Taakkunani takornariaqarnermut siornersoqatigiinni toqqarneqartuni 20-usuni Flight Networkip sammisarisimavai siunnersoqatigiit suliffeqarfittut oqariartuutaat, nassaarsiullaqqissumik digitalimik inissisimanerat aammalu takornariaqarnermut siunnersoqatigiinni nittarsaassineq qanoq tikeraarfiup inuttaanut kulturianullu ataqatigiitsiginersoq.

 

Flight Network-ip Visit Greenlandimit toqqaanini ima tunngavilersorpaa:

“Kalaallit Nunaat takornariarfigissallugu ajornakusoortuuvoq, taamaattorli Visit Greenlandip iluatsittumik tikeraarfissat assigiinngiiaassusaat ersarissuutippaa, isimut takujuminartunik nittarsaassinermik tunngaveqartumik, aammalu  paasiuminartumik pilerinartumillu misigisassat attaveqaatitigut siammarternerisigut - angalasunut assigiinngiiaaqisunut saaffiginnittumik.

 

Visit Greenland ataqatigiittumik suliniuteqarpoq nunap immikkoortortai ersarissarnerisigut, taamaasilluni angalasut tikeraartigatik ilisimaniassammassuk suut misigisassatut naatsorsuutigisinnaanerlugit.

 

Visit Greenland nersortarialimmik nutaaliortumik soqutiginartumillu paasissutissiisarpoq. Eqqumiikajaalaartunik oqaluttualiorneq aallunneqarpoq, soorlu qanoq eqqortumik atikkersornissamiit inngernermut, aammalu qanoq Kalaallit Nunaannut tikinneqarsinnaaneranut. Taakkua tamarmik filmilianngorlugit, assinngorlugit, titartaganngorlugit aammalu atuagassianngorlugit katiterneqartarputnittartakkakkumullu eqqarsaatigilluakkamik ilineqartarlutik.”

 

Visit Greenlandimi pisortaq, Anders Stenbakken ima oqarpoq:

“Nersugaanerput tulluusimaarutigeqaarput. Takornariaqarnermut siunnersoqatigiittut ataqqineqaatigeqaarput siunnersoqatigiit allat angisuut ingerlalluartullu, soorlu New York aamma Canada akornanni inississinnaagatta.

 

Tamanna ukiuni arfineq maluusuni Visit Greenlandimi allaffitsinni nunatsinnilu sulisut atornerisigut ulapputigalugu sulissutigisimasarput, inerneqartutullu isigaarput. Taassuma saniatigut takornariaqarnikkut periusissaq pilersissimavarput attassimallugulu, tamannalu ersarissumik suleriuseqartissimavaatigut Nunarput issittumiittoq tikeraarfissatut avammut nittarsaanneranut.” Stenbakken naggasiivoq.  

 

Nunarsuarmi Takornariaqarnermut Siunnersuisoqatigiinni pitsaanerpaat 20-usuni allattorsimaffik, toqqaanernullu peqqutit uani takusinnaavatit.