A Taste of Greenland isiginnaagassiaavoq tuluttut oqaasertalik, angalanermut nerisassiornermullu tunngasoq. Immikkoortuni tallimani Kalaallit Nunaata sineriaani orninneqarsinnaasut assigiinngissusaanik nerisassiarineqarsinnaasunillu takutinneqarput.

Isiginnaagassiami igasoq, Chris Coubrough, Kalaallit Nunaata pissarititaanik angalaffissanillu misissuisoq isiginnaarneqarsinnaavoq.  

Isiginnaagassiaq tunngavigalugu atasteofgreenland.com-imi nioqqutissat/atortussiat nassuiaaserneri, nerisassiornermut ilitsersuutit, tv-mit takutitassiaaqqat allallu katersorsimavagut.

Isiginnaagassiaq Ace & Ace TV-produktions Visit Greenlandillu suleqatigiinnerasigut pilersinneqarpoq.