Visit Greenland World of Greenland Arctic Circle, Royal Arctic Logistics, Blue Water-lu peqatigalugit Hamburgimi Setrade Europe-mi ulluni 8. – 11. septembari peqataavoq.

Umiarsuarnut takornariartaatitanut akitsuutit nutaat umiarsuaatileqatigiiffinnik Kalaallit Nunaata issittullu siunissami tikiffissatut pilerinartorujussuunerinik takunnitsitsileqqittut umiarsuaatileqatigiiffiit angisuut ataatsimut isigalugu pitsaasutut isigaat, kisiannili issittumi immakkut angallannermi malittarisassat sakkortusineqartut aamma killiliipput.

Kalaallit Nunaata issittullu siunissami tikiffissatut pilerinartorujussuunerinik takunnitsitsileqqittut umiarsuaatileqatigiiffiit angisuut ataatsimut isigalugu pitsaasutut isigaat

Umiarsuaatileqatigiiffiit ataasiakkaat Kalaallit Nunaat isumalluuterujussuartut oqaatigaat ukiunilu aggersuni annertuunik pilersaaruteqarlutik.

Saqqummersitsineq ataatsimut isigalugu

Isittoq aamma Kalaallit Nunaat suli soqutigineqarput. Umiarsuaatileqatigiiffiit ataasiakkaat Kalaallit Nunaat isumalluuterujussuartut oqaatigaat ukiunilu aggersuni annertuunik pilersaaruteqarlutik.

Aammattaaq nuannerpoq umiarsuaatileqatigiiffinnik nutaanik Kalaallit Nunaannut suli angalimanngitsuunik tamassuminngali isumaliuteqartunik arlaleriarluni ataatsimeeqateqartoqarmat.

Kalaallit Nunaata eqqaani immakkut angalanermi malittarisassatut nutaatut siunnersuutit assigiinngiiaartunik qisuariarfigineqarput immakkut angallannermi isumannaallisaanermut milittarisassatut Issittumi Ilisartaatissatut nutaassatut nalunaarutigineqartut umiarsuaatileqatigiiffinnit qanoq qisuariarfigineqassanersut Visit Greenland saqqummersitsinermukarami pissangassutigaa.

Nalunaarutigineqartuni Issittumi ilisarnaatit issittup imartaani assigiittut malittarisassani nutaani aallaavigineqarneri umiarsuaatileqatigiiffiit ataatsimut isigalugu iluaraat. Issuttumi ilisarnaatinut tunngatillugu nunami namminermi immakkut angallannermi malittarisassat sukateriffigineqarnissaat nalunaarutigineqarnikuuvoq, tassunga ilanngullugit Kalaallit Nunaanni imartat ilaanni umiarsuit 250-inikilaasoqartut sikumut illersuutaannut minnerpaamik piumasaqaatit.

Ersarissivoq taamatut piumasaqaateqarnermi sumiiffinni taakkunani umiarsuaatileqatigiiffiit ilaat immakkut angalasarunnaassasut – umiarsuaatileqatigiiffiilli allat sukaterinerit nutaat iluarisimaarpaat, tassa sumiiffiit taakku immikkuullarissunngortinneqassammata.

Nalunaarutigineqartuni Issittumi ilisarnaatit issittup imartaani assigiittut malittarisassani nutaani aallaavigineqarneri umiarsuaatileqatigiiffiit ataatsimut isigalugu iluaraat.

Taamaammat umiarsuaatileqatigiiffiit ukiorpassuarni Kalaallit Nunanni angalasarnikut kissaatigisorujussuuaat,

Akitsuutit allannguutaat ataatsimut isigalugu iluarisimaarneqarput

Umiarsuarnut 250-it sinnerlugitilaasulinnut ilisimasortaqartussaatitaanissatut siunnersuutigineqartoq umiarsuaatileqatigiiffiit ilaannit ernumassutigineqarpoq, tassa saniatigut annertuunik aningaasartuuteqartoqalissagunarmat. Taamaammat umiarsuaatileqatigiiffiit ukiorpassuarni Kalaallit Nunanni angalasarnikut kissaatigisorujussuuaat, umiarsuit naalagaat misilittagallit ilaatigut Svalbardimi ilisimaneqartutut ilisimasortaqartariaqanngitsutut allagartartaarnissamut periarfissaqassasut.

