Statistiki

Kalaallit Nunaanni angallannermi ilaasut nunanit allaneersut nalunaarsorneri.

Takornarissat qasserpiaaneri Kalaallit Nunaanni kisitsisaatigineqarsimanngisaannarpoq. Siuariartornissamut anguniakkat, taamaammat takornariaqarnermit isertitat kisinneqarneri pilerisaarinermullu suliniutit eqqoriaanernik tunngaveqartarsimapput.

Visit Greenland Kalaallit Nunaanni takornarissat amerlassusaannik kisitsisinik eqqorluartunik, nunaq najugarisaannut agguarneqarsimasunut, katersiuarnissaminut malitassiorsimavoq, Kalaallit Nunaannit nunanut allanut timmisartukkut angalasut tamaasa nalunaarsornerasigut (WTO-p isumasiuutaa malillugu).

Suliaq 2014-imi Nunatsinni Naatsorsueqqissaartarfik, Inuussutissarsionermik Naalakkersuisoqarfik Mittarfeqarfiillu suleqatigalugit aallartinneqarpoq.

Nalunaarsuinerit nutaat atorlugit angalasut suminngaanneerneri eqqorluartumik kisitsisaatigilissavagut.

www.tourismstat.gl alakkaruk, naatsorsueqqissaarnernillu kisitsisit takornariallu periusaat pillugit paasisaqarnerullutit.

Paasissutissat nuna tamakkerlugu nunallu immikkoortuini tuniniaavinni assigiinngitsuni ilimagisat tunngavigalugit misissueqqissaarnerni atorneqassapput, angusassamik toraagaqalernermi, pilerisaarinerillu sunniutaannik misissuinermi Kalaallit Nunaannullu takornariaqarnerup aningaasaqarnermut sunniutaanik misissuinermi kisitsisit tunngavittut.

Paasissutissattaaq nunat immikkoortuinit assigiinngitsunit immikkoortitikkanik misissuinermit paasissutissanut illugiissinneqarsinnaapput unnuisartullu naatsorsoqqissaarneri, taamaalillunilu nunat immikoortuini nunalu tamakkerlugu takornariaqarneq ersarinnerusumik takussutissaqalersinnaalluni.

Juli 2014-miilli nalunaarsuinerit stregkodedescannerimik tigummiartakkamik ingerlanneqalerput. Periuserli tamanna pitsaanerpaasimanani, 2015-imilu skærmenik toortaannagassanik taarserneqassallutik.

Aallalernermi, isumannaallisaanermik sulisunit misissortinnginnermi, ilaasut tamarmik sumi najugaqartuunerinik aperineqartassapput. Tamanna scannerit atorlugit nalunaarsorneqartassaaq. Ilaasut tamarmik nalunaarsorneqareerpata scanneri dockimut ilineqartassaaq paasissutissallu nammineq Kalaallit Nunaanni Naatsorsueqqissaartarfimmut nassiunneqartassapput, naatsorsueqqissaartarfiullu paasissutissat suliaralugillu tourismstat.gl-imut statistikeqarfianut ikkuttassallugit.

Nalunaarsukkat toqqaannartumik Nunatsinni Naatsorsueqqissaartarfimmut nassiunneqartassapput, tassanilu kisitsisit suliareqqittasallugit tourismstat.gl-illu kisitsisinik saqqummiisarfianut immiussuunneqartassallutik.

Taamatut nalunaarsuinikkut kisitsisit eqqoqqissaartut pisinnaanngussavagut, tassanilu paasissavarput angalasut sumiuunerinik kiisalu tuniniaaviit assigiinngitsut qanoq ineriartornersut. Angalasut nunami sumi najugaqarnerinik aperinikkut taava kikkut Danmarkimi kikkullu Kalaallit Nunaanni najugaqarnersut paasissavagut , tamarmimmi Qallunaat Nunaanni naalagaaffeqatigiinneq peqqutigalugu innuttaaqatigiikkamik.

Nalunaarsuinermi inernerit misilittaallattaarnikkut ilaneqartassapput, soorlu tassani misissorneqarsinnaavoq angalasut agguaqatigiissillugu nunatsinniinnerminni aningaasat atorsimasaat angalanerullu siunertaa paasineqassammat.

Nalunaarsuinerit nutaat atorlugit angalasut suminngaanneerneri eqqorluartumik kisitsisaatigilissavagut.