimmassaallutik.

Takornarissanik misigisassarsiorlutik angallassisartut tassaalluinnarput, misigisassat pitsaassusianik sillimaniarnerullu tungaasigut aaliangiisuulluinnartut. Angallassisullu tassaapput angalatitsivik aqqutigalugu takornariat angalaneranni attaveqaataasut, taamaattumillu aamma siammasissumik maleruagassanik pilersitsinermi pingaaruteqarluinnartuusut, taakkuummatami angalatitsiviup avataanit qanoq isigineqarneranik sulinermikkut aaliangiisuulluinnartuusartut.

Angallatsisartut angalatitsiviup qanoq sulinermikkut avataanit  isigineqarneranik aaliangiisuulluinnartuusartut.

Maleruagassiat nutaat pinngitsaaliissutaassanngillat, taakkununngali attuumassutilinnut sulialinnut innersuussatut inissinneqassallutik

Nalinginnaasumik maleruagassiat sumut atorneqarsinnaappat?

Nalitsinni nunarsuarmi tamarmi nuna tamakkerlugu, illoqarfigisamiluunnit takornarianik angallassinerni maleruagassiaqartarpoq. Tamakkulu ilagaat soorlu teknikkikkut piumasaqaatit assigiinngitsunillu sulianik aaliangersimasunik piumasaqaatit, uppernarsaatillu immikkuullarissut sulianut assigiinngitsunut piumasaqaatit nalinginnaasut, soorlu  takornarianut angallassinermik allagartaqarnissaq. Assersuutigineqarsinnaavoq Kalaallit Nunaanni arktisk guide uddannelse (issittumi angallassisartutut ilinniagaqarneq) Campus Kujalleq-mi ilinniarfittut ilinniarneqartartoq.

Taakkulu saniatigut nunarsuarmi takornarianik misigisassarsiorlutik angallassisartut immikkoortortaqartiterput, soqutigisaqaqatigiittullu suliniaqatigiiffeqartiterluni. Taamaakkaluartorli nunarsuarmioqatigiinni tamarmi nalinginnaasunik maleruagassianik, misigisassarsiorluni takornarissanik angallassisartuni peqanngilaq.

Adventure Travel Trade Association [ATTA], qaammarsaalluni tamanna suliaq aallartippaa Adventure Travel Guide Qualification and Performance Standard –imik taallugu.

Takornarianik angallassinermi piumasaqaatit maleruagassiat nutaat pinngitsaaliissutaassanngillat. Taakkununngali attuumassutilinnut sulialinnut maleruagassiatut, sulianullu innersuussatut inissinneqartarlutik. Visit Greenland-illu periarfissatut tamanna ima isigaa, maleruagassiat taakku siunissami takornarianik sullissinerup qanoq inissisimaneranik, sulianillu naliliinermi atorneqartarnissaannut.

Adventure Guide suua? (Misigisassarsiorluni angallassisartoq suua)

ATTA misigisassarsiorluni angallassisartoq imatut nassuiarpaa: angallassisartoq tassaasoq nalinginnaasumik piumasaqaatinik naammassinnissinnaasoq, assigiinngitsunillu piginnaasaqartoq, angalasut eqimattat akornanni sumiiffinnilu assigiinngitsuni, piffimmilu namminerisami, ataqqinnittumik toqqissisimasumik periuseqarluni sullissisinnaasoq.

Misigisassarsiorluni angallassisartut tassaapput takornariat assigiinngitsunik sammisaqartinnissaanik siunnersuinermik  piginnaasaqartuusut, sulianik unamminarsinnaasunik, nalorninartunillu aqutsisinnaasut. Nammineq amerlanertigut piffinni assigiinngitsuni imminut ikiorsinnaanissaminnut sapinngitsut, pingaarutilinnik eqqarsarluaqqissaarlutik aaliangiussisinnaasut. Saniatigullu misigisassarsiorluni angallassisartut tassaapput eqaatsumik suleriaasillit, aammalu inoqatiminnik attaveqarnermut sungiussisimalluartuusut.

Angallassisartut piginnaasaqarfigissavaat teknikkikkut, nakorsaateqarnikkut, ikiueqqaarnikkut sullissinermik sungiussisimasuuneq, tunniussassanik imaqarluartunik ingerlatitseqqiisinnaasut, aammalu sulianik ataavartumik ineriartortitassanik  imminut nammakkiisumik naammassisaqarsinnaasut.

Tamakkulu saniatigut assigiinngitsualunnik angallassisartunut piginnaasanik arlariinnik naatsersuutigineqartunik peqassaaq. Illuanut tarrarsortutut inissikkaanni, misigisassarsiorluni angalasup sulianut pitsaassutsimut naatsersuutigisaai, misigisassallu imarisaanut, nunatsinni takornariaqartitsinermut suliallit, takornarialerinermi ineriartornermi maleruagassiat nutaajusut iluaqutigalugit malinnaaffigisinnaalissavaat. Namminerlu ingerlatatik ineriartorteqqissinnaallugit, nunani assigiinngitsuni maleruagassianut nutaanut saqqummertunut nalimmassarnermikkut.

Uani linkimi atuarsinnaavat misigisassarsiorluni angallassisartoq  aammalu piumasaqaatit nalinginnaasut suunersut, suliffeqarfinnut misigisassarsiorluni angallassisartunut innersuunneqartut nutaat malillugit qanoq nassuiarneqarnersoq.

ATTA misigisassarsiorluni angallassisartoq imatut nassuiarpaa; angallassisartoq tassaasoq nalinginnaasumik piumasaqaatinik naammassinnissinnaasoq, angalasut eqimattat akornanni sumiiffinnilu assigiinngitsuni, ataqqinnittumik toqqissisimasumik periuseqarluni sullissisinnaasoq.