Nuup Kangerluani Misigisassarsiorneq tassaavoq inunnut Amerikap Avannaani, Europami Asiamilu suliffeqarfiutilinnut assigiinngitsorpassuarnut sammitinneqartoq. Instagramimik atuisut, bloggerit aamma internetikkut inuit attaveqatigiittarfianniit peqataasoqarpoq, taakkualu aviisinut angalanermullu attuumassuteqartunik allaatiginnittartunut ilanngutassiipput.

Tusagassiortut angalatinneqarnerannut siunertaasoq tassaavoq Nuummi, Nuullu kangerluani, pitsaanerpaanik misigititsinissaq. Tusagassiortut Nuummi nerisassat misilippaat, katersugaasivimmut takornariarput pinngortitamilu misigisassat tamaasa, soorlu umiatsimik angalaarneq, pinngortitami pisunneq, aalisariarneq illuaqqamilu unnuineq misilinneqarput.

Visit Greenlandip sammisassatut qitiutitai:

  • Illuaqqami kangerlummi takornariarnermik siuarsaaneq
  • Kangerluit dronemik immiunnerat
  • Aalisariarnermut ilitsersuutit amigaatigineqartut pilersinnerat
  • Kulturimik aamma oqaluttuarisaaneq pillugu misigisassanik neqerooruteqarneq
  • Tusagassiortut innuttaasunik attaveqalersinnerat
  • Najukkami takornariartitsisartut takussaatilerneri

Utertitsiffigineqarneq:

  • Angalaneq una sunngiffimmi sammisassat angalanissamut pilersaarummut ilaanerat pissutigalugu misilitsinnertut ippoq. Sunngiffimmi sammisassarpassuit amerlaqisut tupassutigineruaat, kisianni sunngiffik sinimmut, nammineq oqaluttuassarsiornermut, aallaaniarnermut il.il. atorpaat. Taamatut pilersaarusiorneq Visit Greenlandimut ajornakusuulaarpoq, susoqarpiarnissaanik pilersaarusiortoqartariaqarmat attaveqaatilersorlunilu, kisianni tusagassiortut sunngiffik assorsuaq nuannaraat. Utertitsiffiginninnerminni oqarput, suli qasusorujussuullutik!
  • Nerisassat tupaallaatigisaannik pitsaapput, tusagassiortullu sassaalliutigineqartartut anginerujussuat tupaallaatigisimavaat. Qooqqut Nuannimi tusagassiortoq aasiamioq oqarpoq, ”Tassa aatsaat thailandimiut nerisassat pitsaanerpaaq – Thailandip avataani!”
  • Nuuk Issittumi illoqarfiit pingaarnersaattut oqaatigineqarpoq, soorlu Reykjavik ukiut 20-t matuma siorna, piffik ataatsimoornermik misigiffiusoq.
  • Pinngortitamiinnermi ”Maani paarineqarputit, imermik minguitsumik imersinnaavutit, silaannarimmik najuussuisinnaavutit timillu arriitsumik eqqissiartortitsinnaavat. Tuniniaanermi tunngavissaqqissut.