Umiarsuarnik takornarissat nunatsinnut tikittartut Kalaallit Nunaanni 2010-miilli pingajorarterummik ikilinikuugaluarput.

Akitsuutit appartinneqarsinnaanerat, umiarsualivinnik nutaanik sanaartorneq aamma Kalaallit Nunaanni immami angallannermi siunissami malittarisassat neriunartumik piaartumik paasisaqarfiginissaat martsip qaammataanni umiarsuarnik takornariartitsinermik saqqummersitsinermi Seatrade Miami-mi kalaallit peqataasut paasisaqarfigaat.
 
Umiarsuarnik takornarissat nunatsinnut tikittartut Kalaallit Nunaanni 2010-miilli pingajorarterummik ikilinikuugaluarput. Pingartumik umiarsuit akunnattumik angissusillit 500-1200-nik ilaasoqartartut Kalaallit Nunaannut tikittarunnaarnikuupput, akerlianik umiarsuit ilisimasassarsiortitsisartut 50-250-nik ilaasoqarajuttartut amerlinikuupput.

Kalaallit Nunaanni umiarsuarnik ilisimasassarsiortarneq

Umiarsuarnik ilisimasassarsiortitsisarnermi pitsaasumik ineriartorneq taperserneqarpoq. Taamaaliortarpugut ingerlatsisunut suleqatigisatsinnut ataasiakkaanut assinik oqaasertanillu tuniniaanermik takoqqusaarinermilu siuarsaasinnaasunik suliaqartarnitsigut. Atortut takoqqusaarinermi atorneqassapput, kisiannili aamma ingerlatsisut Kalaallit Nunaanni tuniniaasartuisa sungiusarnerisigut ilinniartinnerisigullu. Aammattaaq Visit Greenland greenland.com-imi umiarsuarnik ilisimasassarsiortitsisarneq pillugu quppernermik pilersitsissaaq, tassani takornariaasinnaasut umiarsunik ilisimasassarsiortitsisarnermi immikkut misigisassanik neqeroorutinik saqqummiivigineqartassallutik.
 
Takornarisassat immikkoortuinik Visit Greenlandip suliaqarnerata takutippaa umiarsuarnik ilisimasassarsiortitsisarnermi ilaasut umiarsuarnik angisuunik takornariartitsisarnermi ilaasunut sanilliullugit Kalaallit Nunaanni nunami takornarissat assiginerugaat. Tassaagujupput misigisassarsiorlutik takornarissat immakkut angalaannartartut, tassa sumiiffinni tikikkuminaakkaluartuni takusaqarnissamik misigisaqarnissamillu periarfissaqaramik, Anders la Cour Vahl oqaluttuarpoq.

Umiarsuarnik ilisimasassarsiortitsisarnermi pitsaasumik ineriartorneq taperserneqarpoq.

Kalaallit Nunaanni umiarsuarnik takornariartitsisarnermi ingerlatsisartunut nunatsinni workshopimik Visit Greenland aaqqissuivoq, tassani ilaatigut sullississutinik ineriartortitsineq oqallisigineqarluni.

Sinaakkutaasumik atugassaritinneqartut, umiarsuarnik takornariartitsisarneq pillugu saqqummersitsinerit workshopillu

Umiarsuarnik takornariartitsisarnermi sinaakkutaasumik pitsaanerpaamik atugassaqartinneqarnissaq suliarineqarpoq, taamaalilluni Kalaallit Nunaanni takornariartitsisarneq pilerininarnerusunngortinneqarniassammat – minnerunngitsumik umiarsuaatileqatigiiffinnut atassuteqartarnermi. Nunarsuarmi niuerfiusumi nunat tikiffissatut suliffeqarfinnut pilerisaarineranni Kalaallit Nunaata tikkiffiusinnaanera tamatigut ilisimatitsissutigissassallugu pingaartuuvoq. Taamaammat umiarsuarnik takornariartitsisarneq pillugu saqqummersitsinerni marlunni uagutsinnut pingaaruteqartuni Kalaallit Nunaanni takornariartitsisartut saqqummersitsivissaannik Visit Greenland aaqqissuisarpoq; Seatrade Europe aamma USA-mi Seatrade Global.
 
Kalaallit Nunaanni umiarsuarnik takornariartitsisarnermi ingerlatsisartunut nunatsinni workshopimik Visit Greenland aaqqissuivoq, tassani ilaatigut sullississutinik ineriartortitsineq oqallisigineqarluni. Uagut pitsanngorsaavigeqatigisinnaasarput tassaavoq umiarsuarnut sullississutinik ilusilersuineq ataatsimullu sullississutit suliarineqarnerat. Aningaasatigut iluanaaruteqarnissaq takusinnaappassuk soqutiginninnerat soorunami annertunerulissaaq, Mads-Daniel Skifte naggasiivoq.

Umiarsuarnik takornariartitsisarneq pillugu aaqqissuussinissat:

26.-27. maj 2015: Cruise Greenland Workshop, Kangerlussuaq
09.-11. sep 2015: Seatrade Europe, Hamburg
15. okt. 2015: AECOs 12. Arctic Cruise Conference, København
 
14.-17. mar 2016: Seatrade Global, Ft. Lauderdale
26.-28. apr 2016: North Atlantic Cruise Symposium, Torshavn
 
Annertunerusumik paasisaqarusukkuit: Attaveqarfigikkit Visit Greenlandimi cruise relationsship managerit Anders La Cour Vahl aamma Mads Daniel Skifte uunga: cruise@greenland.com