Ullutsinni digitalimik ingerlatsiffiusumi 'annikinneq anneruvoq' – ingammik tuniniagaq pitsaasuuppat. Tamanna Visit Greenlandip imarisassaattut periusissamut ilanngunneqarsimavoq, tassungalu internetikkut nittartagaq qanittukkut saqqummiunneqartoq ilaavoq. Internetikkut nittartagaq Vestnorden Travel Martip aallartinnginnerani piareerpoq, tassanilu Nunarput ukioq manna ulluni 18.-21. september qaaqqusisuulluni aaqqissuisuuvoq.



Visitgreenland.com siusinnerusumut naleqqiullugu imakinneruvoq. Taamaattorli qaffasissumik pitsaassuseqarnissaa, atuisunut atoruminarnissaa isumassarsiorfiulluarnissaalu salliutinneqarsimapput. Taamatut qaffasissumik pitsaassuseqarnerup Googlemi visitgreenland.com-ip ujaruminarnissaanut iluaqutaassaaq.

 



Iluaqutaasut aamma isumassarsiorfiusut


"Ullumikkut arlaannik imaqartitsineq naammanngilaq, taamaattumik nittartakkamut alakkartertartutta isaanniit immitsinnut isiginiartarpugut apeqqutillu pingaarutillit akissutisiniartarlugit, ”Visit Greenlandip digitalimik periusissiamik ingerlatsisua Filip Gielda oqarpoq.

 

Internetikkut nittartakkami saaffiginiakkatsinnut qulequttat ilaat: 

  • Paasissutissat sorliit Kalaallit Nunaanni immersorneqassappat? (Ikiuineq)
  • Nalilimmik nittarsaassat attuumassuteqartut qanoq isillutik sunniutilimmik nittarsaanneqarsinnaappat? (Isumassarsiorfiulluarneq)
  • Qanoq isillugit  nittartakkamut alakkarterisut Kalaallit Nunaannik soqutiginnilersinneqarsinnaappat maanngalu takornariartillugit? (Isumassarsiorfiulluarnissaq)
  • Qanoq isilluta nittartakkamut alakkarterisut nittartakkatta imarisaanut qisuariartissinnaavagut? (Pinnguarumatussutsip takutinnera)

 

Internetikkut nittartakkami pingaarnerit nutaat ilai tassaapput: 

  • Ujarlerfigiuminartoq, pisiniartut naliginnaasumik ”angalalluarnissaat” aamma mobilikkut ujarlersinnaaneq nutarsagaq
  • Internetikkut nittartagaq allanik nittartakkanik ujarliutigaluni ujarlerfigiuminartoq, taamaasilluni pitsaanerpaamik ujarlersinnaanermut periarfissaqarneq
  • Ujarliutit pitsaanerpaat imarisai kodillit, kukkulluni allatanik naqqiisinnaasut
  • Angalasut misigisimasaminnik oqaluttuaat, allattorsimaffiit aamma misigisimasat pillugit allaatigisat
  • Anguniagaqarluni pilerisaarineq

 

Tamatigulli suli annertunerusumik sulisariaqarpoq. Naak internetikkut nittartagaq saqqummiunneqareeraluartoq, internetikkut nittartakkap takornarissanut suli annertunerusumik iluaqutaanissaa pillugu ingerlaavartumik qitiutinneqartassapput.



Alloriarnerit tulliit tassaassapput nittartakkap atuisunut atoruminartuunissaanut ingerlaavartumik pitsanngorsaatit.



 

Ateq nutaaq

Visit Greenlandip internetikkut nittartagaata allamik ateqalersimanera maluginiarneqarsinnaavoq, tamatumalu takornariaqarnermi pisortatigoortumik takornarissanut internetikkut nittartagaanera ersersippaa. Tamatuma internetikkut nittartagaq uppernarnerulersippaa, taamaasillutik atuisut paasissutissat tunniunneqartut upperinerulissammatigit.



Allattoq: Tanny Por - tanny@greenland.com 00299 562341


Uunga aperisoqarsinnaavoq: Filip Gielda - filip@greenland.com 0045 41319947