Visit Greenlandimi internetikkut imarineqartussat nammineerluta pilersittarpagut kisianni aamma aappaatigut takornariat tusagassiisarfiillu maannga tikeraartut Kalaallit Nunaanni sunik misigisaqartarnersut aammalu Kalaallit Nunaanniit sunik saqqummiussaqartarnersut takutillugit ingerlateqqikkusuttarpagut. Uani allaaserisami sammineqassaaq inunnut attaveqartarfiit (tul: social media) toqqammaviini nammineq atortakkatsinni imarisat allaneersut pillugit qanoq suleriaaseqarnersugut.

Imarisat Atuisartumit Suliat

Inunnut attaveqartarfinni taaguut atorneqartartoq atorlugu allaaserisami uani pineqarpoq Imarisat Atuisartumit Suliat (IAS, tul: UGC). Tassa imaappoq, internetsimut ikkunneqartut suulluunniit (t.i. bloggit, assit, videot il.il.) atuisunit suliat inunnullu attaveqartarfiit toqqammaviisigut suugaluartutigulluunniit siammarterneqartut.

Imarisanik suliaqartoq eqqarsaatigalugu aammalu uani pineqartumi Visit Greenland eqqarsaatigalugu IAS-inik atuineq tamaginnik pileritsatsitsinissamik siunertaqarpoq: sunniisartutut (tul: Influencer) imarisanik pingaartunik takutitsisoq namminerlu suliaminik pilerisaarisoq, taavalu meqqitut / ilisarnaatitut nammineq tuniniakkap pilersinnissaanut pilerisaarutiginissaanut.

Inunnut attaveqartarfinni taaguut atorneqartartoq atorlugu allaaserisami uani pineqarpoq Imarisat Atuisartumit Suliat

"Inoroorsaartarnerup silarsuaani anguneqarsinnaasoq assinit videonillu internetikkut siammarterneqartunit pisoq soqutiginnitsit tamarmik iluaqutigisinnaavaat”

Sinaakkutaasut: Suliffeqarfiit Hashtagii

Tuniniakkat pitsaasuusimappat taava inuit tunisat qanoq misigisaqarfigisimanerlugu allanut unnersiutigiumasarpaat. Suliffeqarfiup hashtagianik peqaraanni atuisartut isumaminnik misigisimasaminnillu annissivissaqalissapput, taannalu ilutigalugu tusaaneqarnissartik takuneqarnissartillu qularinagu. Suliffeqarfiup hashtagia tassaasinnaavoq meqqiutivit / ilisarnaativit Inunnut Attaveqartarfinni takuneqartarnissaanut sinaakkutissannik toqqammaviliisoq. Tassaavoq atuisartuutinnut toqqammavik piviusutut ittoq misigisaminnik avitseqatigiiffigisartagassaat – illillu najuunnerit tassuunatigut takutissinnaallugu atuisartullu sunniivigeqatigisinnaallugit. Atuisup ikkussaa siammarterukku atuisoq kisiat pinnagu kisianni aamma meqqiutit / ilisarnaatit pilerinarsassavat.

Ataani takusinnaavat Visit Greenlandip qanoq ililluni Instagramimik atuisartut suliffeqarfiup hashtagii pillugit kalerrittarnerai, aammalu hashtagit taakku atornerisigut siammarterinissamut akuersissummik qanoq tunisarneraatigut:

Nipit amerlasuut

Visit Greenlandimi inunnut attaveqartarfinni sulerusussuseqarlutalu takuneqarsinnaanissarput siunnerfigaarput. Tamaanga Kalaallit Nunaannut tikeraartartut sunik misigisaqartarnersut takussallugit siammartissallugillu assorsuaq soqutigisaraarput!

Naak imarisassat aamma nammineq pilersittaraluarigut Kalaallit Nunaallu assigiinngisitaartup isumassarsisitsisullu avammut takutinnissaa siunertarigaluaripput, inunnut attaveqartarfiit toqqammaviini atortakkatsinni IAS-inik atuisarnitta Visit Greenland asseqanngitsumik assigiinngisitaartumik saqqumisunngortittaraat arajutsiinnarsinnaanngilarput. Tassaavorlusooq nipit amerlasuut atornerisigut Kalaallit Nunaata tikeraanut suut neqeroorutigisinnaagai ataatsikkut tusagassiineq – nammineq niperput kisiat atornagu.

"Isumaliutigilaaruk atuisartut 92%-iisa ikinngutit ilaquttallu internertimut ikkussaat tatigisaramikkit meqqit / ilisarnaatit nalunaarutigisartagaannit pingaarnerutingaarlugit"



 

Kalaallit Nunaat takornariat ornittagaattut alliartorpoq 

IAS-it aningaasalersukkat

Soorlu paasisinnaagunarit imarisanik pilersitsisartut avatitsinneersut suleqatiginissaat Visit Greenlandimut pingaarpoq, suut, qanoq aamma qaqugukkut Kalaallit Nunaat tikeraarneqarsinnaasoq misissorneqarsinnaasorlu takusassiariniarlugu. Kalaallit Nunaat takornariat ornittagaattut alliartorpoq maangalu takornariarnissaminnik eqqarsaateqartunut takutikkusupparput Kalaallit Nunaata suut neqeroorutigisinnaagai. Kalaallit Nunaat imaani aalisagartanut assersuukkaanni suli mikisunnguummat aningaasartuutissatut missingersuussat ikittunnguupput, inunnullu attarveqartarfiit atortakkatta toqqammaviisigut pilerisaarutinut aningaasalersuineq ajorpugut. Tamatta tunisaqarnerunissarput pillugu pilerisaarisarpugut.

Tusagassiortut aamma PR qanoq suleqatigisarnerigut atuagaqarnerugit uani.