Visit Greenland aaqqissuussamik ukiup tuniniaaffiusartup ilaata, nunap immikkoortuani tassani aammalumi nunami tamarmi, annertusarnissaanik suliniutinut ataatsimoortitsisunik arlaqartunut peqataavoq.

Visit Greenlandip takornarialerisut Islandimeersut aamma Kalaallit Nunaanneersut Tunumi ukiuunerani tuniniaaffiusartoq annertusarniarlugu suleqatigivai, tamatumuunalu paasisat toqqammavimmik patajaannerusumik pilersitsinissamut atorlugit, ukiuunerani periarfissaasinnaasut Kalaallit Nunaannik misigisaqarnermi qitiulluinnartussat ilaattut ataatsimut isigalugit ineriartortikkumallugit.

Naak Kalaallit Nunaanni ukiup kaajallakkiartornerani ukiuunera naalagaagaluartoq, arsarnerit qimussertarnerullu nalaat, issi apullu angalasartut eqqarsaatigeqqaarneq ajorpaat ukiup qanoq ilinerani tassunnarnissaq isumaliutigileraangamikku.

Taamaattorli Kalaallit Nunaanni ukiuunera immini misigisassaavoq, maannakkorpiarlu Visit Greenland aaqqissuussamik ukiup tuniniaaffiusartup ilaata, nunap immikkoortuani tassani aammalumi nunami tamarmi, annertusarnissaanik suliniutinut ataatsimoortitsisunik arlaqartunut peqataavoq.

Tunumi ukiuunerani misigisassat ineriartortinnerat

Kingullertigut sulissutigineqartut tamakku ataanni ornitassat ineriartortinnissaannut suliniummi soqutiginnitsit gruppi ataaseq marsimi ukioq manna Tunumut pisinneqarpoq, Ammassallup Pigisaani, ingammik Tasiilap, Kulusuup, Tiniteqilaap taavalu Kuummiut eqqaanni ukiuunerani misigisartagassat pitsaanerusumik toqqammavissinneqarnissaat aalajangersumik siunnerfigalugu.

Tamanna NATAp ataani Icelandic Mountain Guides, Travellodge Greenland, aamma Visit Greenlandip akornanni akileeqataaffigalugulu suleqatigiinnikkut pivoq, tamarmik ataatsimoorlutik siunnerfigisaminnut nukissanik tunisillutik Air Iceland, Siggi Tours, aamma Destination East Greenland peqatigalugit.

”Tamaani unammillerneqarnissarput ernumaginngilarput”

Aningaasarsiutigalugu aamma aningaasarsiutiginagu soqutiginnitsit akornanni suleqatigiittoqarnissaanik pisariaqartitsineq paasereerlugu nunami suliniutaasumi naleqqat tigussaasut arlaqartut immikkut isiginiarneqalerput, nunap immikkoortuani sumiiffinni suliniutit pioreersut taavalu aamma nutaat ikorfartornissaannut tunngasut, tassaasut:

  • Assit aamma videot atorlugit tuniniaanermi atortussat nutaat suliarinissaat
  • Icelandic Mountain Guidesinit aamma Travellodge Greenlandimit maanna tuniniarneqartartut misilerarlugillu naleqqussarlugit, minnerunngitsumik qimusserartitsinermut, maakkarnaveeqqutinut/apusiutinut, ujakkaarluni sisoraatinut aamma alpinerluni sisorarnermut tunngasut
  • Periarfissaasinnaasut nutaat ujartorlugit nunaqarfinnilu pilersuisartut tuniniartagaasa pitsaassusiisa tunniussisarnerisalu pitsaanerulersinnissaannik ikiorlugit.

"Angalatitsisartut amerlanerusut takornarissat tassunnartittalerunikkit nunap immikkoortua tamarmi pitsaanerulersissavaa."

Sumiiffiit, nunap immikkoortuata aamma nuna tamakkerlugu silarsuaat suliniummi ataatsimoortut

Ornitassami namminermi suut tamarmik tikillugit periaaseqarnerup ungataani Visit Greenlandissaaq angalatitsisartut Islandimeersut arlaqartut suleqatigivai unammillernartut periarfissaasinnaasullu nalinginnaanerpaat suunersut paasiniarlugit, tuniniaanermut aamma Kalaallit Nunaanni ukiuunerani misigisassarsiornerit ingerlanneqartarnerannut tunngasut pillugit, Tunumi misigisartagaat pillugit misissuisimaneq ataaseq tunngavigalugu.

