Nunarsuup akianiit akianut angalaneq takornariaqarneq pillugu inuussutissarsiutinik saqqummersitsinernut peqataajartorluni akerlianillusooq isumaanik ataatsimiittarfiup ilua qimatsaaliorneqakkajuttarmat ornitaq misigisassarsiorfiginagu oqaluuseriniarluguli.

 

Siullermik imaattarami, Savalimmiuni, Kalaallit Nunaanni Islandimilu Vestnorden Travel Mart sioqqullugu kingornaluunniit angalanerit tassaasimapput nammineq misigisassarsiornerit pissarsiarineqarsinnaasut pingaarnerit kisianni angalanerni taamaattuni inissakitsuarannguusarami peqataasinnaasutuallu tassaallutik Pisiniat.

 

Qularutigissanngilaq ukioq manna VNTM 2017-imi sioqqullugu kingornaluunniit suli angalasoqassammat, kisianni aamma misigisassarsiornissamut periarfissaq suli alla ilanngunniarparput peqataanissamut akiliummi ilaatinneqareersumik, taannalu kikkunnut tamanut ammalluni.

 

Colourful Nuuk Adventures ilisaritinnerat!

 

Pisiniartut Pilersuisullu tamarmik piffissamik inniminniisaqattaarnerup silarsuaa qimalaarlugu illoqarfipput pingaarneq Nuuk takunialaarsinnaanngorpaat marlunngornermi ualikkut 19. september Colourful Nuuk Adventures aqqutigalugit.

 

Colourful Nuuk Adventures 20-nik amerlanerusut qinigassaapput, soorlu kangerlummi illuaqqanut ungasissumiittunut angallammik angalaarneq, assak nutaanik pilersitsisinnaanersoq kalaallisuuliornikkut misililaarlugu, katersugaasiviit naasarlugit. Illit nammineq aaliangigassaraat misigisassarsiorneq sorleq ataaseq illit soqutigisannut tulluarnerunersoq.

 

Sapaatit akunnialunngui qaangiuppata nittartagaq 2017-imut naleqqussagaq saqqummerpat Colourful Nuuk Adventures-imit neqeroorutigineqartut tamarmik qupperarfigisinnaassavatit taavalu peqataaniarlutit nalunaaruit akiliillutillu ilaaffigisassannut inniminniillutit.

 

Kalaallit Nunaanni sumiiffinni isumaginnittartut tamaasa sinnerlugit VNTM 2017-imut tikilluaqqunissannut qilanaarpugut!