Media.gl

Pilersaarusiap aallartiffia: 2010mi ukiup sisamararterutaata aappaa
Siunertaq: Kalaallit Nunaat pillugu takusassat atortut annertussusaat atoruminassarsallugit, Kalaallit Nunaata iluani avataanilu soqutigisalinnut naleqqussakkat – takornariaqarnermut tunnganerullutik.
Nunaatsinni Takornariaqarnermut Inuussutissarsiornermullu Siunnersuisoqatigiiffiup assiisivia matuneqarpoq, atoruminarnerusumillu MediaGLimik taarsrneqarluni, Flickr Vimeo-lu aqqutigalugit assinik filminillu tigusariaannarnik imaqarluni.
2011mi ukiup sisamararterutaata siulliannit pilersaarusiaq VGp atoruminartuunermut suliaani sulianngorpoq. 2014imi ukiup sisamararterutaata siulliannit VG content managerimik (imarisaanik aaqqissuisussaq), Media.gl-imik akisussaasussamik atortussanillu takussutissanik tunaanik sanasussamik atorfinitsitsivoq.

Annikinnerusut Atorlugit Annertunerit Pissarsiaralugit

Pilersaarusiap aallartiffia: 2012imi ukiup sisamararterutaata pingajuat Siunertaq: Kalaallit Nunaanni orninneqartartut nittartagaat atoruminarsarlugit, nunat immikkoortuini nunalu tamakkerluni greenland.com-imi nunat immikkoortuinut tunngasut pillugit suleqatigiinnerulerneq. Takornariartitsiviit allaffeqarneri ittangalerput 2012imi immikkoortortat sisamanut avillugit allaffeqalernissaat isumaqatigiissutigineqarpoq, Visit Greenlandillu ataatsimoortumik suliamut greenland.com-imut isumalluutit ataatsimoortissagai isumaqatigiissutaalluni. Kalaallit Nunaata Avannaa, Destination Arctic Circle, Capital Region Kujataalu ataatsimoortinnissai anguniagaavoq, greenland.com-imi immikkoortuni namminersorfigisaanni nukittunerunissaat, taamaalillunilu 2015imi nunat immikkoortuini suliallit annertunerusumik alakkarneqartalernissaat anguniagaavoq. Suliap ilagaa The Big Arctic Fivep nunat immikoortuisa nittartagaannut ilanngunnissaa – Greenland.com-imi mobilimilu nittartagassami.