Kalaallit Nunaanni takornarissat immikkoortunut assigiinngitsunut immikkoortiterneri

Pilersaarusiap aallartiffia: 2012imi ukiup sisamararterutaa siulleq
Siunertaq: Apeqqutit sinaakkutassaannik, apersueriaasissamik paasissutissallu Kalaallit Nunaannut takornariat soqutigisaat pimoorussinerallu aallaavigalugit immikkoortiternissaanut atugassanik ineriartortitsineq.
Suleqatit: Arctic Umiak Line
Visit Greenlandip nalunaarsuinermik suliaqarnerani suliaq 2012imit pilersaarusiaajunnaarluni sulianngorpoq

Tourismstat.gl

Pilersaarusiap aallartiffia: 2013imi ukiup sisamararterutaa siulleq
Siunertaq: Takornarissat pillugit paasissutissat Kalaallit Nunaanni Naatsorsueqqissaartarfimmit paasissutissallu Visit Greenlandimeersut, pilersaarutinit qulaani taaneqartuneersut, avammut saqqummiunnissaat.
2013imi ukiup sisamararterutaata pingajuanni pilersaarusiaq Visit Greenlandip statistikimik suliaqarnerani sulianngorpoq

Paxit nunanit allaneersut nalunaarsorneri

Pilersaarusiap aallartiffia: 2013imi ukiup sisamararterutaata aappaat, 2014imilu atuutsinneqalerluni
Siunertaq: Timmisartukkut angalasut nunat najugaqarfiat aallaavigalugu nammineq nalunaarsuineq.
Suleqatit: Inuussutissarsiornermut Naalakkersuisoqarfik, Mittarfeqarfiit, Kalaallit Nunaanni Naatsorsueqqissaartarfik, Air Greenland
2015imit pilersaarusiaq Visit Greenlandip statistiskimik suliaqarnerani sulianngorpoq

The North Atlantic Mapping Project ( NAMP )

Pilersaarusiaq Visit Greenlandip immikkoortiterilluni suliaanik annertusiineruvoq Savalimmiut Islandilu ilanngunneqarlutik. Savalimmiut 2014imi ukiup sisamararterutaata siullianni pilersaarusiamut ilannguppoq.
Pilersaarusiap aallartinnera: Savalimmiuni 2014imi ukiup sisamararterutaata pingajuanni, Visit Greenland pilersaarusiami ataqatigiissaarisuulluni.
Siunertaq: Nunat taakku pingasut akornanni niuerfiit immikkoortortaasa avinneqarnerannik paasissutissat ersarinnerulernissaat taamaalillunilu ataqatigiittumik niuersinnaanerup tunisassiorsinnaanerullu ineriartortinnissaanut tunngavissaqarlualernissaq, nunallu akornanni pilerisaarinermik suleqatigiinnissaq.
Suleqatit: Visit Faroe Island, Savalimmiuni Naatsorsueqqissaartarfik; NATA
NAMPimi nunat avannarliit killiit pimoorusseqatigiinnerat NATAp siunertaanik ukuninnga eqquutitsivoq:
Ilisimasanik avitseqatigiinnissap siuarsarnissaa, tunisassianik ineriartortitsineq nutaaliornerlu
Nunat peqataasut akornanni peqatigiinnissat ineriartortinnissai
Nunap immikkoortuani ataqatigiissaarinerup pilerisaarinerullu kajumissaarnissaa
Tassani takornarissanut tunisassiat pitsanngorsarnissaanut tapersiinissaq