Soqutiginnitsit Islandimeersut taakku oqaloqatigisarnerisigut, Tunumut angalanermit misilittakkat tunngavigalugit taavalu aamma Mountain Guidesit aamma Travellodge Greenlandip nunap immikkoortuani tassani maanna ingerlassinermi suut unammillernartuunersut pillugit ilisimasaat tunngavigalugit ukiukkut misigisassarsiornerit ineriartortinnissaasa sakkortusarnissaannut suut pisariaqartinneqarnersut ajunnginnerusumik paasinissai pilersinneqarsinnaavoq, Tunu kisiat eqqarsaatiginagu kisianni ataatsimut isigalugu neriunartumik aamma nunami tamarmi.

Ilisimasat misilittakkallu siammarternerisa isumaa itinerusoq

Tunumi suut tamarmik tikillugit suliaqarnerit aamma paasissutissat suliaqarfiup toqqammavigisai iluatsittumik ataatsimuulersinniarlugit maanna tuniniarneqartartut ingerlassinermilu ilisimasat pillugit ammasumik anersaaqarnissaq pisariaqarsimavoq.

Tamannarpiaavorlu Icelandic Mountain Guidesit aamma Travellodge Greenlandip tunniussaat, Visit Greenlandip Tunumut angalatitsinernit assigiinngitsunit paasisaqarnissaanik misilittakkanillu avitseqatiginissaanik akuerineragut, qanoq ingerlanneqartarnersut aamma sutigut siuariartortillugit ineriartortinneqarsinnaanersut tuniniarneqarsinnaanersullu pillugit.

”Tamaani unammillerneqarnissarput ernumaginngilarput”, Icelandic Mountain Guidesinik pilersitseqataasimasoq Incoming Director Einar Torfi Finnssonip oqaluttuuppaatigut, aperigatsinni suna pissutigalugu suliffeqarfiutaata Tunumi misilittakkamik soqutiginnitsinut allanut avitseqatiginissaat tunuarsimaarfigisimanngikkaat:

Tunumi Ukiup Tuniniaaffiusartup Ilaanik Annertusaaniarnermik suliniut maanna paasissutissanik katersinermini naammassigaluttualerpoq, 2015-imilu aasaanerani Visit Greenlandip suliniummilu peqataasut paasisat pingaarnerit NATA-mut aamma soqutiginnitsinut allanut attuumassuteqartunut tamanut siammarterniarpaat.

Assit suliniummit pisut tamarmik ugguuna saqqummersinneqareerput Flickr.com/ilovegreenland

Nittartakkat Icelandic Mountain Guides aamma Travellodge Greenland Tunumi suliaqarneri annertunerusumik paasisaqarfiginiarlugit alakkakkit.

Suliniut annerusumik paasisaqarfiginiarlugu Visit Greenland attavigiuk.

”Upperivillugu upperivarput piffissaq ungasinnerusoq eqqarsaatigalugu tuniniaavimmi angalatitsisartut amerlanerusut pisariaqartut peqataasunut tamanut iluanaarutaanerusumik ingerlassappat. Angalatitsisartut amerlanerusut takornarissat tassunnartittalerunikkit nunap immikkoortua tamarmi pitsaanerulersissavaa – avataaniillu niuernikkut piumaneqarneq angineruppat sumiiffimmi ineriartortitsinissaq, avataaniit nunallu immikkoortuaniit aningaasaliinerit taavalu pilersuisartut allanik akuliussuinatik sullerissuseqalernissaat ajornannginnerulissaaq.”

”Taamaammat tamanna paasileratsigu, naak nunap immikkoortuani tassani sullissereernerput iluaqutigisinnaagunaraluarlugu, taava ineriartortitsinermi unammilligassat iluaqutissallu kivinnissaannut selskabit allat pisariaqartippavut. Taanna killiffigalugu suliniummut ima ittumut ilanngunnissarput pissusissamisoortutullusooq issimavoq, piffissaq qanittoq ungasinnerusorlu eqqarsaatigalugit uagut nammineq allallumi aamma siumukarfissaat.”