Big Arctic Five, kampagne

Pilersaarusiap aallartiffia: 2012imi ukiup sisamararterutaa siulleq
Siunertaq: Kalaallit Nunaata unique selling points (immikkuullarequtai tuniniaanermi atorneqarsinnaasut) najoqqutassami ajornanngitsumi malikkuminartumilu ersarissarnissai, taassumalu danskit tuniniaaviini misilittarnissaa. Pioneering Nation aallaavigalugu pilerisaarinermi najoqqutassaq Big Arctic Five, misigisassat immikkuullarissut tallimat, nunat immikkoortuinut tulluussagaalluni ineriartortinneqassaaq.
Danmarkimi 2012imi ukiup sisamararterutaata sisamaanni kampagnia ingerlanneqarpoq
Suleqatit: Mantra, Kathart

Big Arctic Five tuniniaanermi najoqqutassaq

Pilersaarusiap aallartiffia: 2012imi ukiup sisamararterutaata sisamaat Siunertaq: Kalaallit Nunaanni misigisassanik tuniniaanermi pilerisaarinermik tuniniaanermillu sulinerup nukittorsarnissaa. VG Danmarkimi kampagniaminit ’Big Arctic Five’imit misilittakkani nittartakkami tuniniaanermik atortunut katersuuppai, Kalaallit Nunaanni avataanilu takornarialerinermik suliaqartunut tamanut aaneqarsinnaanngorlugit. Atortussat VGp B2Bmik suliaqarnerani ullumikkut ilaajuaannarput, tuluttut, tyskisut, franskisut, italiamiusut, spanskisut, japanimiusut kiniserisullu nutsigaallutik.

Business-to Business

VGp kampagniat tuniniaanermi ineriartortitsinermi sakkussatut atorunnaarnikuuai, B2Bmilli suliaqarneq annertusinikuullugu. Periuseq ataasiakkaarluni naapinnermik imaqarpoq, allaffeqarfinni tuniniaasunillu tuniniaanermi pilerisaarinermilu suliaalluni attaveqaatinillu nutaanik pilersitsinerulluni. Allaffeqarfiit tuniniaasullu iluatinnartut Kalaallit Nunaannut angalatinneqartarput (fam-trips).

Connect Iceland Greenland

Pilersaarusiap aallartiffia: 2011mi ukiup sisamararterutaa siulleq
2011: Kujataa, 2012: Tunu (2013 Vestnorden Travel Mart sammineqarpoq) 2014: Nuuk
Siunertaq: Pilersaarusiap siunertaraa Kalaallit Nunaanni Islandimilu attaveqatigiinnerulernissaq suleqatigiinnerulernissarlu – takornarissanik ataqatigiissitsinikkut Kalaallit Nunaallu angalaffissatut pingaarnertut.
Pilersaarusiaq ataasiakkaat fam-tripsertinnerannik tuniniaasunillu naapitsiniaanermik sulinermik imaqarportaaq.
Suleqatit: Air Iceland. Kommune Kujalliup Inuussutissarsiornermut ingerlatsivia illoqarfimmilu/nunaqarfimmilu suliallit. Destination East Greenland illoqarfimmilu/nunaqarfimmilu suliallit. Sermersuumi Inuussutissarsiornermut Siunnersuisooqatigiit illoqarfimmilu/nunaqarfimmilu suliallit.

Vestnorden Travel Mart 2013

Pilersaarusiap aallartiffia: 2012imi ukiup sisamararterutaata pingajuat
Siunertaq: VNTMimi pisisartut 10 %imik amerlinissaat nunatsinnilu angalalluni misigisassat aaqqissuunnerata nukittorsarnissaa. VGp 2013imi VNTM Kalaallit Nunaannut utertippaa tuniniagassanillu saqqummersitsinermut pisisussat nutaat 28%imik amerlisillugit. Pisisut 75%i Kalaallit Nunaannut pre-tursinut pingasuusunut arlaannut ilaapput.
Tuniniagassanik saqqummersitsisoqannginnerani VGp qaaqqusat 56%imik amerlisimavai, nutaamik nittartagaliorsimalluni ataatsimiinnermut modulitalimmik. Marsip 15iani ilaaniarlutik nalunaartoqarsinnaanngorpoq, qaammatillu marluk qaangiummata utaqqisunut allattuiffeqalerluni.

Marked Intelligence Kina (Kinami tuniniaavinnut tunngasunik paasiniaaneq?)

Pilersaarusiap aallartiffia: 2014imi ukiup sisamararterutaa siulleq
Siunertaq: Kinamiut angalasarneri siunissamilu angalasarnissaannut ilimagisat paasiniarnissaat kinamiullu angalatitsivii Kalaallit Nunaannut tulluarsinnaasut ilisariniarnissaat.
Pilersaarusiap siunertaraa Kalaallit Nunaanni takornarialerisunut kinamiut immikkoortuinut tunngasut paasisat nutaat ingerlateqqinnissaat, 2015imilu ukiup sisamararterutaata aappaani kinamiut angalatitsiviinit toqqakkat qulit Fam-tripertinnissaanut/workshopertinnissaanut suliap aallartisarnissaa.