Ukiumut ataasiarluta inuussutissarsiummik saqqummersitsinerni assigiinngitsuni naapittarpatsigit immaqalu ilaqarpusi ataasiakkaannguanik Patagoniami qajarissamik misiliisimasumik imaluunniit Namibiami inuilaakkut siuttut ataatsimiinnissaat sioqqullugu misigisassarsiornermi biileqatigisimalluta, kisianni nalinginnaanerpaasoq tassaavoq eqqartueqatigiilaarnissamut inuttullu naapeqatigiilaarnissamut piffissaalatsisuaannartaratta.

 

Visit Greenlandimi sulinerup nalaani, kisianni aamma avataani immitsinnut qanittunnguunerput nuannarivipparput, inuttullu pissuseqarnerput taanna aamma ilissinnut attaveqarnitsinnut siammartikkusukkaluaqaarput. Aallarniutitullu, pissutsikkut killitsiasuusinnaanerput allakkajaajusinnaanerpullu Team VG-mik apeqqarissaalaarneq nuannersoq una aqqutigalugu paasisaqarfigilaarniartigut.

 

Q1: SULIFFIUP AVATAANI ULLUINNARNI INUUNERNI SUSARNERNIK OQALUTTUUTILAARTIGUT.

Idrissia Thestrup: Hmm, inuuneq suliffiusoq taavalu Issittumi meeraqarneq pitsaanerpaamik qanoq nalimmassarneqarsinnaanersut nassaariniarsarivara, ilaannikkut meeqqeriviliaassineq allaaneq ajorami paasisassarsiorluni peqqarniitsumik angalaneq meeraq suli aappiineqanngitsoq qiarsuataartoq ilagalugu.

 

Kim Insuk (Ilinniartoq ikiortaasoq): Uanga inuunera 100%-imik Kalaallit Nunaanniippoq! Sulereeraangama Ilisimatusarfimmiilluunniit soraaraangama Kalaallit Nunaat pillugu atuarlungalu misissuisarpunga, sunngiffinnilu bloginnut  Kalaallit Nunaat pillugu allagaqartarlunga, allaat aamma Koreami angalatuut atuagassiaataannut ilanngussassanik.

 

Aviaja Lyberth: Qimmimik paarsineq taavalu tv-kkut aallakaatitat takisoorsuit isiginnaartarlugit.

 

Mads Lumholt: Sulinngikkaangama qimmera aneeruttarpara, guitarimik sungiusartarlunga, nipilersoqatigiinni erinarsortuusarlunga, arpattarpunga taavalu ilaquttakka ilagalugit umiatsiamik angalaartarlunga.

 

Sarah Woodall: CrossFit Inua ualit tamaasa ornittarpara, sunngiffinnilu nutaanik kaagiliorneq misilittartarpara, aamma illu najugara angerlarsimaffinngortinniarsaralugu nuannersoq.

 

Lykke Yakaboylu: Uiga meeqqakkalu ilagissallugit assut nuannaraara, angalalluta nipilersortunik tusarnaariartarneq taavalu illinnartunik nerisassiorneq mamartumillu kaffisorneq – imaluunniit arlaannut illinnartunik neriartorneq mamartumilluunniit kaffisoriartorneq!

 

Q2: KALAALLIT NUNAAT PILLUGU SUNA NUANNERNERPAAVA?

Arina Kleist: Pinngortitaq sumiikkaluaraanniluunniit tunniussassaqarpoq, isikkivik takorannersoq, nipaannersuaq nerisassalluunnit imerlu pitsaanerpaat minguinnerpaallu. Umiatsiamik angalaarluni pinngortitarsuarmi nammineq nerisassatit piniarsinnaallugit periarfissatsialassuuvoq. Taavalu aamma inuit!

