1.    Pilerisaarisoq: Visit Greenland, allaffia nalunaarsorneqarluni Hans Egedesvej 29, Nuuk, Kalaallit Nunaat, Sermersooq Business Council suleqatigalugu.


2.    Ajugaaniunneq sumiiffimmi najugalinnut takornarissanullu Nuummeereersimasunut maannaluunniit tamaanga tikeraartuusunut ammavoq, Visit Greenlandimi aamma Sermersooq Business Councilimi sulisut, ilaqutaat qaninnerit aamma kinaluunniit allatigut aaqqissuussamut attuumassuteqartoq makitsinermiluunniit arlaatigut naliliinermut attuumassuteqartoq minillugit.


3.    Ajugaaniunnermut peqataanissaq akeqanngilaq aammalu piseqqaartariaqanngilaq.


4.    Ajugaaniunnermut matumunnga peqataalertutut nalunaarneq immini naammassisassanut piumasaqaatinullu ukununnga akuersisimanertut takussutissaassaaq.


5.    Ajugaaniunnermut iserfissaq aamma peqatanissaq pillugu paasissutissat uaniipput http://www.facebook.com/ilovegreenland


6.    Ajugaaniunneq manna Vist Greenlandip Facebookikkut, Instagramikkut aamma Twitterikkut quppernerisigut ingerlanneqassaaq aquut twitter @ilovegreenland atorlugu.


7.    Inuup assit qassilluunniit qasseriarluniluunniit ikkussinnaavai.


8.    Peqataanissamut nalunaarneq 30. juni 2015 nal. 21.00 matussaaq. Tamatuma kingorna ajugaaniunnermut peqataajumalluni nalunaartoqarsinnaanngilaq. Sunaluunniit pissutigalugu nalunaarneq tiguneqarsimanngippat akisussaaffigineqassanngilaq.


9.    Ajugaaniunnermi malitassat peqataaniarlunilu qanoq nalunaartoqarsinnaanersoq imaapput:
Nuummiut / Maanimiut / Sumiiffimmiut aamma Nuummut tikeraat/tikeraarsimasut #ColourfulNuuk-iutiminnik assit uploadersinnaavaat @Ilovegreenland-ip Facebookimi qupperneragut imaluunniit Twitterikkut aamma Instagramikkut hashtag atorlugu. Twitterimiit aamma Instagramimiit isertut public profile atortariaqarpaat. Ujartukkavut tassaapput assit ’Nuup iternganik’ takutitsisut, kulturimik, nerisassanik, illoqarfimmiutut inuuneq, illoqarfiup ilaani soqutiginaalussinnaasut il.il.


10.     Pilerisaarisoq ajugaaniunnermik aamma naammassisassanik piumasaqaatinillu ukuninnga ajunaarnersuaqartillugu, sorsuuttoqalersillugu, inooqatigiit imaluunniit sakkutuut akorngusersuinerisigut, Guutip qanoq iliuuseqarneragut imaluunniit inatsimmik aalajangersakkamilluunniit suugaluartumik atortinneqarsinnaasumik unioqutitsinermik pisumik pisussatulluunniit ilimagineqartumik imaluunniit sunaluunniit pisoq pilerisaarisup aqussinnaanngisaanik pisoqassagaluarpat siumut nalunaaruteqaqqaarani taamaatitsinissamut ilanissaannulluunniit imminut pisinnaatippoq. Ajugaaniunneq arlaatigut allanngortinneqaraluarpat pilerisaarisup peqataasunut piaarnerpaamik nalunaarutigissavaa.


11.    Pilerisaarisoq peqataasut pingajuannit ajugaaniunnermut matumunnga attuumassuteqartumit akit pillugit peqataasumut kimulluunniit eqqunngitsumik oqaatiginnissimanermut akisussaatitaanngilaq.


12.    Eqqugassat/Pinnatassat imaapput:


Eqqugassat/ Pinnatassat pingaarnerit

●    Inuk Hostelsimi Inimi Marluuttarissami inuit 2 weekendisiornerat / sap.ak. naanersiornerat

●    Kangerluarsunnguaq Ski Centerimi unnuinerit marluk, siumut utimullu angalaneq ilanngullugu

●   Inuit marluk Kapisilinnut angalanerat, Touring Greenlandimit tunissut

●    Unnukkut kangerlummi angalaarneq Asimut Tours and Camp aaqqissuisoralugu

●    Greenland Travelimiit gavekorti 1000 kr. nalinganut

●    Pisiffimmiit tunissutit assigiinngitsut 10 250 kr. – 1500 kr. nalinganut. Eqqugassaq pingaarneq tassaalluni inunnut 8-nut ‘grill pack’!


Eqqugassat/ Pinnatassat allat

●    IQ Naasuniit gavekorti 350 kr. nalinganut

●    RC Glas & Rammemiit gavekortit 2 500 kr. nalinganut

●    Brugsenimiit gavekortit 4 250 kr. nalinganut

●    Seqinersiutit 2 Synoptikimiit (RayBan aamma Prego)

●    Nuummi Sømandshjemimiit “Rugbrødslagkage”-mut gavekorti 1

●    Vinslotimiit koori italiamiut specialiutaannik ulikkaartoq 500 kr. nalinganut


Eqqugassaq/Pinnatassaq oqaatigineqartutut ippoq aningaasallu periarfissalluunniit allat atorneqassanngillat. Eqqugassat/Pinnatassat allamut nuunneqarsinnaanngillat. Eqqugassat/Pinnatassat pineqarsinnaanermik aqunneqarput eqqugarlu/pinnatarlu sunaluunniit nalunaaruteqaqqaarata allamik naleqataanik taarsernissaanut imminut pisinnaatippugut.

