Kalaallit Nunaata misigisassarsiorneq pillugu apeqqutit matusseserpai

Kalaallit Nunaat ornitassatut ungasissutut peqqarniitsutullu ilisimaneqarpoq. Silami sammisassat ulluinnarluunniit angalaneruppata qimusserneruppataluunniit tamarmik taamak isigineqsartarput. Tamakkorpiaappullu VNTM 2017-imik aaqqissuisussanngoratta ersersissallugit pingaartissimasagut.

Ukioq manna VNTM-ip pinissaa sioqqullugu pisisartutsinnut neqeroorutit assigiinngitsut tallimat neqeroorutigaagut – nunap immikkoortuini tamani neqeroorutigigattigit. Aamma ualikkut attaveqatigiinneq pillugu ullup affaa persuarsiortumik ataatsimiinnernut taarsiullugu neqeroorutigisimallutigu. Toqqarneqarsinnaasut allattorsimasut 19-it akornanni peqataasut tamarmik kulturikkut misigisassaq imaluunniit silami misigisassarsiorneq imminnut pitsaanerpaaq toqqarsinnaasimavaat. Taakkualu tamarmik ataatsimut soqutigisaqarnermik aallaaveqarput.

Tamanna pillugu VNTM 2017 qanoq isilluni Adventure Travel World Summitimit isumassarsiorsimanersoq sukumiinerusumik atuarit World Summit.

Kalaallit Nunaat aatsaat taama angusarissaartigaaq

Vestnorden Travel Martip oqaluttuarisaanerani aatsaat Kalaallit Nunaat, Islandi qaangerlugu, peqataatitaqartigaaq. Kalaallit Nunaanni nunap immikkoortuinit tamaniit katillugit 39-nit takornariaqarnermik sammisallit peqataapput, arlallillu Danmarkimi najugallit, VNTM-mut peqataasunik nunaminni tikilluaqqusillutik.

Peqataasut utertitsinerat

Vestnorden Travel Martimi peqataasut amerlanerpaartaat naammagisimaarinnipput, nalunaarlutillu naatsorsuutigisatik piviusunngortinneqarsimasut. Peqataasut sisamararterutaat naatsorsuutigisatik sipporlugit misigisaqarput. Taakkua saniatigut peqataasut 94%-ii Nuummi aaqqissuussat pillugit, naak angalaniarnermi kinguaattoortoqaraluartoq, naammagisimaarinninngikkunik naammagisimaarinnilluartorujussuupput.

"VNTM aaqqissuussaavoq nuannerluinnartoq. Ukiup aappaata affaata ingerlanerani Kalaallit Nunaat, Island Savalimmiullu pillugit paasisarpassuaqarpunga. Sullissisorpassuit ullormi ataasiinnarmi naapippakka, tamannalu nammineerlunga kisima naammassiniarsimasuugukku immaqa ukiut arlallit anguniarsimasinnaagaluarpara. Pisoq takornarialerisunut tamanut tunngasoq pinngitsoorani peqataaffigisassaavoq,” pisisartoq oqarpoq.

Alla oqarpoq: "Nammineq inuttut isumaqarpunga, pilersaarutit attaveqatigiinnermut, aliikkusersuinermut, piffiup ilisimasaqarfigineranut ammalu sunngiffeqalaarsinnaaneq oqimaaqatigiilluartumik pilersaarusiorneqarsimasut. Tamanna assut nalituutut isigaara."

Pitsaasorpassuarnik utertitsisoqarpoq, tamannalu soorngunami isigalugu, aappaagumut siunissamilu isiginiarneqarumaarpoq. Ingammik niuerneq pillugu ataatsimiinnerit ullup affaata aappaanik sivisussusilik ullormik ataatsimik sivisussusilernissaat pillugu aaliangerneq assigiinngitsunik isummerfigineqarpoq.

Suleqatigisat nukittuut

Kikkut tamarmik ukioq manna Vestnorden Travel Martimut ilanngussisimasut qutsavigerusuppagut.

Nuummi Visit Greenland aamma Z Meetings pingaarnertut suliamik pilersaarusiortuupput, Qaasuitsup Kommunealu, Arctic Circle Business, Sermersooq Business Council, Destination South Greenland aamma Destination East Greenland VNTM sioqqullug neqeroorutinut tallimanut ilanngusseqataapput.

Qeqertat naalagaaffiit Savalimmiut Islandilu namminneerlutik angalanerit aquppaat.

Hotel Hans Egede, Inussivik aamma Katuaq – Kalaallit Nunaata Kulturikkut Illorsua VNMT-qarnermi sammisanik isumaginnittuupput, Nuummilu takornarissanik sammisallit assigiinngitsut 19-it Colorful Nuuk Adventure aningaasaleeqataaffigaat. Akunnittarfiit sisamat Arctic Umiaq Linep umiarsuaataa Nuummi unnuinerit isumagaat.

Campus Kujallermi Kujataaniittumi takornarialerinermik ilinniagaqartut Nuummut timmisartuunneqarput tassaniu ikiuulluaqalutik.

Air Greenland, Air Iceland Connect aamma Atlantic Airways nuna tamaat akimorlugu Atlantikulu qulaallugu inuit ataatsimeersuarfimmukaallugillu angerlamut angallappaat.

Kiisalu aningaasaliisut taanngisagut suli – Kommuneqarfik Sermersooq, GrønlandsBANKEN aamma TELE-POST qutsavigaagut.