Pioneering Nation

Pilersaarusiap aallartiffia: 2010mi ukiup sisamararterutaata aappaat
Siunertaq: Naalagaaffiup ilisarnaammik nittarsaassinissaanik ineriartortitsineq, inuussutissarsiorfiit assigiinngitsut akimorlugit nunallu immikkoortui akimorlugit kalaallit pingaartitaannik immikkuullarissusaanillu erseqqarissisitsineq – tamannalu aallaavigalugu ataqatigiissitsisutut savituumillu nuna pillugu tunuliaqutitut oqaluttuarluni.
Tusarniaanerit: Inuussutissarsiorfinnit tamanit sinniisut, kommunimi ingerlatsiviit, illoqarfimmi/nunaqarfimmi politikerit inatsisartunilu ilaasortat, Inuussutissarsiornermut Naalakkersuisoqarfik, takornariaqartitsinermik soqutigisallit nunanit allaneersut.
2011mi ukiup sisamararterutaata aappaanit ilisarnaatissaat nittarsaassassaq aalajangerneqarpoq, tamaniilli VGp saqqummiussaani pilerisaarutaanilu tunngaviusimalluni.

Greenland.com 2.0

Pilersaarusiap aallartiffia: 2010mi ukiup sisamararterutaata pingajua Siunertaq: Nittartakkamik nutaamik Pioneering Nationip ilisarnaataanik nittarsaassisumik sananeq, ersarinnerusumik takujuminarnerusumillu Kalaallit Nunaannik misigisassarsiorfissatut assilianngortitsisumik. 2012imi Webby Awardinnappoq, ukioq taanna takornarissanut nittartakkatut pitsaanerpaatut toqqarneqarluni. Suleqatit: Kathart

Avammut paasisitsiniut (PR)

Ukiut tamaasa VGmut suliaq
Siunertaq: Kalaallit Nunaanni tunisassiani pingaarnerni nunanit tamalaanit ersarinnerulernissaa tapersersussallugu ineriartortissallugulu, Kalaallit Nunaatalu timmisartukkut angalasitsisut umiarsuarnillu takornariartaatinik angalasitsisut suleqatigalugit tikikkuminassarnissaa. Nunanut tamalaanut tusagassiutit tuniniaavitsinni pingaarnerni amerlasuunik isiginnaarneqartartut, atuarneqartartut tusarnaarneqartartullu annerit tapersersorniarlugit iliuuseqarpugut.
Suliassaqarfiup ilagaa siunnersuineq ilaatigullu billitsinik, unnuinnernik misigisassanillu kalaallit soqutigisaat suleqatigalugit sponsoriineq.

A Taste of Greenland

Pilersaarusiap aallartiffia: 2010mi ukiup sisamararterutaa siulleq
Siunertaq: 1. Angalanermik nerisassiornermillu isiginnaagassiamik immikkoortukkaartumik nunanut tamalaanut aallakaatitassiamik sananeq, immikkoortuni tallimani Kalaallit Nunaata immikkoortuinik, nerisassianik, misigisassanik qitiusumillu suliffeqarfinnik takutitsisussaq. 2. Kalaallinit pigineqartumik filmiisiviliorneq, isiginnaagassiami filmiliarineqarsimasut tamarmik, isiginnaagassiami atorneqanngikkaluilluunniit, tassaniittussanngorlugit, pilerisaarutinik filmeeraliornermi atorneqarsinnaasunik.
Suleqatit: Ace & Ace TV-Productions , siammarterivik TVF, Kalaallit Nunaanni suliffeqarfiit qitiusut, kommunini inuussutissarsiornermut immikkoortortaqarfiit takornariartitsiviillu, akunnittarfiit takornarialerisullu.
Pilersaarusiaq 2012imi ukiup sisamararterutaata pingajuani naammassivoq. Filmi nunanut 42nut tunineqarpoq filmiliallu isiginnaagassiami atorneqanngitsut media.gl-imi greenland.com-imilu filmimi 33 minutsitut sivisussuseqartumi atorneqarlutik. Isiginnaagassiap saniatigut nittartakkami immikkoortumi, atasteofgreenland.com, nerisassianut tunngasunik saqqummersitsisoqarpoq, tassanilu kalaallit nerisassiaannut pigisaanullu tunngasunik paasissutissaqarpoq, nerisassiornermut ilitsersuuteqarluni filmeeraqarlunilu allallu

Kalaallit Nunaannut tunngasunik tunisassiorneq

Suliap aallartiffia: 2014imi ukiup sisamararterutaa siulleq
Siunertaq: Kalaallit Nunaata misigisassarsiorfissatut immikkuullarittutut ersarinnerulernissaa Pioneering Nation oqaluttuatut atorlugu takussutissanik nammineq sanaartortoqarnerata ineriartortinneratigut. Imarisai nammineq nittartakkani nutaarsiassanilu atorneqassapput. Taassuma saniatigut imarisai allanut soqutigisalinnut, tusagassiutinut soqutigisaqatigiinnullu neqeroorutigineqassapput.
Atortussat ukununnga immikkoortiterneqassapput: Misigisassanik assit takornarissanut aalajangersimasunut tulluussakkat. Assit najoqqutassiat. Nunat immikkoortuini ilisarnaatit nittarsaanneqartut assii
Suleqatit: Nunat immikkoortuini takornariaqartitsiviit, pisortani soqutigisallit inuussutissarsiorfinnilu suleqatit.
Atortussanik tunisassiorneq, pilerisaarinerup saqqummiinerillu saniatigut VGp toolkit sektionianut Media.gl-imullu ikkunneqartussat.

Colourful Nuuk

Pilersaarusiap aallartiffia: 2014imi ukiup sisamararterutaa siulleq
Siunertaq: Illoqarfiit pingaarnersaattut kinaassutsip ataatsimoorfiusup pinngortinnissaa Nuummilu takornarissanut ’reason-to-go’-mik pilersitsineq. Nunatta illoqarfiit pingaarnersaannut, Nuummut, ilisarnaammik Pioneering Nationip ataani pilersitsinissaq, Kalaallit Nunaanni illoqarfimmiuunerup pitsaaqutaanik ersersitsiniarluni suliffeqarfinnillu ataatsimoortumik pilerisaarinissamut tunngavissiiniarluni.
Suleqatit: Sermersuumi Inuussutissarsiornermut Siunnersuisooqatigiit, Kommuneqarfik Sermersooq, Nuummi inuussutissarsiortut, Air Iceland Air Greenlandilu

Greenland.com 3.0

Pilersaarusiap aallartiffia: 2013imi ukiup sisamararterutaata aappa
Siunertaq: Nittartakkami ineriartornerup alakkarneqartarneratalu annertusarnissaata ataavartuarnissaa, mobilikkut alakkarneqarsinnaaneranik tunngavilik, atuisunullu atoruminarnerulersitsineq nunat immikkoortuisa Kalaallit Nunaannilu ingerlatitsiviit pitsaanerusumik nittarsaannerisigut.
Suleqatit: Kathart