 

Idrissia Thestrup: Timikkut tarnikkullu killiffitit tamaasa nikisinneqartarput. Avinngarusimasumiinnerata unammillernartuisalu inuunerni suut pingaartuunersut nunarsuarmilu maani inuttut inissisimaffivit sumiinnera pillugu nalilersuiuarnissannut nikisittuarpaatsit.

 

Lykke Yakaboylu: Misigisassat matup silatinnguaniittuaannarput inuilu illaqatigissallugit qungujoqatigissallugillu ajunnginnerpaapput.

 

Aviaja Lyberth: Inunnik tattoqiffiunngilaq tallimariarlutillu alloriaruit pinngortitamut nipaatsumut pisinnaallutit.

 

Tanny Por: Ulluinnarni inuunerup pitsaassusia. Silaannarik nillataartoq imerlu nillataartoq inuummarissinartoq. Aqqusinermi naapitat nalusat ilassinnilaartarnerat. Taavalu sumukarniaraangavilluunniit taamaallaat minutsini 15-ini biilertariaqaravit!

 

Q3: TOQUNNGINNERNI SUUT ANGUMERERUSUPPIGIT?

Filip Gielda: Nunarsuarmi tamarmi cheesecakes'it usserusuppakka.

 

Arina Kleist: Sapinngisamik nunat amerlanerpaat ornikkusuppakka, nerisassaataat usserusullugit nerisassiaallu pitsaanerpaat qanoq igasarneraat ilikkarlugu. Viinnequtit naatsiivianni najugaqarluni viinnit viinniliornerlu ilinniagaqarfigalugit. Aamma sumiiffinni taakkunani aqqarlunga aqqaamasarlunga iltiisiveqarnanga. Suli ilasinnaagaluaqaakka :)

 

Mads Lumholt: Nunarsuaq immakkut kaajallallugu ilaquttakka ilagalugit.

 

Aviaja Lyberth: Qasujaallilluni! Amalfip Sineriaanut angalallunga silallu nillertarnera akueralugu.

 

Kim Insuk: Nannunik isarukitsunillu (kisianni ataatsikkuunngitsoq) assiliineq/assiliseqatigalugit. Timmisartortartup atisai misilillugit. Umiatsiaqarlunga snescotereqarlungalu nammineq pinnik. Kalaallisuut assuutigalugit.

 

Mads Skifte: Angallammik ’aasarsiortarfittut’ atorneqarsinnaasumik peqarusuppunga. Taavalu timmisartumik Vietnamimut, New Zealandimut Cubamullu angalallunga.

 

Aningaaq Carlsen: Kigaallassaaserlunga qilammiit aarsaarneq! Taavalu angalaneq.

 

Q4: OQAATSIT SUUT 3 ILINNIK ILISARITITSIPPAT?

Aningaaq Carlsen: Eqqissisimasoq. Inuppalaartoq. Sissuertoq.

 

Filip Gielda: Cheesecake… naamik, asuliinnarnguna. Alaatsinaatsoq. Angusaqarluarniartoq. Kusanartuleritooq.

 

Mads Skifte: Mianersortoq. Maniguuttoq. Inussiarnersoq.

 

Sarah Woodall: Angusassamik toraagaqartoq. Isumaliornertooq. Tunniusimasoq.

 

Idrissia Thestrup: Sukangasooq. Inussiarnersoq. Alaatsinaatsoq.

 

Q5: SULIFFINNI MAANNA SULIAQARFIGISATIT ANGISUUT SUUPPAT?

Mads Skifte: Sinerissami takornariaqarnermik ingerlatsisut akornanni susoqarnersoq suullu ineriartortinneqarnersut malinnaavigalugit.

 

Sarah Woodall: Maannakkorpiaq misigisimavunga soorlulusooq Vestnorden Travel Mart inuunerma qiterigaa! Ukioq manna september 2017-ip tungaanut sivisoorsuarmik piareersarneq nuannariivippara, International Relationship Manageritut sulukkalusooq siaarlugit sulisinnaalersimmanga, oqaluttualiortutut pisussanillu ataqatigiissaarisutut.