13.    Eqqugassanik/Pinnatassanik pingaarnernik eqquisut nittartakkatigut inooqatigiit attaviisigut tamanut ammasukkut taasisitsinerup inernera tunngavigalugu toqqarneqassapput, taasineq aaqqissuisunit uuttorneqarlunilu immiunneqarluni aamma uppernarsarneqarluni. Kikkut tamarmik taasinerisa inernerat tunngavigalugu Sermersooq Business Council aamma Visit Greenland kikkut eqqugassanik/pinnatassanik pingaarnernik eqquissanersut aalajangissavaat. Amerlanerpaanik toqqarneqarsimasoq pinnatassat annerit ilaannik pinnareersimappat toqqarneqarnerpaat tullia pinnassaaq.


14.    Paasisitsiniaanerup ingerlanerani sapaatit akunneri tamaasa eqqugassat/pinnatassat pingaannginnerit makitsissutigineqartassapput.


15.    Eqquisoq emailikkut nalunaarfigineqartassaaq aamma/imaluunniit Twitter/Facebookikkut DM atorlugu aamma/imaluunniit allakkatigut matuneraniit ullut 28 qaangiutsinnagit. Eqquisut/Pinnattut eqqugartik/pinnatartik namminneerlutik piffissami tunniunneqartumi Nuummi aasinnaasariaqassavaat. Eqquisoq/Pinnattoq attavigineqarsinnaanngippat imaluunniit nalunaarfigineqarnermiit ullut 14 qaangiutsinnagit nammineerluni eqqukkani/pinnatani aanngippagu eqqukkap/pinnatap utertinnissaanut imminut pisinnaatippugut eqquisussamillu/pinnattussamillu allamik qinersilluta.


16.    Pilerisaarisup qaqugukkut sumilu eqqugaq/pinnataq aaneqarsinnaanersoq/tunniunneqarsinnaanersoq pillugu eqquisoq/pinnattoq kalerrissavaa.


17.    Pilerisaarisup apeqqut sunaluunniit ajugaaniunnermut tunngasoq pillugu aalajangernera allanngortinneqarsinnaanngilaq taannalu pillugu attaveqaqatigiinneq sunaluunniit iserfigineqassanani.


18.    Ajugaaniunnermut matumunnga peqataalertutut nalunaarneq immini naammassisassanut piumasaqaatinullu ukununnga akuersisimanertut takussutissaassaaq.


19.   Ajugaaniunneq aamma naammassisassat piumasaqaatillu uku Kalaallit Nunaanni inatsisinit aqunneqassapput, saqittaannerlu suugaluartorluunniit Kalaallit Nunaata eqqartuussiviinit taamaallaat eqqartuussisinnaaffigineqassalluni.


20.    Eqquisup/Pinnattup atini assiutinilu saqqummersitami sumiluunniit atorneqarsinnaanerat akuerivaa, soorlu aamma peqataalersimaneranut atatillugu nalunaarsukkat. Nalunaarsukkat suulluunniit eqquisumut/pinnattumut imaluunniit peqataasunut allanut tamanut attuumassuteqartut taamaallaat Kalaalliit Nunaanni nalunaarsukkat paarilluarnissaannut inatsimmut atuuttumut naapertuuttumik atorneqassapput aammalu peqataasut pingajuannut kimulluunniit ingerlateqqinneqassanatik peqataasoq pineqartoq siumut akuersiseqqaartinnagu.


21.    Atuisut akuerivaat atortussat namminneq piginnittussaatitaaffigisatik kisimik uploadertarniarlugit.


22.    Paasisitsiniaanermi aaqqissuisut assit suulluunniit tulluanngitsunik imallit peersinnissaannut imminnut pisinnaatipput. Paasisitsiniaanermut matumunnga assimik ilisinikkut assip Visit Greenlandimi aamma Sermersooq Business Councilip pilerisaarutaanut atoqqeqattaarnissaanut pisinnaatitaaffik tamakkiisoq killeqanngitsorlu allatigut akilerneqaqqinnak Pilerisaarisunut tunniutissavat.


23.    Eqquisup/Pinnattup atia matunerup kingorna ullut 28 qaangiunneraniit uunga emailernikkut info@greenland.com pissarsiarineqarsinnaassaaq


24.    Unamminermut peqataaniarluni nalunaarneq naammassisassanik piumasaqaatinillu ukuninnga akuersisimanertut naatsorsuutigineqqassaaq.


25.    Pilerisaarineq manna arlaatigulluunniit Facebookimit, Twitterimit Inooqatigiilluunniit Attaviinit allanit aningaasanik taperserneqanngilaq, akuerineqanngilaq aammalu ingerlanneqarani. Paasissutissat ilinnut tunngasut Visit Greenlandimut aamma Sermersooq Business Councilimut tunniutissavatit peqataasunullu allanut tunniunnagit.