Visit Greenlandip Kalaallit Nunaannut angalanernik tuniniaasartunut paasissutissanik tunniussuussisarnini allaanerusumik maannakkut ingerlattalerniarpaa.

Greenland.comip saniatigut Kalaallit Nunaat pillugu paasissutissanik isumassarsianillu allerfigisinnaasut nutaat saqqummingajalerput; tassaasut filmit atserneqartut ”Internetsikkut Pikkorissarnerit” (tul: Online Courses). Filmini tassani takuneqarsinnaapput nunap assingi titartakkat, assit videollu kusanarluinnartut kiisalu aallakaatitsinermi aqutsisup ilisarititsineri. Taamatut filmiliornermi siunertaavoq Kalaallit Nunaannut tuniniaasartut nunatsinnut paasisimasaqarluarlernissaat.

Internetsikkut pikkorissartitsineq siulleq, ”Greenland 101”, katiterlugu naammasseqqammerpoq, maannakkullu takuneqarsinnaalluni. Filmiliamut pilerisaarut ilisarititsisoq ataani takuuk.

 

ISIGINNAGASAT TULLERIIAAT  

Internetsikkut Pikkorissarnerit tulleriiaartunngorlugit sananeqartussanngorlugit inissitsiterneqarsimapput imminnut ataqatigiittussanngorlugit:

● Greenland 101 – Toqqammaviusumik ilisarititsineq: Sooq angalasut Kalaallit Nunaannukarusuttarnersut, Kalaallit Nunaanni sulerisinnaanersut, qanoq tikissinnaaneraat, suut nassatarissallugit pitsaanersut, FAQ’t (apeqqutigineqakkajuttartut pillugit)

● Greenland 102 – Annertunerusumik - kajumissuseq misigerusutallu aallaavigalugit angalanissap qanoq aaqqissorneqarsinnaaneranik siunnersuineq; ass. pisulluni angalaarneq iml. Perorsarsimassutsimut soqutiginnittumut programmi tulluartoq.

● Greenland 201 – Toqqammaviusumik Kalaallit Nunaanni Takornariat Periusaasa Immikkoortiternerinut (Market Segmentation) ilisarititsineq.

● Greenland 202 – Annertunerusumik angalarusuttup Takornariat Periusaasa Immikkoortiternerini sorlermut tulluarnersoq ikiuut, kiisalu tassunga angalarusuttumut qanoq angalanissamik pilersaarusiortoqarsinnaanersoq.

● Greenland 301 – Toqqammaviusumik ilisarititsineq: Kalaallit Nunaanni umiarsuakkut takornariaqarneq ullutsinni qanoq inissisimanersoq.

● Greenland 302 – Annertunerusumik paasissutissiineq: Siunissami ataavartumi umiarsuakkut takornariaqarneq nunatsinni qanoq siuarsarneqarsinnaanersoq, ass. Nunakkut takornariarnernik akullugu.

 

AALLARTIGIT

Greenland 101 isiginnaaruk, ataaniittoq toorlugu, imaluunniit downloaderuk kingusinnerusukkullu isiginnaarlugu.

 

Ilisaritinneri

Greenland 101 Teaser

Greenland 101

Greenland 101