 

Filip Gielda: Nittartakkatta aallarteqqinnissaa, internetikkut kikkut tamarmik takkuanniinnitta pitsaanerulersinnissaa, Vestnorden Travel Martip nittartagaani immikkoortut isimik takuneqarsinnaasussat suliaralugit, taavalu inuit akornanni internetikkut attaviit.

 

Aningaaq Carlsen: Sapinngisamik pitsaanerpaanik Kalaallit Nunaat pillugu takusassiorneq videoliuutit killingusaaq kaajallallugu assiliisartut atorlugit, assit, videot taavalu dronimiit assilisat.

 

Tanny Por: Ernereernerup kingorna sulinngiffeqareerlunga uteqqammerpunga, soqutiginartunillu suliassaqarluni amerlasuunik akuliuffigiinnagassanik! Immikkut ukkatariniarpakka inuit akornanni internetikkut attaviinut tunngasut PR-imut taavalu aamma B2B nalunngisareqatigiinnik aqutsinermut ataqatigiissaarnissaat. Aap, taavalu soorlu suut tamangajammik Vestnordenimut attuumassuteqartut!

 

Q6: UKIORTAAMI PILERSAARUT AALAJANGIUSSAT ATAASEQ PIVIUSUNNGORTIKKUMASAT SUUA?

Lykke Yakaboylu: Taamaasiortarunnaarama – piviusunngortinneq ajorakkit! Kisianni tamatigut peqqinnerulerniarsarisarpunga qasujaannerulerniarsarisarlungalu.

 

Tanny Por: Uiga ullut tamaasa aparlugu kumoorlugulu sinilluaqqusarlugu. Ilimagisamiit ajornarneruvoq! Taavalu aamma inuunera pisariinnerulersikkusuppara soorlu, neriartoqqusigaangatta pitsaanerpaarpaajusariaqanngillat akisoorsuusariaqaratillu … soorlu ilaannikkut Kalaallit Nunaanni taamatut pissuseqarpasittartut.

 

Mads Lumholt: Ukioq ilivitsoq ataaseq imigassartornianngilanga ullullu tamaasa nalunaaquttap akunnera ataaseq guitarimik sungiusartarniarlunga.

 

Sarah Woodall: Siunertalinnik nassiussisassallunga. Pissuteqanngitsumik nerisassat assinginik imaluunniit selfiesinik nassiussisarunnaarniarlunga (ok, ikinnerusunik) eqqarsaqqaartarusuppunga imminut aperalunga ”Una ilumut siammartertariaqarnerlugu?” Nassiuguk tuunnginnerani.

 

TAANNA NAGGASIUTIGALUGU AAKU VG-IT 6 SO-ME KONTO-I MALINNAAVIGISSALLUGIT PIUKKUNNARTUT!

Idrissia Thestrup: @nuuknuan. Ilaannikkooriarlunga Nuummi inuuninniit assilisannik siammartererusuttarpunga.

 

Aningaaq Carlsen: @aningaaqrc

 

Sarah Woodall: @polarphile nunarsuup qaavani inuuninnut alakkaaffissaqqinnerpaavoq, kisianni aamma blog-eqarpunga – Adventures of a Polarphile ujaruk.

 

Filip Gielda: @filipgielda

 

Tanny Por: @fourthcontinent. Aamma pigaara www.thefourthcontinent.com, kisianni meerartaaramali allanngingajappunga.

 

Kim Insuk: Blog-era galaxylake.blog.me nunarsuarmi angalasarnikka pillugit 2003-mili ingerlavoq kisianni Kalaallilli Nunaannut pigama Kalaallit Nunaat kisiat pillugu allattarpunga. Pingaarnertulli, koreamiusut allattarpunga!

 

TAMATIGULLU MALINNAAFFIGISARUK @ILOVEGREENLAND AAMMA #GREENLANDPIONEER!