Ilaasunut akitsuutip atorunnaarsinneqarnera tassungalu taarsiullugu umiarsualivimmiinnermut akitsuutinik atuutilersitsineq pingaartumik umiarsuaatileqatigiiffinnit angisoorujussuarnik umiarsuaateqartunit iluarisimaarneqarpoq. Umiarsuaatileqatigiiffiit angisoorujussuit marluk ilisimatitsissutigaat Atlantikup ikaarnera Kalaallit Nunaata tikittarnissaata pimoorullugu isumaliutigineqarneranik allannguut kinguneqartoq.

- Ajoraluartumilli misigaarput pisisartut ilaat mikinerusunik umiarsuaatillit akitsuutinik allannguinerup siornanut sanilliullugu annertunerusunik akiliisassasut. Tamassuma kingunerissavaa ikinnerusunik tikittarnissartik siunissami pilersaarutigisassagaat.

Tamanna uggornartorujussuuvoq, kisiannili umiarsuit amerlanersaasa akitsuutit nutaat ikinnerusunik aningasartuuteqalernissaannik neriunartumillu umiarsuat amerlanerusut Kalaallit Nunaannu ukiuni aggersuni tikittarnissaannik tamanna kinguneqassaaq, Gorm Diernisse Royal Arctic Logisticsimeersoq naliliivoq.

Attaveqaatit pitsaanerusut Nuummi umiarsualivik nutaaq, kraneqanngitsunik containareqanngitsunillu ilaasulinnut taliffissaqartitsilersussaq, iluarisimaarneqartorujussuuvoq. Aammattaaq Kangerlussuarmi pitsaanerusunik attaveqaateqalernissamik eqqarsaatsit ilaasunik aallerluni umiarsualivittut pingaaruteqartoq iluarsimaaneqartorujussuuvoq. Suliniutit taakku qanoq kinguneqavissanersut aatsaat naammassippata paasissavarput, kisiannii Kalaallit Nunaannsi umiarsualivinni pissutsinik pitsannguinissamik suliniuteqarneq pingaaruteqartumik takutitsisuuvoq.

Attaveqaatit pitsaanerusut Nuummi umiarsualivik nutaaq, kraneqanngitsunik containareqanngitsunillu ilaasulinnut taliffissaqartitsilersussaq, iluarisimaarneqartorujussuuvoq.

- Ulluinnarni unammillertoqartaraluartoq, Kalaallit Nunaata avammut ersarinnerulersinneqarnissaanik umiarsuaatileqatigiiffiillu amerlanerusut

Kalaallit Nunaata ataatsimut tuniniaaveqanera – pitsaasumik takutitsineq

Kalaallit Nunaannit peqataasut isumaqatigiipput Kalaallit Nunaata ataatsimut tuniniaaveqarnera Kalaallit Nunaata umiarsuit atorlugit takornariartitsinermi tikiffissatut takoqqusaarutiginerani suleqatigiinneq inuussutissarsiummik ingerlatsisunut pingaaruteqartumik pitsaasumillu takutitsinerusoq.

- Ulluinnarni unammillertoqartaraluartoq, Kalaallit Nunaata avammut ersarinnerulersinneqarnissaanik umiarsuaatileqatigiiffiillu amerlanerusut pilerilersinneqarnissaannik ataatsimut soqutigisaqarnerput takutipparput.

Tamanna inuussutissarsiortunut Kalaallillu Nunaannut pingaaruteqarpoq, Kenneth Skovbjerg Pedersen Blue Water Greenlandimeersoq naggasiivoq.

Allaaserisaq una pillugu annertunerusunik paasisaqarusukkuit Mads-Daniel Skifte imaluunniit Ander la Cour Vahl uani attaveqarfigikkit cruise@greenland.com